EU - ອູ​ແກຣນ ສຸມ​ໃສ່​ປຶກສາ​ຫາລື​ກ່ຽວ​ກັບ​ການ​ປະຕິ​ຮູບ​ຂອງ​ອູ​ແກຣນ

56 11 ກ.ກ. 2018 ຂ່າວຕ່າງປະເທດ
EU - ອູ​ແກຣນ ສຸມ​ໃສ່​ປຶກສາ​ຫາລື​ກ່ຽວ​ກັບ​ການ​ປະຕິ​ຮູບ​ຂອງ​ອູ​ແກຣນ

    ອູ​ແກຣນ ແລະ ສະຫະພາບ​ເອີ​ຣົບ (EU) ໄດ້​ຈັດ​ກອງ​ປະຊຸມ​ສຸດ​ຍອດ​ເມື່ອ​ວັນ​ທີ 9 ກໍລະກົດ​ນີ້ ເພື່ອ​ສຸມ​ໃສ່​ປຶກສາ​ຫາລື ກ່ຽວ​ກັບ​ຄວາມ​ພະຍາຍາມ​ໃນ​ການ​ປະຕິ​ຮູບ​ຂອງ​ອູ​ແກຣນ ແລະ ​ບັນຫາ​ທີ່ ຣັດ​ເຊຍ​ຜະໜວກ​ເອົາ​ແຫຼມ​ໄຄຣ​ເມຍ ເມື່ອ​ປີ 2014.

    ເຂົ້າ​ຮ່ວມ​ໃນ​ກອງ​ປະຊຸມ​ດັ່ງກ່າວ ຝ່າຍ EU ມີ​ທ່ານ ຈວນ ຄລາວ ຈັງ​ເກີ ປະທານ​ຄະນະ​ກຳມະການ​ເອີ​ຣົບ (EC) ແລະ​ທ່ານ ໂດ​ນາ​​ລ ທຸ​​ສກ໌ ປະທານ​ສະພາ​ເອີ​ຣົບ ໃນ​ຂະນະ​ທີ່​ຝ່າຍ​ອູ​ແກຣນ ມີ​ປະທານາທິບໍດີ ເປ​ໂຕຣ ໂປ​ໂຣ​ເຊນ​ໂກ.

ກອງ​ປະຊຸມ​ດັ່ງກ່າວ​ໄດ້​ອອກ​ຖະແຫຼງການ​ຮ່ວມ ໃນ​ນັ້ນ​ໄດ້​ເວົ້າ​ເຖິງ​ຄວາມ​ພະຍາຍາມ ແລະ ຄວາມ​ຫຍຸ້ງຍາກ​ຂອງ​ອູ​ແກຣນ ໃນ​ການ​ຮັບ​ມື​ກັບ​ໄພ​ສໍ້​ລາດ​ບັງ​ຫຼວງ​ທີ່​ມີ​ແພ່​ຫຼາຍ ຕະຫຼອດ​ຮອດ​ຄວາມ ພະຍາຍາມ​ໃນ​ການ​ແກ້​ໄຂ​ສະພາບ​ແວດ​ລ້ອມ​ການ​ເຮັດ​ທຸລະ​ກິດ​ຂອງ​ອູ​ແກຣນ. ໃນ​ຂະນະ​ດຽວ​ກັນ ຖະແຫຼງການ​ຍັງ​ໄດ້​ເວົ້າ​ເຖິງ​ການ​ພິພາດ ທີ່​ພວມ​ເກີດ​ຂຶ້ນ​ຢູ່​ທາງ​ພາກ​ຕາເວັນ​ອອກ​ຂອງ​ອູ​ແກຣນ.

    ຄຽງ​ຄູ່​ກັນ​ນັ້ນ ຖະແຫຼງການ​ຮ່ວມ​ກໍ​ໄດ້​ເວົ້າ​ເຖິງ​ການ​ທີ່ EU ຮັບຮອງ​ບ້ວງ​ເງິນ​ກູ້​ເມື່ອ​ເດືອນ ພຶດສະພາ 2018 ໃຫ້​ແກ່​ອູ​ແກຣນ ເປັນ​ມູນ​ຄ່າ 1 ຕື້ ໂດ​ລາ​ສະຫະລັດ ໃນ​ເວລາ 2 ປີ​ເຄິ່ງ ນັ້ນ​ນຳ​ດ້ວຍ.

 

ຂ່າວທີ່ກ່ຽວຂ້ອງ