ຈີນ​ສົ່ງ​ດາວ​ທຽມ​ຂອງ​ປາ​ກິດ​ສະຖານ 2 ດວງ​ຂຶ້ນ​ສູ່​ວົງ​ໂຄຈອນ

56 11 ກ.ກ. 2018 ຂ່າວຕ່າງປະເທດ
ຈີນ​ສົ່ງ​ດາວ​ທຽມ​ຂອງ​ປາ​ກິດ​ສະຖານ 2 ດວງ​ຂຶ້ນ​ສູ່​ວົງ​ໂຄຈອນ

    ຕອນ​ເຊົ້າ​ວັນ​ທີ 9 ກໍລະກົດ​ນີ້ ຈີນ​ໄດ້​ໃຊ້​ຈະ​ຫຼວດ​ສົ່ງ​ຍານ​ສາງ​ເຈິ່ງ​ເລກ 2 ຍິງ​ສົ່ງ​ດາວ​ທຽມ​ບັນຊາ​ທາງໄກ​ເລກ 1 ແລະ ດາວ​ທຽມ​ທົດ​ລອງ​ວິທະຍາສາດ “PakTES – 1A” ຂອງ​ປາ​ກິດ​ສະຖານ​ຂຶ້ນ​ສູ່​ວົງ​ໂຄຈອນ​ຢ່າງ​ສຳເລັດ​ຜົນ ໂດຍ​ມີ​ຂຶ້ນ​ຢູ່​ຖານ​ສົ່ງ​ດາວ​ທຽມ​ຈິວ​ສວນ.

    ດາວ​ທຽມ​ບັນຊາ​ທາງໄກ​ເລກ 1 ຂອງ​ປາ​ກິດ​ສະຖານ ເປັນ​ດາວ​ທຽມ​ບັນຊາ​ທາງໄກ​ທັດສະນະ​ສາດ ທີ່​ຈີນ​ຄົ້ນຄວ້າ​ຜະລິດ​ໃຫ້​ແກ່​ປາ​ກິດ​ສະຖານ ຊຶ່ງ​ຈະ​ໃຊ້​ເຂົ້າ​ໃນ​ການ​ສຳ​ຫຼວດ​ຊັບພະຍາກອນ​ທີ່​ດິນ ການ​ອະນຸລັກ​ສິ່ງແວດລ້ອມ ການ​ວັດແທກ ແລະ​ຄຸ້ມ​ຄອງ​ໄພພິບັດ ການ​ປະ​ເມີນ​ຜົນ​ເກັບ​ກ່ຽວ​ກະສິກຳ ແລະ ການ​ວາງ​ຜັງເມືອງ.

    ສ່ວນ​ດາວ​ທຽມ “PakTES – 1A” ເປັນ​ດາວ​ທຽມ​ທົດ​ລອງ​ວິທະຍາສາດ ທີ່​ປາ​ກິດ​ສະຖານ​ຄົ້ນຄວ້າ​ຜະລິດ​ເອງ ຊຶ່ງ​ຕົ້ນຕໍ​ຈະ​ນຳ​ໃຊ້​ເຂົ້າ​ໃນ​ວຽກ​ການ​ພິສູດ​ທາງ​ເຕັກນິກ​ຂອງ​ດາວ​ທຽມ.

 

ຂ່າວທີ່ກ່ຽວຂ້ອງ