ເລີ່ມ​ການ​ຊ້ອມ​ຮົບ​ສາກົນ Sea Breeze 2018 ທີ່​ອູ​ແກຣນ

64 11 ກ.ກ. 2018 ຂ່າວຕ່າງປະເທດ
ເລີ່ມ​ການ​ຊ້ອມ​ຮົບ​ສາກົນ Sea Breeze 2018 ທີ່​ອູ​ແກຣນ

   ກອງທັບ​ເຮືອ​ອູ​ແກຣນ ແຈ້ງ​ໃຫ້​ຮູ້​ວ່າ ການ​ຊ້ອມ​ຮົບ​ສາກົນ​ປະຈຳ​ປີ ທີ່​ມີ​ຊື່ວ່າ Sea Breeze 2018 ໄດ້​ເລີ່ມ​ຂຶ້ນ​ໃນ​ວັນ​ທີ 9 ກໍລະກົດ​ນີ້ ທີ່​ນະຄອນ ໂອ​ເດ​​ສ​ຊາ (ພາກ​ໃຕ້​ອູ​ແກຣນ).

    ການ​ຊ້ອມ​ຮົບ​ຂອງ​ທະຫານ​ເຮືອ ທະຫານ​ອາກາດ ແລະ​ທະຫານ​ບົກ ໃນ​ເທື່ອ​ນີ້ ໂດຍ​ແມ່ນ ອູ​ແກຣນ ແລະ ສ ອາ​ເມ​ຣິ​ກາ ເປັນ​ປະທານ​ຮ່ວມ ແລະ​ມີ​ທະຫານ 2.000 ກວ່າ​ຄົນ ລວມ​ເຖິງ​ກຳປັ່ນ​ສູ້​ຮົບ 30 ລຳ ແລະ​ເຮືອບິນ​ຫຼາຍ​ລຳ ຈາກ 19 ປະເທດ​ເຂົ້າ​ຮ່ວມ. ຄາດ​ວ່າ ການ​ຊ້ອມ​ຮົບ​ດັ່ງກ່າວ ຈະ​ດຳເນີນ​ໄປ​ເປັນ​ເວລາ 2 ອາທິດ ໂດຍ​ມີ​ຂຶ້ນ​ຢູ່​ໃນ​ນະຄອນ​ໂອ​ເດ​​ສ​ຊາ ມີ​ໂກ​ລາຍ​ອິບ ແລະ ແຄ​ເຊິນ (ພາກ​ໃຕ້​ອູ​ແກຣນ).

    Sea Breeze ເປັນ​ການ​ຊ້ອມ​ຮົບ​ສາກົນ ຊຶ່ງ​ຈັດ​ຂຶ້ນ​ໃນ​ແຕ່​ລະ​ປີ ໂດຍ​ເລີ່ມ​ແຕ່​ປີ 1997 ເປັນຕົ້ນ​ມາ.

 

ຂ່າວທີ່ກ່ຽວຂ້ອງ