ຂ່າວຫຼ້າສຸດ

ນາຍົກລັດຖະມົນຕີ​ອິດ​ສະ​ຣາ​ແອນ ປະກາດ​ປິດ​ດ່ານ​ການ​ຄ້າ ກັບ​ແຫຼມ​ກາ​ຊາ

175 11 ກ.ກ. 2018 ຂ່າວຕ່າງປະເທດ
ນາຍົກລັດຖະມົນຕີ​ອິດ​ສະ​ຣາ​ແອນ ປະກາດ​ປິດ​ດ່ານ​ການ​ຄ້າ ກັບ​ແຫຼມ​ກາ​ຊາ

ນາຍົກລັດຖະມົນຕີ​ອິດ​ສະ​ຣາ​ແອນ ປະກາດ​ປິດ​ດ່ານ​ການ​ຄ້າ ກັບ​ແຫຼມ​ກາ​ຊາ

    ນາຍົກລັດຖະມົນຕີ​ອິດ​ສະ​ຣາ​ແອນ ເບນ​ຈາ​ມິນ ເນ​ຕັນ​ຢາ​ຮູ ຖະແຫຼງ​ເມື່ອ​ວັນ​ທີ 9 ກໍລະກົດ​ນີ້​ວ່າ ອິດ​ສະ​ຣາ​ແອນ ຈະ​ປິດ​ດ່ານ ເຄ​ເຣມ ຊາ​ລອມ ທີ່​ເປັນ​ຊ່ອງ​ທາງ​ການ​ຄ້າ​ຕົ້ນຕໍ​ຢູ່​ໃນ ແຫຼມ​ກາ​ຊາ ພ້ອມ​ທັງ​ຈຳກັດ​ເຂດ​ຫາ​ປາ​ຂອງ​ແຫຼມ​ກາ​ຊາ ຄື​ກັບ​ວ່າ​ເປັນ​ສ່ວນ​ໜຶ່ງ​ຂອງ​ມາດ​ຕະການ ເພື່ອ​ເພີ່ມ​ທະວີ​ການ​ປາບ​ປາມ​ຂະ​ບວນ​ການ​ຮາ​ມາ​​ສ ທີ່​ພວມ​ຄວບ​ຄຸມ​ແຫຼມ​ກາ​ຊາ​ຢູ່​ໃນ​ຂະນະ​ນີ້.

    ນາຍົກລັດຖະມົນຕີ ເນ​ຕັນ​ຢາ​ຮູ ເວົ້າ​ວ່າ ດ່ານ ເຄ​ເຣມ ຊາ​ລອມ ຈະ​ຖືກ​ປິດ​ນັບ​ແຕ່ ຄ່ຳ​ຄືນ​ຂອງ​ວັນ​ທີ 9 ກໍລະກົດ​ນີ້​ເປັນຕົ້ນ​ໄປ ແລະ​ເຂດ​ຫາ​ປາ​ຂອງ​ແຫຼມ​ກາ​ຊາ ຈະ​ກັບ​ໄປ​ສູ່​ລະດັບ 11​ ກມ ຄື​ກັບ​ກ່ອນ​ເວລາ​ທີ່​ໄດ້​ຮັບ​ການ​ເປີດ​ກວ້າງ​ເປັນ​ການ​ຊົ່ວຄາວ​ທີ່ 17 ​ກມ.

    ທ່ານ ເນ​ຕັນ​ຢາ​ຮູ ໃຫ້​ຮູ້​ວ່າ ການ​ດຳເນີນ​ການ​ດັ່ງກ່າວ ແມ່ນ​ເພື່ອ​ເປັນ​ການ​ຕອບ​ໂຕ້ ຕໍ່​ການ​ໂຈມ​ຕີ​ດ້ວຍ​ການ​ໃຊ້​ວ່າວ ແລະ ​ປູມ​ເປົ້າ​ບັນຈຸ​ແກ​​ັສ ເຮລີ (heli) ທີ່​ເຮັດ​ໃຫ້​ເກີດ​ໄຟ​ໄໝ້ ໂດຍ​ປ່ອຍ​ມາ​ຈາກ​ແຫຼມ​ກາ​ຊາ ນັບ​ແຕ່​ເກີດ​ການ​ປະ​ທ້ວງ​ເມື່ອ​ວັນ​ທີ 30 ມີນາ​ເປັນຕົ້ນ​ມາ. ຄາດ​ວ່າການ​ໂຈມ​ຕີ​ນັ້ນ ໄດ້​ເປັນ​ຜົນ​ກະທົບ​ຕໍ່​ພື້ນ​ທີ່ 33​ ກມ 2 ຢູ່​ທາງ​ພາກ​ໃຕ້​ອິດ​ສະ​ຣາ​ແອນ ແລະ​ເຮັດ​ໃຫ້​ເກີດ​ຄວາມ​ເສຍ​ຫາຍ​ເປັນ​ມູນ​ຄ່າ​ຫຼາຍ​ແສນ​ເອີ​ໂຣ.

 

ຂ່າວທີ່ກ່ຽວຂ້ອງ