ຂ່າວຫຼ້າສຸດ

ຝຣັ່ງມາແຮງ ແຊງແບນຊິກເຂົ້າຊິງດຳບານໂລກ

248 11 ກ.ກ. 2018 ວົງຈອນກີລາ
ຝຣັ່ງມາແຮງ ແຊງແບນຊິກເຂົ້າຊິງດຳບານໂລກ

"ຊາມູແອວ ອຸມຕິຕີ" ສວມບົດວິລະບູລຸດພັງປະຕູໄຊ ພາຝຣັ່ງ ຊະນະ ແບນຊະກ ຫວຸດຫວິດ 1-0 ຄວ້າສິດຜ່ານເຂ້ົາສູ່ຮອບຊິງດຳບອລໂລກ 2018 ໄດ້ສໍາເລັດ.

ການແຂ່ງຂັນເຕະບານໂລກ 2018 ຮອບຮອງຊະນະເລີດ ທີ່ສະໜາມເຊນ ປີເຕີສະເບິກ ປະເທດຣັດເຊຍ ເມື່ອວັນອັງຄານທີ່ຜ່ານມາ ທີມຊາດຝຣັ່ງ ແຊັມໂລກປີ 1998 ລົງສະໜາມດວນຝີຕີນ ແບນຊິກ ເຄິ່ງເວລາທໍາອິດ ເປັນແບນຊິກທີ່ຄອງບານບຸກໄດ້ຫຼາຍກວ່າ ແຕ່ຍັງຫາຈັງຫວະເຈາະແນວຮັບທີມຊາດຝຣັ່ງເຂ້ົາໄປຍິງປະຕູບໍ່ໄດ້ ຈຶ່ງຍັງສະເໝີກັນຢູ່ 0-0 ເຄິ່ງຫຼັງ ຝຣັ່ງເລີ່ມຫຍັບຂຶ້ນໜ້າຫຼາຍຂຶ້ນ ແລະ ໄດ້ປະຕູອອກນໍາໄປກ່ອນ 1-0 ຈາກການເອົາຫົວຂຶ້ນຕໍາບານຂອງ ຊາມູແອວ ອຸມຕິຕີ ກອງຫຼັງຈາກບາເຊໂລນາ ໃນນາທີທີ່ 51 ຫຼັງເສຍປະຕູ ແບນຊິກກໍເປີດເກມບຸກຢ່າງໜັກ ແຕ່ຈົນແລ້ວຈົນລອດ ກໍທວງປະຕູຄືນບໍ່ໄດ້ ຈົບເກມ ຝຣັ່ງຈຶ່ງຊະນະ ແບນຊິກ 1-0 ລອຍລໍາຜ່ານເຂ້ົາສູ່ຮອບຊິງຊະນະເລີດໄດ້ເປັນທີມທໍາອິດ ແລະ ເປັນຄັ້ງທີ່ 3 ນັບຕັ້ງແຕ່ປີ 1998 ເປັນຕ້ົນມາ ໂດຍຈະລໍຖ້າພົບກັບຜູ້ຊະນະໃນຮອບຕັດເຊືອກອີກຄູ່ລະຫວ່າງ ອັງກິດ ກັບ ກຣົວຊີ ຊຶ່ງລົງເຕະກັນເມື່ອຄືນວັນທີ່ 11 ກໍລະກົດຕໍ່ໄປ

ຂ່າວທີ່ກ່ຽວຂ້ອງ