ບອກເວລາຈຶ່ງຊິຕອບໄດ້

149 03 ສ.ຫ. 2018 ຫົວຂໍ້ຂ່າວອື່ນໆ

   ເຫັນ​ລູກ​ສາວ​ຫຼ້າ​ມີ​ຜູ້​ບ່າວ ຜູ້​ແພວ ມາ​ຕອມ​ຢູ່​ວຶ້ນໆ ຝ່າຍ​ແມ່ ຊື່​ປ້າ ແຈ່ມ ຮູ້­ສຶກ​ກະ­ວົນ­ກະ­ວາຍ ກິນ​ບໍ່​ແຊບ ນອນ​ບໍ່​ຫຼັບ ຄັນ​ຊິ​ດ່າ​ວ່າ​ຮ້າຍ​ໃຫ້​ກໍ່​ຢ້ານ​ລູກ​ສາວ​ຕັບ​ດຽວ​ໂຕນ​ນຳ​ຜູ້​ບ່າວ​ຈ້ອຍ ມີ​ມື້­ໜຶ່ງ ອົດ​ບໍ່​ໄດ້ ປ້າ ແຈ່ມ ກໍ່​ເລີຍ​ຖາມ​ລູກ​ສາວ ຂຶ້ນ​ວ່າ:

   (ຄືນ​ແລ້ວ­ນີ້ ລູກ​ຢູ່​ລົມ​ຜູ້​ໃດ ຈົນ​ຮອດ​ເດິກ ຮອດ​ດື່ນ ຄື​ບໍ່​ເມືອ​ຈັກ​ເທື່ອ?) ລູກ​ສາວ ຊື່ ຕີບ ຖາມຄືນ​ວ່າ:

   (ແມ່​ໝາຍ​ເຖິງ​ຜູ້​ມາ​ລົມ​ລູກ​ຕອນ​ຈັກ​ໂມງ?)

   (ບໍ່​ຮູ້.... ກໍ່​ຜູ້​ລົມ​ລູກ​ຄືນ​ແລ້ວ​ຫັ້ນ​ລະ)

   (ເອົາ​ແລ້ວ.... ລູກ​ບອກ​ບໍ່​ໄດ້ ເພາະ​ແຕ່​ລະ 10 ນາ­ທີ​ໃດ ມີ​ຜູ້​ປ່ຽນ​ໜ້າ​ກັນ​ມາ​ລົມ ລູກ​ບໍ່​ຮູ້​ວ່າ ແມ່ ໝາຍ​ເຖິງ ຜູ້​ມາ​ຕອນ​ໃດ ?) ສາວ ຕີບ ວ່າ​ຈັ່ງ­ຊັ້ນ !.

ໂດຍ: ບ່າວ​ກະ­ບື

ຂ່າວທີ່ກ່ຽວຂ້ອງ