ຂ່າວຫຼ້າສຸດ

ປອກ

280 03 ສ.ຫ. 2018 ຫົວຂໍ້ຂ່າວອື່ນໆ

   ຄຳ​ກິ­ລິ­ຍາ ແປ​ວ່າ ເຮັດ​ໃຫ້​ເປືອກ, ສິ່ງ ທີ່​ຫຸ້ມ​ຫຼຸດ​ອອກ ຖື​ເປັນ​ອາ­ການ, ວິ­ທີ​ການ ທີ່​ໃຊ້​ມື ຫຼື ມີດ, ພ້າ, ຂວານ... ເອົາ​ສິ່ງ​ໃດ ໜຶ່ງ​ອອກ​ຈາກ​ຂວັ້ນ, ໜ່ວຍ ຫຼື ຕົ້ນ​ຂອງ​ມັນ. ປອກ ມີ​ຫຼາຍ​ຄຳ​ທີ່ ພ້ອມ​ຄວາມ​ໝາຍ​ໃກ້​ຄຽງ​ກັນ​ເຊັ່ນ: ລອກ, ຫຼົກ, ປີ້ນ, ຖາກ, ຊ້ອມ, ສີ... ນອກ­ຈາກ​ນີ້,ຍັງ​ພົບ​ເຫັນ​ໃຊ້​ເປັນ​ສຳ­ນວນ​ແບບ​ປະ­ສົມ​ຄຳ​ໃສ່ ກັນ ເຊັ່ນ: ປອກ​ລອກ ໝາຍ​ເຖິງ ຂູດ​ຮີດ​ເອົາ, ຂົ່ມ­ຂູ່​ເອົາ​ຂອງ. 

ຕົວ­ຢ່າງ:

- ແມ່​ໃຊ້​ມີດ​ປອກ​ໝາກ­ມ່ວງ​ສຸກ

- ແມ່​ຄ້າ​ກຳ­ລັງ​ປອກ​ໝາກ­ຫຸ່ງ​ເພື່ອ​ຂາຍ​ຕຳ​ໝາກ­ຫຸ່ງ

- ລີງ​ປອກ​ກ້ວຍ​ກິນ​ເປັນ​ດ້ວຍ​ມື

- ແມ່​ຄ້າ­ຂາຍ​ຊີ້ນ​ໝູ​ປອກ ຄື​ຊີ້ນ​ໝູ​ບໍ່​ມີ​ໜັງ

- ມັນ​ມາ​ປອກ​ລອກ​ເອົາ​ເງິນ​ນຳ​ແມ່​ມັນ​ອີກ​ແລ້ວ ບັກ​ຊົ່ວ​ນີ້!

- ການ​ສີ​ເຂົ້າ­ເປືອກ​ແລ້ວ​ໄດ້​ເຂົ້າ­ສານ ກໍ​ແມ່ນ​ວິ­ທີ​ການ​ປອກ​ເມັດ​ເຂົ້າ

- ຊ່າງ​ໄມ້​ໃຊ້​ຂວານ​ຖາກ​ເສົາ​ໄມ້​ແຕ້ ກໍ​ແມ່ນ​ວິ­ທີ​ການ​ປອກ​ເປືອກ ຫຼື ມອກ​ໄມ້​ເຊັ່ນ​ກັນ.

 ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ