ຂ່າວຫຼ້າສຸດ

ຍົກລະດັບການເປັນຜູ້ນຳໃຫ້ພະນັກງານນ້ຳປະປາ

1.091 09 ສ.ຫ. 2018 ຂ່າວໜ້າ​ໜຶ່ງ
ຍົກລະດັບການເປັນຜູ້ນຳໃຫ້ພະນັກງານນ້ຳປະປາ

    ລັດ​ວິ​ສາ​ຫະ​ກິດ​ນ້ຳ​ປະ­ປາ​ນະ­ຄອນ­ຫຼວງ​ວຽງ​ຈັນ (ນວ) ຮ່ວມ​ກັບ​ສູນ​ຝືກ​ອົບ­ຮົມ​ປີ​ຣ​ແມ​ຈາກ​ປະ­ເທດ​ສິ​ກະ​ໂປ ຈັດ​ຝືກ​ອົບ­ຮົມ​ການ​ສື່­ສານ​ ໃນ​ການ​ດຳ­ເນີນ​ທຸ­ລະ​ກິດ​ພາ­ວະ​ຄວາມ​ເປັນ​ຜູ້­ນຳ ເຕັກ­ນິກ​ການ​ນຳ​ສະ­ເໜີ​ການ​ແກ້​ໄຂ​ບັນ­ຫາ ແລະ ການ​ສ້າງ​ການ​ຕັດ­ສິນ​ໃຈ ຂຶ້ນ​ວັນ​ທີ 23-24 ກໍ­ລະ­ກົດ 2018 ຜ່ານ​ມາ ທີ່​ສູນ​ຝືກ​ອົບ­ຮົມ​ວິ­ຊາ​ຊີບ​ນ້ຳ​ປະ­ປາ ນວ ໂດຍ​ເປັນ​ປະ­ທານ​ຂອງ​ທ່ານ ວຽງ​ທວາຍ ວັນ­ນະ​ລາດ ຮອງ​ອຳ­ນວຍ​ການ​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ໃຫ້​ກຽດ​ບັນ​ລະ​ຍາຍ​ທ່ານ DEVANDASS ອຳ­ນວຍ​ການ​ໃຫຍ່​ສູນ​ຝືກ​ອົບ­ຮົມ ປີ​ຣ​ແມ ສິງ­ກະ­ໂປ ທ່ານ IVAN GOH ວິ­ທະ­ຍາ­ກອນ​ຈາກ​ສິງ­ກະ­ໂປ ທ່ານ ດາວ​ເພັດ ບົວ​ພາ ທີ່​ປຶກ­ສາ​ຫ້ອງ​ວ່າ­ການ ນວ ມີ​ຫົວໜ້າ​ໂຮງ­ງານ ແລະ ພະ­ນັກ­ງານ​ທີ່​ກ່ຽວ­ຂ້ອງ​ເຂົ້າ​ຮ່ວມ.

    ຈຸດ­ປະ­ສົງ​ການ​ເຝິກ­ອົບ­ຮົມ​ຄັ້ງ​ນີ້ ​ເພື່ອ​ເຮັດ​ໃຫ້​ຜູ້​ບໍ­ລິ­ຫານ​ທາງ​ດ້ານ​ການ​ຄຸ້ມ​ຄອງ-ການ​ນຳ­ພາ ແລະ ການ​ບໍ­ລິ­ຫານ​ທຸ­ລະ​ກິດ​ຂອງ​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ໄດ້​ຮັບ​ຮູ້ ແລະ ເຂົ້າ­ໃຈ​ຄວາມ​ເປັນ​ຜູ້­ນຳ ເຕັກ­ນິກ​ການ​ນຳ​ສະ­ເໜີ​ການ​ແກ້​ໄຂ​ບັນ­ຫາ ແລະ ການ​ສ້າງ​ຄວາມ​ຕັດ­ສິນ​ໃຈ ພ້ອມ​ນັ້ນ​ ສຳ​ມະ​ນາ​ກອນ​ຍັງ​ໄດ້​ແລກ­ປ່ຽນ​ຄຳ​ຄິດ​ຄຳ​ເຫັນ ແລະ ບົດ­ຮຽນ​ເຊິ່ງ​ກັນ ແລະ ກັນ ທັງ​ນີ້​ເພື່ອ​ເປັນ​ການ​ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ​ຂອງ​ພະ­ນັກ­ງານ​ນຳ­ພາ-ຄຸ້ມ​ຄອງ​ ໃຫ້​ນັບ​ມື້​ມີ​ຄຸ­ນະ­ພາບ​ດີ​ຂຶ້ນ.

ຂ່າວທີ່ກ່ຽວຂ້ອງ