ປະດັບຫຼຽນໄຊ ແລະ ຫຼຽນກາມິດຕະພາບ ໃຫ້ນະຄອນຫຼວງຮ່າໂນ້ຍ

128 10 ສ.ຫ. 2018 ຂ່າວໜ້າ​ໜຶ່ງ
ປະດັບຫຼຽນໄຊ ແລະ ຫຼຽນກາມິດຕະພາບ ໃຫ້ນະຄອນຫຼວງຮ່າໂນ້ຍ

    ເພື່ອ​ເປັນ​ການ​ຈາ­ລຶກ​ບຸນ­ຄຸນ ແລະ ຄຸນ­ງາມ­ຄວາມ­ດີ​ຂອງ​ອະ­ດີດ​ການ​ນຳ​ນະ­ຄອນ­ຫຼວງ​ຮ່າ​ໂນ້ຍ ແລະ ພະ​ແນກ​ກະ­ສິ­ກຳ ແລະ ພັດ­ທະ­ນາ​ຊົນ­ນະ­ບົດ ນະ­ຄອນ­ຫຼວງ​ຮ່າ​ໂນ້ຍ ສສ ຫວຽດ­ນາມ ທີ່​ມີ​ຜົນ­ງານ​ໃນ​ການ​ປະ­ກອບ­ສ່ວນ​ຮ່ວມ​ມື ແລະ ໃຫ້­ການ​ຊ່ວຍ­ເຫຼືອ​ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ​ເປັນ­ຕົ້ນ ໃຫ້​ທຶນ​ເຝິກ­ອົບ­ຮົມ​ການ​ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ ຊ່ວຍ­ເຫຼືອ​ດ້ານ​ແນວ​ພັນ​ພືດ ສັດ ການ​ສ້າງ​ແຜນ​ແມ່​ບົດ​ພັດ­ທະ­ນາ​ກະ­ສິ­ກຳ ແລະ ປ່າ­ໄມ້ ຮອດ​ປີ 2020 ຍຸດ​ທະ​ສາດ​ຮອດ​ປີ 2025 ແລະ ວິ­ໄສ​ທັດ​ຮອດ​ປີ 2030 ໃຫ້​ແກ່​ພະ​ແນກ​ກະ­ສິ­ກຳ ແລະ ປ່າ­ໄມ້​ນະ­ຄອນ­ຫຼວງ​ວຽງ​ຈັນ ມູນ​ຄ່າ 6,2 ຕື້​ດົງ.

    ໃນ​ໂອ­ກາດ​ທີ່​ຄະ­ນະ​ຜູ້​ແທນ​ນະ­ຄອນ­ຫຼວງ​ຮ່າ​ໂນ້ຍ​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ກັບ​ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ ວັນ​ທີ 9 ສິງ­ຫາ 2018 ທີ່​ຫ້ອງ​ວ່າ­ການ​ປົກ­ຄອງ​ນະ ຄອນ​ຫຼວງ​ວຽງ​ຈັນ ໄດ້​ຈັດ​ພິ­ທີ​ປະ­ດັບ​ຫຼຽນ​ໄຊ ແລະ ຫຼຽນ​ກາ​ມິດ­ຕະ­ພາບ​ໃຫ້​ຄະ­ນະ​ຜູ້​ແທນ​ດັ່ງ­ກ່າວ  ໃຫ້​ກຽດ​ປະ ດັບ​ໂດຍ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ  ມີ​ພາກ­ສ່ວນ​ທີ່​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

    ການ​ປະ­ດັບ​ຫຼຽນ​ຄັ້ງ​ນີ້ ໂດຍ​ໄດ້​ປະ­ດັບ​ຫຼຽນ​ໄຊ​ມິດ­ຕະ­ພາບ​ໃຫ້​ທ່ານ ເຈິນ​ຊວນ​ຫວຽດ ອະ­ດີດ​ຮອງ​ເຈົ້າ​ຄອງ​ນະ­ຄອນ­ຫຼວງ​ຮ່າ​ໂນ້ຍ ແລະ ພະ​ແນກ​ກະ­ສິ­ກຳ ແລະ ພັດ­ທະ­ນາ​ຊົນ­ນະ­ບົດ ນະ­ຄອນ­ຫຼວງ​ຮ່າ​ໂນ້ຍ ແລະ ປະ­ດັບ​ຫຼຽນ​ກາ​ມິດ­ຕະ­ພາບ​ໃຫ້​ພະ­ນັກ­ງານ-ລັດ­ຖະ­ກອນ ພະ​ແນກ​ກະ­ສິ­ກຳ ແລະ ພັດ­ທະ­ນາ​ຊົນ­ນະ­ບົດ ນະ­ຄອນ­ຫຼວງ​ຮ່າ​ໂນ້ຍ ຈຳ­ນວນ 3 ທ່ານ.

ຂ່າວທີ່ກ່ຽວຂ້ອງ