ຂ່າວຫຼ້າສຸດ

ຄັດເລືອກລາວຊຸບເປີໂມເດວ ແລະ ເດັກນ້ອຍໜ້າຮັກ

218 21 ສ.ຫ. 2018 ຂ່າວໜ້າ​ໜຶ່ງ
ຄັດເລືອກລາວຊຸບເປີໂມເດວ ແລະ ເດັກນ້ອຍໜ້າຮັກ

    ງານ​ຄັດ​ເລືອກ​ລາວ​ຊຸບ​ເປີ​ໂມ​ເດວ ແລະ ເດັກ­ນ້ອຍ​ໜ້າ​ຮັກ​ປີ 2018 ເພື່ອ​ໃຫ້​ຊາວ​ໜຸ່ມ​ລາວ​ໄດ້​ມີ​ເວ­ທີ​ກ້າ​ສະ­ແດງ​ອອກ ແລະ ເຝິກ​ທັກ​ສະ​ຂອງ​ຕົນ ຈັດ​ຂຶ້ນ​ວັນ​ທີ 18 ສິງ­ຫາ 2018 ທີ່​ໂຮງ­ແຮມ​ແລນ​ມາກ ນະ­ຄອນ­ຫຼວງ​ວຽງ ຈັນ ມີ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ ໜ້າ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ​ນະ­ຄອນ­ຫຼວງ​ວຽງ​ຈັນ ບັນ­ດາ​ຜູ້​ສະ­ໜັບ​ສະ ໜູນ​ຫຼັກ​ໂຄງ­ການ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ຜ່ານ​ການ​ແຂ່ງ­ຂັນ​ໂດຍ​ການ​ເດີນ​ແບບ​ດ້ວຍ​ຊຸດ​ລາວ ແລະ ຊຸດ​ລາວ​ປະ­ຍຸກ​ຊຸດ Street Ware ຊຸດ​ສາ ກົນ​ທີ່​ໂດດ​ເດັ່ນ ໄດ້​ຮັບ​ສຽງ​ເຊຍ​ຈົນ​ຊະ­ນະ​ໃຈ​ກຳ­ມະ­ການ​ລາ­ງວັນ​ຊະ­ນະ​ເລີດ​ລາວ​ຊຸບ​ເປີ​ໂມ​ເດວ​ປີ 2018 ໄດ້­ແກ່ M3 ທ້າວ ບຸນ​ພິ​ທັກ ພູນ​ຜົນ ແລະ L2 ນາງ ເຊີ່ນ ໄຊ​ຍະ​ສານ ໄດ້​ຮັບ​ລາ­ງວັນ​ຄົນ​ລະ 10 ລ້ານ​ກີບ ລາ­ງວັນ​ຂວັນ​ໃຈ​ຊ່າງ​ພາບ​ໄດ້­ແກ່ M8 ທ້າວ ປະ­ເສີດ ບົວ​ພາ­ລະ​ພອນ ແລະ L3 ນາງ ແຄັດ​ທິ​ຍາ ທຳ​ມະ​ວົງ­ສາ ໄດ້​ຮັບ​ລາ­ງວັນ​ຄົນ​ລະ 2 ລ້ານ​ກີບ ລາ­ງວັນ​ຂວັນ​ໃຈ​ມະ­ຫາ­ຊົນ M7 ທ້າວ ວິ​ໄຊ ສີນ​ບັນ­ດິດ ແລະ L10 ນາງ ໂອ່​ເລ້ ສີ​ໂຄດ ໄດ້​ຮັບ​ລາ­ງວັນ​ຄົນ​ລະ 1 ລ້ານ​ກີບ ສ່ວນ​ລາງ​ວັນ­ເດັກ­ນ້ອຍ​ໜ້າ​ຮັກ​ໄດ້­ແກ່ SM6 ທ້າວ ອາ­ນາ­ຈັກ ສີ​ບຸນ​ເຮືອງ ແລະ ML1 ນາງ ມີ­ນາ​ພອນ ພວງ​ສະ­ຫວັນ ໄດ້​ຮັບ​ລາ­ງວັນ​ຄົນ​ລະ 5 ລ້ານ​ກີບ ລາ­ງວັນ​ຂວັນ​ໃຈ​ຊ່າງ​ພາບ​ໄດ້­ແກ່ SM3 ທ້າວ ຄ້ຳ​ຄູນ ຫຼວງ​ໂຄດ ແລະML3 ນາງ ອາ​ນິ­ສາ ແກ້ວ​ມະ­ນີ​ວົງ ໄດ້​ຮັບ​ລາ­ງວັນ​ຄົນ​ລະ 1 ລ້ານ​ກີບ ແລະ ລາ­ງວັນ​ຂວັນ​ໃຈ​ມະ­ຫາ­ຊົນ​ໄດ້­ແກ່ SM3 ທ້າວ ຄ້ຳ​ຄູນ ຫຼວງ​ໂຄດ ແລະ ML6 ນາງ ທິ­ດາ​ພອນ ແກ້ວ​ພັກ­ດີ ໄດ້​ຮັບ​ລາ­ງວັນ​ຄົນ​ລະ 5 ແສນ​ກີບ ນອກ​ນັ້ນ​ຍັງ​ມີ​ລາ­ງວັນ​ອື່ນໆ​ຕື່ມ​ອີກ.

ຂ່າວທີ່ກ່ຽວຂ້ອງ