ຂ່າວຫຼ້າສຸດ

ໂກນບານຍິງ ເຂົ້າຮ່ວມແຂ່ງຂັນຢູ່ປະເທດໄທ ກ່ອນເຂົ້າແຂ່ງຂັນເອຊຽນພາຣາເກມ

204 11 ກ.ຍ. 2018 ວົງຈອນກີລາ
ໂກນບານຍິງ ເຂົ້າຮ່ວມແຂ່ງຂັນຢູ່ປະເທດໄທ ກ່ອນເຂົ້າແຂ່ງຂັນເອຊຽນພາຣາເກມ

    ທ່ານ ລອນ​ຄຳ ອິນ​ທອງ​ໄຊ ຄູ​ເຝິກ​ກີ­ລາ​ໂກນ​ບານ​ຍິງ​ທີມ​ຊາດ​ລາວ ໄດ້​ລາຍ​ງານ​ວັນ​ທີ 10 ກັນ­ຍາ 2018 ໃຫ້​ຊາບ​ວ່າ: ວັນ​ທີ 7 ກັນ­ຍາ 2018 ທັບ​ນັກ­ກີ­ລາ​ໂກນ​ບານ ທີມ​ຊາດ​ລາວ ປະ­ເພດ​ຊາຍ-ຍິງ 12 ຄົນ ນຳ​ໂດຍ​ທ່ານ ວຽງ​ໄຊ ທ່ຽງ​ບັນ­ດິດ ຜູ້​ຈັດ­ການ​ທີມ​ທັບ​ນັກ­ກີ­ລາ​ໂກນ​ບານ​ທີມ​ຊາດ​ລາວ ພ້ອມ​ຄະ­ນະ 4 ທ່ານ ໄດ້​ອອກ​ເດີນ­ທາງ​ໄປ​ເຂົ້າ​ຮ່ວມ​ການ​ແຂ່ງ­ຂັນ​ໂກນ​ບານ​ອາ­ຊີ​ປາ​ຊີ​ຟິກ 2018 ຢູ່​ບາງ­ກອກ ປະ­ເທດ​ໄທ ລະ­ຫວ່າງ​ວັນ​ທີ 11-14 ກັນ­ຍາ 2018.

    ການ​ແຂ່ງ­ຂັນ​ດັ່ງ­ກ່າວ​ມີ 6 ປະ­ເທດ​ເຂົ້າ​ຮ່ວມ ຄື: ໄທ (ທີມ​ຊາຍ A ທີມ​ຊາຍ B ແລະ ທີມ ຍິງ) ລາວ (ທີມ​ຊາຍ ແລະ ທີມ​ຍິງ) ອົດ​ສະ​ຕຣາ​ລີ (ທີມ​ຊາຍ) ສ ເກົາ­ຫຼີ (ທີມ​ຍິງ) ສິງ​ກາ​ໂປ (ທີມ​ຍິງ) ແລະ ອິນ​ເດຍ (ທີມ​ຍິງ) ການ​ເຂົ້າ​ຮ່ວມ​ຂອງ​ທັບ​ນັກ­ກີ­ລາ​ໂກນ​ບານ​ທີມ​ຊາດ​ລາວ​ຄັ້ງ​ນີ້ ເພື່ອ​ເປັນ​ການ​ທົດ​ສອບ​ຄວາມ​ພ້ອມ​ຂອງ​ນັກ­ກີ­ລາ ໃນ​ການ​ກະ­ກຽມ​ສົ່ງ​ນັກ­ກີ­ລາ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ເອ​ຊຽນ ພາ​ຣາ​ເກມ ຄັ້ງ​ທີ 12 ຢູ່​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ວັນ​ທີ 6-13 ຕຸ­ລາ 2018 ເຊິ່ງ ສປປ ລາວ ຈະ​ສົ່ງ​ນັກ­ກີ­ລາ​ຄົນ​ພິ­ການ​ເຂົ້າ​ຮ່ວມ 4 ປະ­ເພດ​ຄື: ລອຍ­ນ້ຳ ແລ່ນ-ລານ ຍົກ​ນ້ຳ­ໜັກ ແລະ ໂກນ​ບານ​ຍິງ.

ຂ່າວທີ່ກ່ຽວຂ້ອງ