ຂ່າວຫຼ້າສຸດ

ລາວ-ໄທ ສົ່ງເສີມການຄ້າ ການລົງທຶນ

117 13 ກ.ຍ. 2018 ຂ່າວໜ້າ​ໜຶ່ງ

    ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໄດ້​ເປັນ​ເຈົ້າ­ພາບ​ຈັດ​ກອງ​ປະ­ຊຸມ​ເຈົ້າ​ໜ້າ­ທີ່​ອາ­ວຸ­ໂສ ແຜນ­ການ​ຮ່ວມ​ມື​ລະ­ຫວ່າງ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ​ລາວ ແລະ ກະ­ຊວງ​ພາ­ນິດ ປະ­ເທດ​ໄທ ຄັ້ງ​ທີ 7 ໃນ​ວັນ​ທີ 5-6 ກັນ­ຍາ 2018 ຢູ່​ກະ­ຊວງ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ທ່ານ​ນາງ ເຂັມ​ມະ­ນີ ພົນ​ເສ­ນາ ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ມີ​ທ່ານ​ນາງ ອໍ​ຣາ​ມົນ ຊັບ​ທະ­ວີ​ທຳ ຫົວ­ໜ້າ​ກົມ​ເຈລະ­ຈາ​ການ​ຄ້າ ກະ­ຊວງ​ພາ­ນິດ ຣາ​ຊະ​ອາ­ນາ­ຈັກ​ໄທ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ເພື່ອ​ທົບ​ທວນ​ການ​ຮ່ວມ​ມື​ໃນ​ໄລ­ຍະ​ຜ່ານ​ມາ ນັບ​ແຕ່​ກອງ​ປະ­ຊຸມ​ທີ່​ທັງ​ສອງ​ກະ­ຊວງ ໄດ້​ຈັດ​ຂຶ້ນ​ຄັ້ງ​ຫຼ້າ​ສຸດ​ໃນ​ປີ 2015 ຢູ່​ປະ­ເທດ​ໄທ ແລະ ໄດ້​ປຶກ­ສາ​ຫາ­ລື​ແຜນ­ການ​ຮ່ວມ​ມື​ໃນ​ຂົງ­ເຂດ​ວຽກ​ງານ​ການ​ຄ້າ​ໃນ­ຕໍ່­ໜ້າ ບົນ​ພື້ນ­ຖານ​ການ​ຜັນ​ຂະ­ຫຍາຍ​ເນື້ອ​ໃນ​ຈິດ­ໃຈ​ຂອງ​ສອງ​ຮອງ​ນາ­ຍົກ­ລັດ­ຖະ­ມົນ­ຕີ ກໍ່​ຄື ລັດ­ຖະ­ບານ ລາວ-ໄທ ທີ່​ໄດ້​ພົບ​ປະ­ກັນ​ໃນ​ເດືອນ​ພຶດ­ສະ­ພາ 2017 ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ຕັ້ງ​ເປົ້າ​ໝາຍ​ມູນ​ຄ່າ​ການ​ຄ້າ​ຂອງ​ສອງ​ປະ­ເທດ​ໃຫ້​ບັນ­ລຸ 10.000 ຕື້​ໂດ​ລາ​ສະ­ຫະ­ລັດ ໃນ​ປີ 2021 ເພື່ອ​ແນ­ໃສ່​ສົ່ງ­ເສີມ​ການ​ຄ້າ ການ​ລົງ­ທຶນ ແລະ ການ​ອຳ­ນວຍ​ຄວາມ​ສະ­ດວກ​ດ້ານ​ສິນ­ຄ້າ​ຜ່ານ​ແດນ ລວມ​ເຖິງ​ການ​ສ້າງ​ໂອ­ກາດ​ໃນ​ການ​ຈັບ​ຄູ່​ທຸ­ລະ​ກິດ​ທັງ​ສອງ​ຝ່າຍ ເພື່ອ​ກ້າວ​ສູ່​ການ​ລົງ­ທຶນ​ຮ່ວມ​ກັນ​ໃນ​ອະ­ນາ­ຄົດ ໃນ​ຂະ­ແໜງ­ການ​ຕ່າງໆ ໃຫ້​ມີ​ຜົນ­ສຳ­ເລັດ.

ຂ່າວທີ່ກ່ຽວຂ້ອງ