ຂ່າວຫຼ້າສຸດ

ກອງປະຊຸມເວທີປືກສາຫາລືເສດຖະກິດໂລກ ກ່ຽວກັບອາຊຽນ ຄັ້ງທີ 27

304 13 ກ.ຍ. 2018 ຂ່າວໜ້າ​ໜຶ່ງ
ກອງປະຊຸມເວທີປືກສາຫາລືເສດຖະກິດໂລກ ກ່ຽວກັບອາຊຽນ ຄັ້ງທີ 27

    ພະ­ນະ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ ພ້ອມ​ດ້ວຍ​ຄະ­ນະ ໄດ້​ເຂົ້າ​ຮ່ວມ​ກອງ​ປະ­ຊຸມ​ເວ­ທີ​ປືກ​ສາ​ຫາ­ລື​ເສດ­ຖະ­ກິດ​ໂລກ ກ່ຽວ​ກັບ​ອາ​ຊຽນ ຄັ້ງ​ທີ 27 (Economic Forum on ASEAN) ໃນ​ວັນ​ທີ 12 ກັນ­ຍາ 2018 ທີ່​ນະ­ຄອນ­ຫຼວງ​ຮ່າ​ໂນ້ຍ ສສ ຫວຽດ­ນາມ ໂດຍ​ກ່າວ​ເປີດ​ພິ­ທີ​ຢ່າງ​ເປັນ​ທາງ​ການ​ຂອງ​ພະ­ນະ​ທ່ານ ຫງວຽນ ຊວນ ຟຸກ ນາ­ຍົກ­ລັດ­ຖະ­ມົນ­ຕີ ແຫ່ງ ສສ ຫວຽດ­ນາມ ແລະ ທ່ານ Klaus Schwab ປະ­ທານ​ຜູ້​ບໍ­ລິ­ຫານ​ເວ­ທີ​ເສດ­ຖະ­ກິດ​ໂລກ ກອງ​ປະ­ຊຸມ​ຄັ້ງ​ນີ້ ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ສະ­ຫາຍ ຫງຽວນ ຟູ ຈ້ອງ ເລ­ຂາ­ທິ­ການ​ໃຫຍ່​ພັກ​ກອມ​ມູ​ນິດ​ຫວຽດ­ນາມ ພ້ອມ​ດ້ວຍ​ບັນ­ດາ​ຜູ້­ນຳ​ອາ​ຊຽນ ແລະ ປະ­ເທດ​ຕ່າງໆ​ທີ່​ເປັນ​ຕົວ​ແທນ​ຈາກ​ລັດ­ຖະ­ບານ ແລະ ຫົວ­ໜ່ວຍ​ທຸ­ລະ​ກິດ​ໃນ​ພາກ​ພື້ນ ແລະ ໃນ​ໂລກ.

    ກອງ​ປະ­ຊຸມ​ດັ່ງ­ກ່າວ ບັນ­ດາ​ຜູ້­ນຳ​ຂອງ​ແຕ່​ລະ​ປະ­ເທດ​ສະ­ມາ­ຊິກ​ອາ​ຊຽນ ໄດ້​ປະ­ກອບ​ຄຳ​ເຫັນ ແລະ ແລກ­ປ່ຽນ​ຄຳ​ຄິດ​ຄຳ​ເຫັນ ກ່ຽວ​ກັບ​ວິ­ໄສ​ທັດ​ໃນ​ການ​ປະ­ກອບ​ທຸ­ລະ​ກິດ ການ​ປະ­ຕິ​ຮູບ​ອຸດ​ສະ­ຫະ​ກຳ 4.0 ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ໃນ​ພາກ​ພື້ນ​ອາ​ຊຽນ ແລະ ສາ­ກົນ.

    ພະ­ນະ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ແຫ່ງ ສປປ ລາວ ໄດ້​ຂຶ້ນ​ປະ­ກອບ​ຄຳ​ເຫັນ​ໃນ​ກອງ​ປະ­ຊຸມ ກ່ຽວ​ກັບ​ບັນ­ດາ​ກາ­ລະ​ໂອ­ກາດ ແລະ ສິ່ງ​ທ້າ​ທາຍ​ຕ່າງໆ ໃນ​ຍຸກ​ສະ­ໄໝ​ການ​ປະ­ຕິ­ວັດ​ອຸດ​ສະ­ຫະ​ກຳ 4.0 ທີ່​ປະ­ເທດ​ອາ​ຊຽນ ລວມ​ທັງ ສປປ ລາວ ກຳ­ລັງ​ປະ​ເຊີນ​ຢູ່​ນັບ​ທັງ​ຄວາມ​ກຽມ­ພ້ອມ ເພື່ອ​ສາ­ມາດ​ຮັບ​ມື​ກັບ​ສີ່ງ​ທ້າ​ທາຍ​ນາ­ນາ­ປະ­ການ​ໃນ​ຊຸມ​ປີ​ຕໍ່­ໜ້າ ພ້ອມ​ດຽວ​ກັນ​ນັ້ນ ພະ­ນະ​ທ່ານ​ນາ­ຍົກ­ລັດ­ຖະ­ມົນ­ຕີ ກໍ່​ໄດ້​ເປັນ​ກຽດ​ຕ້ອນ­ຮັບ​ພະ­ນະ​ທ່ານ​ນາ­ຍົກ­ລັດ­ຖະ­ມົນ­ຕີ ສີ​ລັງ­ກາ ເພື່ອ​ປືກ​ສາ​ຫາ­ລື​ໃນ​ຂອບ​ການ​ຮ່ວມ​ມື​ສອງ​ຝ່າຍ ລະ­ຫວ່າງ ສອງ​ປະ­ເທດ ລາວ-ສີ​ລັງ­ກາ ໃນ​ອະ­ນາ­ຄົດ.

    ໃນ​ຂະ­ນະ​ດຽວ​ກັນ ພະ­ນະ​ທ່ານ ທອງ​ລຸນ ສີ​ສຸ​ລິດ ກໍ່​ໄດ້​ເຂົ້າ​ຮ່ວມ​ກອງ​ປະ­ຊຸມ​ພົບ​ປະ​ບໍ່​ເປັນ​ທາງ​ການ​ຂອງ​ຜູ້­ນຳ​ເສດ­ຖະ­ກິດ​ໂລກ​ກັບ​ຜູ້­ນຳ​ອາ​ຊຽນ ນອກ­ຈາກ​ນັ້ນ ພະ­ນະ​ທ່ານ​ນາ­ຍົກ­ລັດ­ຖະ­ມົນ­ຕີ ແລະ ຄະ­ນະ ກໍ່​ໄດ້​ຕ້ອນ­ຮັບ​ການ​ເຂົ້າ​ຢ້ຽມ​ຂ່ຳ­ນັບ​ຂອງ​ທ່ານ Klaus Schwab ປະ­ທານ​ບໍ­ລິ­ຫານ​ເວ­ທີ​ເສດ­ຖະ­ກິດ​ໂລກ ເພື່ອ​ປືກ​ສາ​ຫາ­ລື​ແລກ­ປ່ຽນ​ຄຳ​ຄິດ​ຄຳ​ເຫັນ​ກ່ຽວ​ກັບ​ສະ­ພາບ​ການ​ເສດ­ຖະ­ກິດ-ສັງ­ຄົມ ໃນ ສປປ ລາວ ກໍ່​ຄື​ໃນ​ພາກ​ພື້ນ​ອາ​ຊຽນ.

    ໃນ​ຕອນ​ບາຍ​ທ່ານ​ນາ­ຍົກ­ລັດ­ຖະ­ມົນ­ຕີ ແລະ ຄະ­ນະ ກໍ່​ໄດ້​ເຂົ້າ​ຮ່ວມ​ກອງ​ປະ­ຊຸມ​ທາງ​ການ​ພາຍ​ໃຕ້​ຫົວ­ຂໍ້​ວິ­ໄສ​ທັດ​ໃໝ່ ສຳ­ລັບ​ພາກ​ພື້ນ​ແມ່­ນ້ຳ​ຂອງ ຊື່ງ​ມີ​ຜູ້­ນຳ​ຈາກ​ບັນ­ດາ​ປະ­ເທດ​ແມ່­ນ້ຳ​ຂອງ​ເຂົ້າ​ຮ່ວມ​ເພື່ອ​ປືກ​ສາ​ຫາ­ລື ແລະ ແລກ­ປ່ຽນ​ຄຳ​ເຫັນ​ກ່ຽວ​ກັບ​ການ​ຮ່ວມ​ມື​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ໃນ​ພາກ​ພື້ນ​ແມ່­ນ້ຳ​ຂອງ​ໃນ​ໄລ­ຍະ​ການ​ປະ­ຕິ­ວັດ​ອຸດ​ສະ­ຫະ​ກຳ 4.0.

ຂ່າວທີ່ກ່ຽວຂ້ອງ