ຂ່າວຫຼ້າສຸດ

ທີມຊາດລາວ ເສຍ ທີມຊາດ UAE 0-3 ເກມອຸ່ນເຄື່ອງກຽມ ຊູຊຸກິ ຄັບ

269 13 ກ.ຍ. 2018 ວົງຈອນກີລາ
ທີມຊາດລາວ ເສຍ ທີມຊາດ UAE 0-3 ເກມອຸ່ນເຄື່ອງກຽມ ຊູຊຸກິ ຄັບ

    ພາຍ­ຫຼັງ​ທີ່​ຄະ­ນະ​ນັກ­ກີ­ລາ​ບານ­ເຕະ​ທີມ​ຊາດ​ລາວ ໄດ້​ອອກ​ເດີນ­ທາງ​ໄປ​ເກັບ​ໂຕ​ເຝິກ­ຊ້ອມ​ທີ່​ປະ­ເທດ​ແອັດ​ສະ​ປາຍ ໃນ​ວັນ​ທີ 6 ກັນ­ຍາ 2018 ຜ່ານ​ມາ ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງ­ຂັນ AFF Suzuki Cup 2018 ແລະ ໄດ້​ລົງ​ແຂ່ງ­ຂັນ​ນັດ​ອຸ່ນ​ເຄື່ອງ 1 ນັດ ພົບ​ທີມ​ຊາດ​ສະ­ຫະ­ລັດ​ອາ​ຣັບ​ເອ​ມິ​ເຣດ (UAE) ໃນ​ວັນ​ທີ 11 ກັນ­ຍາ 2018 ເວ­ລາ 18:00 ໂມງ ຕາມ​ເວ­ລາ​ທ້ອງ­ຖິ່ນ (ເວ­ລາ 23:00 ໂມງ ຢູ່ ສປປ ລາວ) ແລະ ກໍ່​ເປັນ​ທີມ​ຊາດ UAE ທີ່​ສາ­ມາດ​ເອົາ​ຊະ­ນະ​ທີມ​ຊາດ​ລາວ ໄປ​ໄດ້ 3-0.

    ຫຼັງ​ຈາກ​ນັ້ນ ທີມ​ຊາດ​ລາວ ຈະ​ໄດ້​ເດີນ­ທາງ​ຕໍ່​ເພື່ອ​ເຂົ້າ​ຮ່ວມ​ລາຍ­ການ​ແຂ່ງ­ຂັນ Bangabandhu Gold Cup 2018 ທີ່​ປະ­ເທດ​ບັງ​ກະ­ລາ​ເທດ ລະ­ຫວ່າງ​ວັນ​ທີ 1-12 ຕຸ­ລາ 2018 ເຊິ່ງ​ມີ 6 ປະ­ເທດ​ເຂົ້າ​ຮ່ວມ ໂດຍ​ແບ່ງ​ອອກ​ເປັນ 2 ກຸ່ມ ຄື: ກຸ່ມ ເອ ເນ​ປານ ປາ​ເລ​ສ​ຕາຍ ແລະ ທາ​ຈິ​ກິດ​ສະ­ຖານ ກຸ່ມ ບີ ບັງ​ກະ­ລາ​ເທດ ລາວ ຟີ​ລິບ​ປິນ ນອກ­ຈາກ​ນັ້ນ ຈະ​ມີ​ເກມ​ອຸ່ນ​ເຄື່ອງ 1 ນັດ ຢູ່ ສປປ ລາວ ໃນ​ວັນ​ທີ 16 ຕຸ­ລາ 2018 ທີມ​ຊາດ​ລາວ ພົບ​ກັບ ທີມ​ຊາດ​ມົງ​ໂກ​ລີ ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16.

    ສຳ­ລັບ​ການ​ແຂ່ງ­ຂັນ AFF Suzuki Cup 2018 ຢູ່​ຮ່ວມ​ກຸ່ມ ເອ ປະ­ກອບ​ມີ: ຫວຽດ­ນາມ ມາ​ເລ​ເຊຍ ມຽນ​ມາ ກຳ­ປູ­ເຈຍ ແລະ ລາວ ສ່ວນ​ຕາ­ຕະ­ລາງ​ການ​ແຂ່ງ­ຂັນ ວັນ​ທີ 8 ພະ­ຈິກ 2018 ທີມ​ຊາດ​ລາວ ພົບ ທີມ​ຊາດ​ຫວຽດ­ນາມ ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ວັນ​ທີ 12 ພະ­ຈິກ 2018 ທີມ​ຊາດ​ມາ​ເລ​ເຊຍ ພົບ ທີມ​ຊາດ​ລາວ ທີ່​ສະ­ໜາມ Bukit Jalil National Stadium ວັນ​ທີ 16 ພະ­ຈິກ 2018 ທີມ​ຊາດ​ລາວ ພົບ ທີມ​ຊາດ​ມຽນ​ມາ ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ວັນ​ທີ 20 ພະ­ຈິກ 2018 ທີມ​ຊາດ​ກຳ­ປູ­ເຈຍ ພົບ ທີມ​ຊາດ​ລາວ ທີ່​ສະ­ໜາມ National Olympic Stadium ນະ­ຄອນ­ຫຼວງ​ພະ­ນົມ​ເປັນ.

ຂ່າວທີ່ກ່ຽວຂ້ອງ