ຂ່າວຫຼ້າສຸດ

ຫວຍພັດທະນາ ສ້າງຜົນກຳໄລໄດ້ 22 ຕື້ກວ່າກີບ

84 14 ກ.ຍ. 2018 ຂ່າວໜ້າ​ໜຶ່ງ

    ການ​ອອກ​ເລກ​ລາ­ງວັນ​ຫວຍ​ພັດ­ທະ­ນາ ແມ່ນ​ລວມ​ສູນ​ຢູ່​ບໍ­ລິ­ສັດ​ລັດ​ວິ​ສາ​ຫະ​ກິດ​ຫວຍ​ພັດ­ທະ­ນາ​ບ່ອນ​ດຽວ 1 ຄັ້ງ​ຕໍ່​ອາ­ທິດ ໂດຍ​ກຳ­ນົດ​ເອົາ​ວັນ​ພຸດ​ເປັນ​ມື້​ອອກ​ເລກ​ລາ­ງວັນ ເລີ່ມ​ແຕ່​ເວ­ລາ 20:00 ໂມງ ເປັນ­ຕົ້ນ​ໄປ ເພື່ອ​ຮັບ­ປະ­ກັນ​ຄວາມ​ໂປ່ງ​ໃສ​ໃຫ້​ຜູ້​ສ່ຽງ​ໂຊກ ການ​ອອກ​ເລກ​ລາ­ງວັນ​ແຕ່​ລະ​ຄັ້ງ ໄດ້​ມີ​ຄະ­ນະ​ກຳ­ມະ­ການ​ຄຸ້ມ​ຄອງ​ການ​ອອກ​ເລກ​ລາ­ງວັນ​ຈາກ 7 ພາກ­ສ່ວນ​ອ້ອມ​ຂ້າງ​ສູນ​ກາງ​ເຂົ້າ​ຮ່ວມ ແລະ ມີ​ການ​ຖ່າຍ​ທອດ​ສົດ​ທາງ​ວິ­ທະ­ຍຸ ໂທລະ­ພາບ ແລະ ທາງ​ສື່​ສັງ­ຄົມ​ອອນ​ລາຍ ພາຍ­ຫຼັງ​ສຳ­ເລັດ​ການ​ອອກ​ເລກ​ລາ­ງວັນ ຜົນ​ການ​ອອກ​ເລກ​ລາ­ງວັນ​ຍັງ​ໄດ້​ແຈ້ງ​ຂໍ້­ຄວາມ (SMS) ແລະ ລົງ​ໂຄ­ສະ­ນາ​ໃນ​ໜັງ­ສື­ພິມ.

    ອີງ​ຕາມ​ບົດ​ລາຍ​ງານ​ກ່ຽວ​ກັບ​ຜົນ​ການ­ເຄື່ອນ­ໄຫວ​ທຸ­ລະ​ກິດ ງວດ II (ເດືອນ 4 5 6) ແລະ 6 ເດືອນ​ຕົ້ນ​ປີ 2018 ແລະ ແຜນ­ການ​ດຳ­ເນີນ​ທຸ­ລະ​ກິດ​ງວດ III (ເດືອນ 7 8 9) ແລະ 6 ເດືອນ​ທ້າຍ​ປີ 2018 ໃນ​ກອງ​ປະ­ຊຸມ​ສາ­ມັນ​ສະ­ພາ​ບໍ­ລິ­ຫານ​ບໍ­ລິ­ສັດ​ລັດ​ວິ​ສາ​ຫະ​ກິດ​ຫວຍ​ພັດ­ທະ­ນາ ໃນ​ວັນ​ທີ 16 ສິງ­ຫາ​ຜ່ານ​ມາ ໃຫ້​ຮູ້​ວ່າ: 6 ເດືອນ​ຕົ້ນ​ປີ 2018 ມີ​ລວມ​ຍອດ​ລາຍ​ຮັບ 30,51 ຕື້​ກີບ ເທົ່າ​ກັບ 149,26% ຂອງ​ແຜນ­ການ ໃນ​ນີ້ ກຳ­ໄລ 22,39 ຕື້​ກີບ ເທົ່າ​ກັບ 240,79% ມອບ​ພັນ­ທະ​ໃຫ້​ລັດ 19,68 ຕື້​ກີບ ເທົ່າ​ກັບ 222,84% ນອກ​ນີ້ ຍັງ​ປະ­ກອບ­ສ່ວນ​ຊື້​ພັນ­ທະ­ບັດ​ຄັງ​ເງິນ​ແຫ່ງ​ຊາດ ເພື່ອ​ດຸນ​ດ່ຽງ​ງົບ­ປະ­ມານ 100 ຕື້​ກີບ.

ຂ່າວທີ່ກ່ຽວຂ້ອງ