ຂ່າວຫຼ້າສຸດ

ສານໃນສິງກະໂປ ອອກຄຳສັ່ງໃຫ້ສົ່ງເງິນກວ່າ 11 ລ້ານໂດລາ ຄືນໃຫ້ໃຫ້ມາເລເຊຍ

80 14 ກ.ຍ. 2018 ຂ່າວຕ່າງປະເທດ
ສານໃນສິງກະໂປ ອອກຄຳສັ່ງໃຫ້ສົ່ງເງິນກວ່າ 11 ລ້ານໂດລາ ຄືນໃຫ້ໃຫ້ມາເລເຊຍ

   ສານແຫ່ງໜຶ່ງໃນສິງກະໂປ ໄດ້ອອກຄຳສັ່ງໃຫ້ໂອນເງິນ 15,3 ລ້ານໂດລາສິງກະໂປ (ເທົ່າກັບ 11,1 ລ້ານໂດລາສະຫະລັດ) ຊຶ່ງຖືກໃຊ້ໄປໃນທາງທີ່ບໍ່ຖືກຕ້ອງ ຈາກກອງທຶນການລົງທຶນແຫ່ງລັດ 1Malaysia (1MDB) ນັ້ນກັບໄປໃຫ້ມາເລເຊຍ.

   ແຈ້ງການຂອງບໍລິສັດກົດໝາຍ Tan Rajah & Cheah ທີ່ມີອອກມາເມື່ອວັນທີ 10 ກັນຍາທີ່ຜ່ານມາ ໃຫ້ຮູ້ວ່າ ເງິນຈຳນວນດັ່ງກ່າວ ເປັນເງິນຕາຕ່າງປະເທດຫຼາຍປະເພດທີ່ແຕກຕ່າງກັນ ຈະໄດ້ໂອນເຂົ້າໄປໃນບັນຊີການເງິນພິເສດໃນທະນາຄານລາຍໜຶ່ງ ໃນນະຄອນຫຼວງ ກົວລາ ລຳເປີ ຊຶ່ງມີໜ້າທີ່ໃນການເກັບເງິນຄືນໃຫ້ແກ່ 1MDB. ນີ້ເປັນສ່ວນໜຶ່ງ ໃນຈຳນວນເງິນທີ່ສິງກະໂປ ຢຶດມາໄດ້ ທີ່ມີການພົວພັນເຖິງກໍລະນີຫຍຸ້ງເຫຍືອງຂອງ 1MDB.

  1MDB ເປັນກອງທຶນການລົງທຶນ ໂດຍແມ່ນອະດີດນາຍົກລັດຖະມົນຕີມາເລເຊຍ ນາຈິບ ຣາຊັກ ສ້າງຕັ້ງເມື່ອປີ 2009 ເພື່ອການພັດທະນາເສດຖະກິດ-ສັງຄົມ ຜ່ານການພົວພັນກັບຄູ່ຮ່ວມທົ່ວໂລກ ແລະການລົງທຶນໂດຍກົງຈາກຕ່າງປະເທດ. ປັດຈຸບັນນີ້ ກອງທຶນດັ່ງກ່າວ ເປັນຈຸດສຸມຂອງກໍລະນີຫຍຸ້ງເຫຍືອງ ຊຶ່ງມີເງິນຫາຍໄປ 3,7 ຕື້ໂດລາສະຫະລັດ ໂດຍຖືວ່າເປັນເງິນສໍ້ລາດບັງຫຼວງ ແລະ ໂອນອອກໄປຍັງຕ່າງປະເທດເພື່ອຟອກເງິນ ອັນໄດ້ນຳໄປສູ່ການສືບສວນສອບສວນຢູ່ໃນມາເລເຊຍ ແລະ ຢູ່ໃນປະເທດຕ່າງໆ ເຊັ່ນ ຈີນ ສະວິດ ສິງກະໂປ ສ ອາເມຣິກາ ແລະ ອື່ນໆ.

 

ຂ່າວທີ່ກ່ຽວຂ້ອງ