ປາກຽວ ກຽມຂຶ້ນຊົກກັບ ຟລອຍ ເມເວດເທີຈູເນຍ ອີກຄັ້ງ

258 20 ກ.ຍ. 2018 ວົງຈອນກີລາ
ປາກຽວ ກຽມຂຶ້ນຊົກກັບ ຟລອຍ ເມເວດເທີຈູເນຍ ອີກຄັ້ງ

    ແມນ​ນີ່ ປາ​ກຽວ ຍອດ​ນັກ​ມວຍ​ປະ­ເທດ​ຟີ​ລິບ​ປິນ ຢືນ­ຢັນ​ວ່າ ມີ​ຄວາມ​ເປັນ​ໄປ​ໄດ້​ສູງ​ທີ່​ຈະ​ຂຶ້ນ​ຊົກ​ກັບ ຟລອຍ ເມ​ເວດ​ເທີ ຈູ​ເນຍ ນັກ​ມວຍ​ປະ­ເທດ ສ ອາ​ເມ​ຣິ​ກາ ອີກ​ຄັ້ງ ເພື່ອ​ສະ​ສາງ​ຄວາມ​ຄ້າງ​ຄາ​ໃຈ​ກັນ ຖ້າ​ຫາກ​ຜົນ​ການ​ເຈລະ­ຈາ​ຄັ້ງ​ສຸດ​ທ້າຍ​ໃນ​ອາ­ທິດ​ນີ້​ດຳ­ເນີນ​ໄປ​ຕາມ​ແຜນ.

    ປາ​ກຽວ ເຜີຍ​ລາຍ​ລະ­ອຽດ​ສຳ­ຄັນ​ກ່ຽວ​ກັບ​ການ​ຂຶ້ນ​ຊົກ​ກັບ ຟລອຍ ອະ­ດີດ​ຍອດ​ກຳ­ປັ້ນ​ທີ່​ບໍ່​ເຄີຍ​ເສຍ​ໃຫ້​ນັກ​ມວຍ​ຄົນ​ໃດ ເຊິ່ງ​ຫາ​ກໍ່­ສ້າງ​ຄວາມ​ຮື​ຮາ​ໃຫ້​ແຟນ​ມວຍ​ທົ່ວ​ໂລກ​ດ້ວຍ​ການ​ປະ­ກາດ​ວ່າ ຈະ​ຂໍ​ຂຶ້ນ​ສັງ­ວຽນ​ຊົກ​ອີກ 1 ຄັ້ງ ໂດຍ ປາ​ກຽວ ເສຍ​ໃຫ້ ຟລອຍ ດ້ວຍ​ຄະ­ແນນ​ເປັນ​ເອ­ກະ­ສັນ​ໃນ​ປີ 2015 ທັງ​ສອງ​ມີ​ໂອ­ກາດ​ໄດ້​ພົບ​ກັນ​ຢູ່​ງານ​ສະ­ແດງ Concert ປະ­ເທດ​ຍີ່­ປຸ່ນ ໃນ​ວັນ​ທີ 14 ກັນ­ຍາ 2018 ແລະ ມີ​ການ​ປຶກ­ສາ​ກ່ຽວ​ກັບ​ຄວາມ​ເປັນ​ໄປ​ໄດ້ ພວກ​ເຂົາ​ຈະ​ກັບ​ມາ​ຂຶ້ນ​ຊົກ​ກັນ​ອີກ​ຄັ້ງ​ໃນ​ເດືອນ​ທັນ­ວາ 2018.

    ຟລອຍ ອາ­ຍຸ 41 ປີ ສ້າງ​ສະ­ຖິ­ຕິ​ບໍ່​ເຄີຍ​ເສຍ​ໃຫ້​ນັກ​ມວຍ​ຄົນ​ໃດ ດ້ວຍ​ການ​ຊະ­ນະ​ຕິດ­ຕໍ່​ກັນ 50 ຄັ້ງ ທຳ­ລາຍ​ສະ­ຖິ­ຕິ ຣ໋ອກ​ກີ້ ມາ​ເຊຍ​ໂນ່ ຕຳ­ນານ​ນັກ​ສົກ​ຮຸ່ນ​ເຮັບ​ວີ​ເວດ​ຈາກ ສ ອາ​ເມ​ຣິ​ກາ ທີ່​ເຮັດ​ໄວ້ 49 ຄັ້ງ ກ່ອນ​ທີ່​ເຂົາ​ຈະ​ປະ­ກາດ​ແຂວນ​ນວມ ຫຼັງ​ຈາກ ນ໋ອກ ຄໍ​ເນີ ແມັກ​ເຄຣ​ເກີ ຍອດ​ນັກ​ມວຍ UFC ຈາກ​ອຽກ​ລັງ ໃນ​ເດືອນ​ສິງ­ຫາ 2017.

ຂ່າວທີ່ກ່ຽວຂ້ອງ