ຂ່າວຫຼ້າສຸດ

Luka Modric ຄວ້າລາງວັນນັກເຕະຊາຍດີເດັ່ນໂລກ

336 28 ກ.ຍ. 2018 ວົງຈອນກີລາ
Luka Modric ຄວ້າລາງວັນນັກເຕະຊາຍດີເດັ່ນໂລກ

    ການ​ປະ­ກາດ​ລາ­ງວັນ ປະ­ຈຳ​ປີ 2018 ຂອງ​ສະ­ຫະ­ພັນ​ບານ­ເຕະ​ນາໆຊາດ (FIFA) ຈັດ​ຂຶ້ນ​ວັນ​ທີ 24 ກັນ­ຍາ 2018 ຢູ່​ລອນ​ດອນ ປະ­ເທດ​ອັງ­ກິດ ໂດຍ​ລາ­ງວັນ​ນັກ ເຕະ​ດີ­ເດັ່ນ​ປະ­ເພດ​ຊາຍ ຕົກ​ເປັນ​ຂອງ Luka Modric ກອງ​ກາງ​ຕົວ​ປັ້ນ​ເກມ​ຈາກ Real Madrid ຫົວ­ໜ້າ​ທີມ​ຊາດ​ໂຄຣ​ອາ­ຊີ ຊຸດ​ຮອງ​ແຊັມ​ໂລກ 2018 ເຈົ້າ​ຂອງ​ລາ­ງວັນ​ນັກ​ເຕະ​ດີ­ເດັ່ນ​ຂອງ World Cup 2018 ແລະ ເອີ​ຣົບ 2018 ເຂົ້າ​ຊີງ​ລາ­ງວັນ​ນີ້​ເປັນ​ຄັ້ງ​ທຳ​ອິດ ແລະ ສາ­ມາດ​ຄວ້າ​ລາ­ງວັນ​ນີ້​ມາ​ຄອງ​ໄດ້​ສຳ­ເລັດ.

    Luka Modric ເປັນ​ນັກ​ເຕະ​ໂຄຣ​ອາ­ຊີ​ຄົນ​ທຳ​ອິດ​ໄດ້​ລາ­ງວັນ​ນີ້ ໄດ້​ຄະ­ແນນ​ໂຫວດ​ສະ­ເລ່ຍ 29,05% ອັນ​ດັບ 2 ເປັນ​ຂອງ Cristiano Ronaldo ເຈົ້າ​ຂອງ​ລາ­ງວັນ​ນີ້​ຈາກ​ປີ­ຜ່ານ­ມາ 19,08% ອັນ​ດັບ 3 Mohamed Salah ກອງ​ໜ້າ​ຊາວ​ເອ​ຢິບ​ຈາກ Liverpool 11,23%.

    ຂະ­ນະ​ທີ່​ລາ­ງວັນ​ຄູ​ເຝິກ​ຊາຍ​ດີ­ເດັ່ນ​ເປັນ​ຂອງ Didier Deschamps ຄູ​ເຝິກ​ທີມ​ຊາດ​ຝຣັ່ງ ໄດ້​ແຊັມ​ໂລກ 2018 ໄດ້​ຄະ­ແນນ​ໂຫວດ 30,52% ອັນ​ດັບ 2 ເປັນ​ຂອງ Zinedine Zidane ອະ­ດີດ​ຄູ​ເຝິກ Real Madrid ໄດ້ 25,74% ອັນ​ດັບ 3 Zlatko Dalic ຄູ​ເຝິກ​ທີມ​ຊາດ​ໂຄຣ​ອາ­ຊີ ຊຸດ​ທີ 2 World Cup 2018.

ຂ່າວທີ່ກ່ຽວຂ້ອງ