ຂ່າວຫຼ້າສຸດ

ໄທເກີ ວູດ ກັບມາຄອງຂັນອີກຄັ້ງ ໃນຮອບ 5 ປີ

431 28 ກ.ຍ. 2018 ວົງຈອນກີລາ
ໄທເກີ ວູດ ກັບມາຄອງຂັນອີກຄັ້ງ ໃນຮອບ 5 ປີ

    ໄທ​ເກີ ວູດ (Tiger Woods) ນັກ​ກ໊ອຟ​ຊາວ​ອາ​ເມ​ຣິ​ກາ ອາ­ຍຸ 42 ປີ ອະ­ດີດ​ມື 1 ຂອງ​ໂລກ ກັບ​ມາ​ຄອງ​ຂັນ​ຊະ­ນະ​ເລີດ​ອີກ​ຄັ້ງ​ໃນ​ຮອບ 5 ປີ ຫຼັງ​ຈາກ​ສາ­ມາດ​ຄວ້າ​ແຊັມ PGA Tour ລາຍ­ການ​ສຸດ​ທ້າຍ​ຂອງ​ລະ­ດູ​ການ​ນີ້ The Tour Championship 2018 ຢູ່​ສະ­ໜາມ East Lake golf Club ເມືອງ​ແອັດ​ແລນ​ຕ້າ ລັດ​ຈໍ​ເຈຍ ສ ອາ​ເມ​ຣິ​ກາ ໃນ​ວັນ​ທີ 23 ກັນ­ຍາ 2018.

    ການ​ແຂ່ງ­ຂັນ​ຈົບ 4 ວັນ ໄທ​ເກີ ເກັບ​ໄດ້ -11 ອັນ​ເດີ​ພາ ໃນ​ມື້​ສຸດ​ທ້າຍ ເຖິງ​ວ່າ​ຈະ​ຕີ​ເສຍ 3 ໂບ​ກີ້ ໄດ້ 2 ເບີ​ດີ້ ແຕ່​ພຽງ­ພໍ​ຕໍ່​ການ​ເປັນ​ແຊັມ ເອົາ​ຊະ­ນະ ບິວ​ລີ້ ຮໍ​ສ​ເຊວ (Billy Horschel) ນັກ​ກ໊ອຟ​ເພື່ອນ​ຮ່ວມ​ຊາດ 2 ສະ​ໂຕຣກ.

    ໄທ​ເກີ ຄວ້າ​ແຊັມ PGA Tour ລາຍ­ການ​ທີ 80 ໄດ້​ຮັບ​ເງິນ​ລາ­ງວັນ 1.620.000 ໂດ​ລາ​ສະ­ຫະ­ລັດ ຫຼື ປະ­ມານ 13,77 ຕື້​ກີບ ພ້ອມ​ຮັບ​ເງິນ​ໂບ​ນັດ​ອີກ 3 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 25,53 ຕື້​ກີບ ຈາກ​ການ​ສະ​ສົມ​ຄະ­ແນນ​ໄດ້​ອັນ​ດັບ 2 ຂອງ FedEx Cup 2.219 ຄະ­ແນນ ສ່ວນ​ທີ 1 ຂອງ FedEx Cup ລະ­ດູ​ການ​ນີ້​ເປັນ​ຂອງ ຈັສ​ຕິນ ໂຣ​ສ (Justine Rose) ນັກ​ກ໊ອຟ​ຊາວ​ອັງ­ກິດ ມື 1 ຂອງ​ໂລກ ມີ 2.260 ຄະ­ແນນ ຮັບ​ເງິນ​ໂບ​ນັດ 10 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 85 ຕື້​ກີບ.

ຂ່າວທີ່ກ່ຽວຂ້ອງ