ຂ່າວຫຼ້າສຸດ

ບ້ານປາກເງີຍ ຊະນະເລີດການແຂ່ງຂັນ ຊ່ວງເຮືອປະຈຳປີຂອງເມືອງປາກແບງ

407 28 ກ.ຍ. 2018 ວົງຈອນກີລາ
ບ້ານປາກເງີຍ ຊະນະເລີດການແຂ່ງຂັນ ຊ່ວງເຮືອປະຈຳປີຂອງເມືອງປາກແບງ

    ເມືອງ​ປາກ​ແບງ ແຂວງ​ອຸ­ດົມ​ໄຊ ຈັດ­ການ​ແຂ່ງ­ຂັນ​ຊ່ວງ​ເຮືອ​ປະ­ເພ­ນີ ປະ­ຈຳ​ປີ 2018 ຂຶ້ນ​ວັນ​ທີ 25 ກັນ­ຍາ 2018 ໂດຍ​ມີ​ທ່ານ ບຸນ​ລອດ ອ່ອນ​ພະ­ຈັນ ຮອງ​ເຈົ້າ­ແຂວງ​ອຸ­ດົມ​ໄຊ ທ່ານ ຄຳ​ເຜີຍ ງອນ​ວັນ​ຄຳ ເຈົ້າ­ເມືອງ​ປາກ​ແບງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ເພື່ອ​ເປັນ​ການ​ເປີດ​ງານ​ສະ­ເຫຼີມ­ສະ­ຫຼອງ​ປີ​ທ່ອງ​ທ່ຽວ​ລາວ 2018 ທັງ​ເປັນ​ການ​ອາ​ນຸ​ຮັກ​ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ຊາດ ກໍ່​ຄື​ຂອງ​ປະ­ຊາ­ຊົນ​ບັນ­ດາ­ເຜົ່າ ຊາວ​ເມືອງ​ປາກ​ແບງ ທີ່​ໄດ້​ສືບ​ທອດ​ກັນ​ມາ​ແຕ່​ບູ­ຮານ​ນະ​ການ ຈົນ​ເຖິງ​ປັດ­ຈຸ­ບັນ ເປັນ​ການ​ເປີດ​ໂອ­ກາດ​ໃຫ້​ປະ­ຊາ­ຊົນ​ບັນ­ດາ­ເຜົ່າ ໄດ້​ພົບ​ປະ​ໂອ້​ລົມ ແລະ ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ.

    ການ​ແຂ່ງ­ຂັນ​ຄັ້ງ​ນີ້ ມີ​ເຮືອ​ຊ່ວງ​ເຂົ້າ​ຮ່ວມ 7 ລຳ ມີ 15 ທີມ ສີ­ພາຍ 600 ກວ່າ​ຄົນ ຜ່ານ​ການ​ແຂ່ງ­ຂັນ ຊະ­ນະ​ເລີດ​ແມ່ນ​ເຮືອ​ບ້ານ​ປາກ​ເງີຍ ໄດ້​ຮັບ​ຂັນ​ປະ­ຈຳ​ປີ 1 ໜ່ວຍ ຂັນ​ຊະ­ນະ​ເລີດ 1 ໜ່ວຍ ແລະ ເງິນ​ລາ­ງວັນ 5 ລ້ານ​ກີບ ທີ 2 ເຮືອ​ບ້ານ​ປາກ​ແບງ ໄດ້​ຮັບ​ເງິນ​ລາ­ງວັນ 4 ລ້ານ​ກີບ ທີ 3 ເຮືອ​ບ້ານ​ດອນ​ແຈ້ງ ໄດ້​ຮັບ​ເງິນ​ລາ­ງວັນ 3 ລ້ານ​ກີບ ນອກ​ນີ້ ຍັງ​ມີ​ລາ­ງວັນ​ຊົມ­ເຊີຍ ພາກ­ສ່ວນ​ລະ 1,2 ລ້ານ​ກີບ ສ່ວນ​ເຮືອ​ງາມ​ປະ­ຈຳ​ປີ 2018 ແມ່ນ​ເຮືອ​ບ້ານ​ປາກ​ເງີຍ ໄດ້​ຮັບ​ເງິນ​ລາ­ງວັນ 500.000 ກີບ ທີ 2 ເຮືອ​ບ້ານ ປາກ​ແບງ ໄດ້​ຮັບ​ເງິນ​ລາ­ງວັນ 300.000 ກີບ ທີ 3 ເຮືອ​ບ້ານ​ດອນ​ແຈ້ງ ໄດ້​ຮັບ​ເງິນ​ລາ­ງວັນ 200.000 ກີບ.

ຂ່າວທີ່ກ່ຽວຂ້ອງ