ຂ່າວຫຼ້າສຸດ

ເຕະບານຍິງລາວ 16 ປີ ສ້າງຜົນງານໂດດເດັ່ນໃນລະດັບອາຊີ

442 28 ກ.ຍ. 2018 ວົງຈອນກີລາ
ເຕະບານຍິງລາວ 16 ປີ ສ້າງຜົນງານໂດດເດັ່ນໃນລະດັບອາຊີ

    ຄະ­ນະ​ນຳ​ຄູ​ເຝິກ ແລະ ນັກ­ກີ­ລາ​ເຕະ­ບານ​ຍິງ ຮຸ່ນ​ອາ­ຍຸ​ບໍ່​ເກີນ 16 ປີ ທີມ​ຊາດ​ລາວ ຖືກ​ຕ້ອນ­ຮັບ​ຢ່າງ​ສົມ​ກຽດ ຢູ່​ສະ­ໜາມ​ບິນ​ສາ­ກົນ​ວັດ​ໄຕ ຕອນ​ຄ່ຳ​ວັນ​ທີ 25 ກັນ­ຍາ 2018 ຫຼັງ​ສ້າງ​ຜົນ­ງານ​ໄດ້​ຢ່າງ​ໂດດ​ເດັ່ນ ໃນ​ການ​ແຂ່ງ­ຂັນ​ບານ­ເຕະ​ຍິງ ຮຸ່ນ​ອາ­ຍຸ​ບໍ່​ເກີນ 16 ປີ ຊີງ​ແຊັມ​ອາ­ຊີ ຮອບ​ຄັດ​ເລືອກ 2019 (AFC U-16 WOMEN’S CHAMPIONSHIP 2019) ຢູ່​ປະ­ເທດ​ມົງ​ໂກ​ລີ ວັນ​ທີ 15-23 ກັນ­ຍາ 2018.

    ສຳ­ລັບ​ຜົນ­ງານ​ທີມ​ຊາດ​ຍິງ​ລາວ ຮຸ່ນ​ອາ­ຍຸ​ບໍ່​ເກີນ 16 ປີ ສາ­ມາດ​ສ້າງ​ຜົນ­ງານ​ໄດ້​ໂດດ​ເດັ່ນ ໂດຍ​ການ​ເປັນ​ອັນ​ດັບ 1 ກຸ່ມ B ຈາກ​ການ​ລົງ​ແຂ່ງ­ຂັນ 4 ນັດ ຊະ­ນະ 3 ນັດ ສະ­ເໝີ 1 ນັດ ມີ 10 ຄະ­ແນນ ຜ່ານ​ເຂົ້າ​ສູ່​ຮອບ​ຄັດ​ເລືອກ ຮອບ​ທີ 2 ໄດ້​ສຳ­ເລັດ ໂດຍ​ນັດ​ທຳ​ອິດ​ຂອງ​ທີມ​ຊາດ​ລາວ ຊະ­ນະ ປາ​ກິດ​ສະ­ຖານ 3-0 ປະ­ຕູ ນັດ​ທີ 2 ຊະ­ນະ ມົງ​ໂກ​ລີ ເຈົ້າ­ພາບ 4-0 ປະ­ຕູ ນັດ​ທີ 3 ຊະ­ນະ ຮົງ​ກົງ 3-1 ປະ­ຕູ ແລະ ນັດ​ທີ 4 ສະ­ເໝີ ອິນ​ເດຍ 1-1 ປະ­ຕູ.

    ສຳ­ລັບ​ຮອບ​ຄັດ​ເລືອກ​ຮອບ​ທີ 2 ຈະ​ແຂ່ງ­ຂັນ​ວັນ​ທີ 23 ກຸມ­ພາ-3 ມີ­ນາ 2019 ຢູ່​ປະ­ເທດ​ມຽນ​ມາ ໂດຍ​ມີ 8 ທີມ​ທີ່​ຜ່ານ​ເຂົ້າ​ຮອບ​ຄື: ສປ ຈີນ ສປປ ລາວ ອີ​ຣານ ອົດ​ສະ​ຕຣາ​ລີ ມຽນ​ມາ ບັງ​ກລາ​ເທດ ຫວຽດ­ນາມ ແລະ ຟີ​ລິບ​ປິນ ໂດຍ​ຈະ​ຄັດ​ເອົາ 4 ທີມ ເພື່ອ​ເຂົ້າ​ສູ່​ຮອບ​ສຸດ​ທ້າຍ ຂະ­ນະ​ທີ່ 4 ທີມ​ທີ່​ຜ່ານ​ເຂົ້າ​ຮອບ​ສຸດ​ທ້າຍ​ແລ້ວ ມີ: ສປປ ເກົາ­ຫຼີ (ແຊັມ​ເກົ່າ) ສ ເກົາ­ຫຼີ (ຮອງ​ແຊັມ​ເກົ່າ) ຍີ່­ປຸ່ນ ແລະ ໄທ ເຊິ່ງ​ຮອບ​ສຸດ​ທ້າຍ​ຈະ​ແຂ່ງ­ຂັນ​ວັນ​ທີ 15-28 ກັນ­ຍາ 2019 ຢູ່​ປະ­ເທດ​ໄທ.

ຂ່າວທີ່ກ່ຽວຂ້ອງ