ຂ່າວຫຼ້າສຸດ

ສຳເລັດແຂ່ງຂັນກີລາຕ້ອນຮັບວັນສ້າງຕັ້ງ ທຫລ ຄົບຮອບ 50 ປີ

290 03 ຕ.ລ. 2018 ວົງຈອນກີລາ

    ວັນ​ທີ 29 ກັນ­ຍາ 2018 ທີ່​ສະ­ໜາມ​ກີ­ລາ​ບານ­ເຕະ (ເຈົ້າ​ອາ​ນຸ) ນະ­ຄອນ­ຫຼວງ​ວຽງ​ຈັນ ທະ­ນາ­ຄານ ແຫ່ງ ສປປ ລາວ (ທຫລ) ໄດ້​ສຳ­ເລັດ​ການ​ແຂ່ງ­ຂັນ​ກີ­ລາ​ຄຳ­ນັບ​ຊົມ­ເຊີຍ​ວັນ​ສ້າງ­ຕັ້ງ​ທະ­ນາ­ຄານ ແຫ່ງ ສປປ ລາວ ຄົບ­ຮອບ 50 ປີ (7/10/1968-7/10/2018) ມີ​ທ່ານ ສອນ​ໄຊ ສິດ​ພະ​ໄຊ ຮັກ­ສາ​ການ​ຜູ້​ວ່າ­ການ ທຫລ ບັນ­ດາ​ຄະ­ນະ​ຜູ້​ວ່າ­ການ ຄະ­ນະ​ນຳ-ວິ­ຊາ​ການ​ທະ­ນາ­ຄານ​ລັດ-ທະ­ນາ­ຄານ​ທຸ­ລະ​ກິດ (ທລກ) ນັກ­ກີ­ລາ ແລະ ຜູ້​ຊົມ​ຜູ້​ເຊຍ​ເຂົ້າ​ຮ່ວມ.

    ຜົນ​ການ​ແຂ່ງ­ຂັນ​ກີ­ລາ​ບານ­ເຕະ​ຊະ­ນະ​ເລີດ ກີ­ລາ​ບານ­ເຕະ​ທະ­ນາ­ຄານ​ນະ­ໂຍ­ບາຍ (ທນບ) ຮອງ​ຊະ­ນະ​ເລີດ ທຫລ ສຳ­ລັບ​ການ​ແຂ່ງ­ຂັນ​ກີ­ລາ​ດຶງ­ເຊືອກ​ຊະ­ນະ​ເລີດ ທະ­ນາ­ຄານ​ການ​ຄ້າ​ຕ່າງ­ປະ­ເທດ​ລາວ ມະ­ຫາ­ຊົນ (ທຄຕລ) ຮອງ​ຊະ­ນະ​ເລີດ ທນບ ກີ­ລາ​ແລ່ນ​ໄຖ່​ຊາຍ​ຊະ­ນະ​ເລີດ ທຄຕລ ຮອງ​ຊະ­ນະ​ເລີດ ທນບ ກີ­ລາ​ແລ່ນ​ໄຖ່​ຍິງ​ຊະ­ນະ​ເລີດ​ທະ­ນາ­ຄານ​ຮ່ວມ​ທຸ­ລະ​ກິດ ລາວ-ຫວຽດ ຮອງ​ຊະ­ນະ​ເລີດ ທຫລ ສຳ­ລັບ​ກີ­ລາ​ແລ່ນ​ມັດ​ຂາ​ຊາຍ​ຊະ­ນະ​ເລີດ​ທະ­ນາ­ຄານ​ພັດ­ທະ­ນາ​ລາວ (ທພລ) ຮອງ​ຊະ­ນະ​ເລີດ​ທະ­ນາ­ຄານ​ຮ່ວມ​ພັດ­ທະ­ນາ ແລ່ນ​ມັດ​ຂາ​ທິມ​ຍິງ​ຊະ­ນະ​ເລີດ​ທະ­ນາ­ຄານ​ສົ່ງ­ເສີມ​ກະ­ສິ­ກຳ (ທສກ) ຮອງ​ຊະ­ນະ​ເລີດ​ທະ­ນາ­ຄານ​ອຸດ­ສາ­ຫະ­ກຳ ແລະ ການ​ຄ້າ​ຈີນ ຈຳ­ກັດ ສາ­ຂາ​ນະ­ຄອນ­ຫຼວງ​ວຽງ​ຈັນ ແລະ ໃນ​ມື້​ດຽວ​ກັນ​ກໍ່​ມີ​ການ​ແຂ່ງ­ຂັນ​ກີ­ລາ​ບານ­ເຕະ​ມິດ­ຕະ­ພາບ​ອາ­ວຸ­ໂສ​ລະ­ຫວ່າງ ທຫລ ແລະ ທລກ ຜົນ​ການ​ແຂ່ງ­ຂັນ ທຫລ ຊະ­ນະ ທລກ 2 ປະ­ຕູ​ຕໍ່ 1.

    ສຳ­ລັບ​ການ​ແຂ່ງ­ຂັນ​ກີ­ລາ​ໄດ້​ດຳ­ເນີນ​ແຕ່​ເດືອນ​ສິງ­ຫາ​ເປັນ­ຕົ້ນ​ມາ ເຊິ່ງ​ກີ­ລາ​ປະ­ເພດ​ດອກ​ປີກ​ໄກ່​ຄູ່​ຍິງ​ຊະ­ນະ​ເລີດ ທຄຕລ ຮອງ​ຊະ­ນະ​ເລີດ ທະ­ນາ­ຄານ​ຊາ​ຄອມ​ແບັງ ກີ­ລາ​ປະ­ເພດ​ດອກ​ປີກ​ໄກ່​ຄູ່​ຊາຍ​ຊະ­ນະ​ເລີດ ທຫລ ຮອງ​ຊະ­ນະ​ເລີດ ທຄຕລ ແລະ ຄູ່​ປະ­ສົມ​ຍິງ-ຊາຍ​ຊະ­ນະ​ເລີດ ທຄຕລ ຮອງ​ຊະ­ນະ​ເລີດ ທຫລ ການ​ແຂ່ງ­ຂັນ​ກີ­ລາ​ປິງ­ປ່ອງ​ຄູ່​ຍິງ​ຊະ­ນະ​ເລີດ ທຄຕລ ຮອງ​ຊະ­ນະ​ເລີດ ທະ­ນາ­ຄານ​ອຸດ­ສາ­ຫະ­ກຳ​ການ​ຄ້າ​ຈີນ ຄູ່​ຊາຍ​ຊະ­ນະ​ເລີດ​ທະ­ນາ­ຄານ​ອຸດ­ສາ­ຫະ­ກຳ​ການ​ຄ້າ​ຈີນ ຮອງ​ຊະ­ນະ​ເລີດ ທຄຕລ ແລະ ຄູ່​ປະ­ສົມ​ຍິງ-ຊາຍ​ຊະ­ນະ​ເລີດ ທຄຕລ ຮອງ​ຊະ­ນະ​ເລີດ ທນບ.

    ການ​ແຂ່ງ­ຂັນ​ກີ­ລາ​ເປ​ຕັງ ຊະ­ນະ​ເລີດ​ຮຸ່ນ 45 ປີ​ຂຶ້ນ​ໄປ​ຊຸດ​ຍິງ ທຫລ ຮຸ່ນ 45 ປີ​ຂຶ້ນ​ໄປ​ຊຸດ​ຊາຍ ທຄຕລ ຮຸ່ນ 44 ປີ ລົງ​ມາ​ຊຸດ​ຍິງ ທຫລ ແລະ ຮຸ່ນ 44 ປີ​ລົງ​ມາ​ຊຸດ​ຊາຍ ທນບ ສຳ­ລັບ​ຜົນ​ການ​ແຂ່ງ­ຂັນ​ກີ­ລາ​ເປ​ຕັງ ຮອງ​ຊະ­ນະ​ເລີດ​ຮຸ່ນ 45 ປີ​ຂຶ້ນ​ໄປ​ຊຸດ​ຍິງ ທພລ ຮຸ່ນ 45 ປີ​ຂຶ້ນ​ໄປ​ຊຸດ​ຊາຍ ທພລ ຮຸ່ນ 44 ປີ​ລົງ​ມາ​ຊຸດ​ຍິງ ທນບ ແລະ ຮຸ່ນ 44 ປີ​ລົງ​ມາ​ຊຸດ​ຊາຍ ທະ­ນາ­ຄານ RHB ນອກ​ນີ້​ຍັງ​ມີ​ການ​ແຂ່ງ­ຂັນ​ກີ­ລາ​ອື່ນໆ​ອີກ​ຈຳ­ນວນ​ໜຶ່ງ.

    ການ​ແຂ່ງ­ຂັນ​ນັບ​ເງິນ​ມີ 20 ທີມ​ເຂົ້າ​ຮ່ວມ ໂດຍ​ຈັດ​ໃຫ້​ມີ​ການ​ແຂ່ງ​ນັບ​ເງິນ-ໄຈ້​ແຍກ​ເງິນ​ແທ້ ແລະ ເງິນ​ປົນ (ປອມ) ເຊິ່ງ​ມີ​ປະ­ເພດ​ເງິນ​ກີບ ແລະ ເງິນ​ໂດ​ລາ​ສະ­ຫະ­ລັດ ສຳ­ລັບ​ການ​ແຂ່ງ­ຂັນ​ປະ­ເພດ​ເງິນ​ກີບ​ຊະ­ນະ​ເລີດ​ທ່ານ ວິ­ໄລ​ສັກ ຫຼວງ​ລາດ ຈາກ ທຄຕລ ຮອງ​ຊະ­ນະ​ເລີດ​ທ່ານ​ນາງ ສຸ­ດາ ມະ­ນີ​ວັນ ຈາກ​ທະ­ນາ­ຄານ​ອິນ​ໂດ​ຈີນ ແລະ ອັນ​ດັບ 3 ທ່ານ ທອງ​ມະ­ນີ ດວງ​ສະ­ຫວັນ ທ​ຫວ ສຳ­ລັບ​ການ​ແຂ່ງ​ນັບ​ເງິນ-ໄຈ້​ແຍກ​ເງິນ​ປະ­ເພດ​ເງິນ​ໂດ​ລາ​ສະ­ຫະ­ລັດ ຊະ­ນະ​ເລີດ​ທ່ານ ວອນ​ວິ­ໄລ ຈັນ​ບົວ​ທັນ ຈາກ ທຄຕລ ຮອງ​ຊະ­ນະ​ເລີດ ທ່ານ ອາ​ນຸ​ສອນ ຫຼວງ​ປັນ­ຍາ ຈາກ ທຫລ ສາ­ຂາ​ຊຽງ​ຂວາງ ແລະ ອັນ​ດັບ 3 ທ່ານ ວຽງ​ວິ­ໄລ ໄພ​ພິມ​ມາ­ລາ ຈາກ​ທະ­ນາ­ຄານ​ລາວ-ຈີນ.

ຂ່າວທີ່ກ່ຽວຂ້ອງ