ສ້າງໂອກາດໃຫ້ຜູ້ອາຍຸສູງ ໄດ້ມີຄວາມເບີກບານມ່ວນຊື່ນ

247 03 ຕ.ລ. 2018 ວົງຈອນກີລາ
ສ້າງໂອກາດໃຫ້ຜູ້ອາຍຸສູງ ໄດ້ມີຄວາມເບີກບານມ່ວນຊື່ນ

    ກິດ­ຈະ­ກຳ​ຍ່າງ​ເພື່ອ​ສຸ­ຂະ­ພາບ ສະ­ເຫຼີມ­ສະ­ຫຼອງ​ວັນ​ສາ­ກົນ​ຜູ້​ອາ­ຍຸ​ສູງ (1 ຕຸ­ລາ) ຄົບ­ຮອບ 28 ປີ ຈັດ​ຂຶ້ນ​ວັນ​ທີ 29 ກັນ­ຍາ 2018 ທີ່​ສວນ​ປະ­ຕູ​ໄຊ ມີ​ທ່ານ ສົມ­ພົງ ມົງ​ຄົນ​ວິ­ໄລ ປະ­ທານ​ສະ­ມາ­ຄົມ​ຜູ້​ອາ­ຍຸ​ສູງ ນະ­ຄອນ­ຫຼວງ​ວຽງ​ຈັນ (ນວ) ທ່ານ​ນາງ ລຳ​ພອຍ ສີ​ອັກ​ຄະ​ຈັນ ຫົວ­ໜ້າ​ພະ​ແນກ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ນວ ພ້ອມ​ດ້ວຍ​ພະ­ນັກ­ງານ​ປະ­ຕິ­ວັດ​ອາ­ວຸ­ໂສ​ບຳ­ນານ ແລະ ບັນ­ດາ​ຜູ້​ອາ­ຍຸ​ສູງ​ເຂົ້າ​ຮ່ວມ.

    ທ່ານ​ປະ­ທານ​ສະ­ມາ­ຄົມ​ຜູ້​ອາ­ຍຸ​ສູງ ນວ ກ່າວ​ວ່າ: ວັນ​ສາ­ກົນ​ຜູ້​ອາ­ຍຸ​ສູງ​ໄດ້​ໜູນ​ວຽນ­ມາ​ຄົບ​ອີກ​ວາ­ລະ​ໜຶ່ງ ເຊິ່ງ​ເປັນ​ວັນ​ທີ່​ມີ​ຄວາມ​ໝາຍ​ຄວາມ​ສຳ­ຄັນ​ຕໍ່​ຜູ້​ອາ­ຍຸ​ສູງ​ໃນ​ທົ່ວ​ໂລກ ເພາະ​ບັນ­ດາ​ປະ­ເທດ​ໃນ​ໂລກ ລ້ວນ​ແຕ່​ໃຫ້​ຄວາມ​ສຳ­ຄັນ ເອົາ­ໃຈ­ໃສ່​ດູ​ແລ ແລະ ເສີມ​ຂະ­ຫຍາຍ​ກຳ­ລັງ​ແຮງ​ທີ່​ບົ່ມ​ຊ້ອນ​ຂອງ​ຜູ້​ອາ­ຍຸ​ສູງ ເຂົ້າ​ໃນ​ການ​ພັດ­ທະ­ນາ​ປະ­ເທດ​ຊາດ​ຂອງ​ຕົນ.

    ອີກ​ດ້ານ​ໜຶ່ງ​ລັດ​ຖະ​ທຳ​ມະ­ນູນ​ໄດ້​ກຳ­ນົດ​ວ່າ: ລັດ ແລະ ສັງ­ຄົມ​ເອົາ­ໃຈ­ໃສ່​ປະ­ຕິ­ບັດ​ນະ­ໂຍ­ບາຍ​ສະ­ຫວັດ­ດີ​ການ​ສັງ­ຄົມ​ເປັນ​ຢ່າງ​ດີ ແຕ່​ໃດ​ມາ​ຜູ້​ອາ­ຍຸ​ສູງ​ລາວ​ເຮົາ​ໄດ້​ດຳ­ລົງ​ຊີ­ວິດ​ຢ່າງ​ມີ​ຄວາມ​ອົບ​ອຸ່ນ ຢູ່​ໃນ​ຄອບ­ຄົວ​ຂອງ​ຕົນ​ກັບ​ລູກ​ຫຼານ ແລະ ໃຫ້­ການ​ດູ​ແລ​ອົບ­ຮົມ​ສັ່ງ­ສອນ ຕັກ­ເຕືອນ ເປັນ​ຮົ່ມ​ໂພ​ຮົ່ມ​ໄຊ​ໃຫ້​ລູກ​ຫຼານ ທັງ​ປະ­ກອບ­ສ່ວນ​ເຄື່ອນ​ໄຫວ​ວຽກ​ງານ​ຕ່າງໆ​ໃນ​ສັງ­ຄົມ ເຊິ່ງ​ການ​ຈັດ​ກິດ­ຈະ­ກຳ​ຄັ້ງ​ນີ້ ກໍ່​ເພື່ອ​ເປັນ​ການ­ສະ­ແດງ​ຄວາມ​ກະ­ຕັນ­ຍູ​ຮູ້​ບຸນ­ຄຸນ​ຂອງ​ຜູ້​ອາ­ຍຸ​ສູງ ທັງ​ເປັນ​ການ​ສ້າງ​ທຸກ​ເງື່ອນ­ໄຂ​ໃຫ້​ແກ່​ບັນ­ດາ​ຜູ້​ອາ­ຍຸ​ສູງ ໄດ້​ມີ​ໂອ­ກາດ​ສ້າງ​ກິດ­ຈະ­ກຳ​ຕ່າງໆ ໃຫ້​ມີ​ຄວາມ​ເບີກ­ບານ​ມ່ວນ­ຊື່ນ​ຢ່າງ​ມີ​ຊີ­ວິດ​ຊີ­ວາ.

ຂ່າວທີ່ກ່ຽວຂ້ອງ