3 ພາກຮ່ວມກັນສ້າງຂະບວນການກີລາມິດຕະພາບ

165 09 ຕ.ລ. 2018 ວົງຈອນກີລາ
3 ພາກຮ່ວມກັນສ້າງຂະບວນການກີລາມິດຕະພາບ

    ຄະ­ນະ​ພົວ­ພັນ​ຕ່າງ­ປະ­ເທດ​ສູນ​ກາງ​ພັກ ແລະ ກະ­ຊວງ​ການ​ຕ່າງ­ປະ­ເທດ ຮ່ວມ​ກັບ​ສະ­ຖານ­ທູດ ສປ ຈີນ ປະ­ຈຳ ສປປ ລາວ ຈັດ­ການ​ແຂ່ງ­ຂັນ​ກີ­ລາ​ດອກ​ປີກ​ໄກ່ ແລະ ກີ­ລາ​ປິ່ງ​ປ່ອງ​ມິດ­ຕະ­ພາບ ຂຶ້ນ​ວັນ​ທີ 5 ຕຸ­ລາ 2018 ຢູ່​ເດີນ​ກີ­ລາ​ໃນ​ຮົ່ມ​ບຶງ​ຂະ​ຫຍອງ ໂດຍ​ມີ​ທ່ານ​ນາງ ສູນ​ທອນ ໄຊ​ຍະ​ຈັກ ຫົວ­ໜ້າ​ຄະ­ນະ​ພົວ­ພັນ​ຕ່າງ­ປະ­ເທດ​ສູນ​ກາງ​ພັກ ທ່ານ ແສງ​ເພັດ ຮຸ່ງ​ບຸນ​ຍວງ ຮອງ​ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ພ້ອມ​ດ້ວຍ​ເອກ​ອັກ​ຄະ​ລັດ​ຖະ​ທູດ ສປ ຈີນ ປະ­ຈຳ ສປປ ລາວ ແລະ ຄະ­ນະ​ນັກ­ກີ­ລາ​ເຂົ້າ​ຮ່ວມ.

    ທ່ານ​ນາງ ສູນ​ທອນ ໄຊ​ຍະ​ຈັກ ກ່າວ​ວ່າ: ການ​ຈັດ­ການ​ແຂ່ງ­ຂັນ​ກີ­ລາ​ຄັ້ງ​ນີ້ ເພື່ອ​ສືບ­ຕໍ່​ສ້າງ​ຂະ​ບວນ​ການ​ກີ­ລາ​ມິດ­ຕະ­ພາບ ເພື່ອ​ເສີມ​ຂະ­ຫຍາຍ​ສາຍ​ພົວ­ພັນ​ທີ່​ມີ​ມູນ­ເຊື້ອ ລະ­ຫວ່າງ 3 ພາກ­ສ່ວນ (ຄະ­ນະ​ພົວ­ພັນ​ຕ່າງ­ປະ­ເທດ​ສູນ​ກາງ​ພັກ ສະ­ຖານ​ເອກ​ອັກ​ຄະ​ລັດ​ຖະ​ທູດ ສປ ຈີນ ແລະ ສສ ຫວຽດ­ນາມ ປະ­ຈຳ ສປປ ລາວ) ເຊິ່ງ​ການ​ແຂ່ງ­ຂັນ​ຄັ້ງ​ຜ່ານ​ມາ ແມ່ນ​ສະ­ຖານ​ເອກ​ອັກ​ຄະ​ລັດ​ຖະ​ທູດ ສປ ຈີນ ແລະ ສສ ຫວຽດ­ນາມ ປະ­ຈຳ ສປປ ລາວ ຮ່ວມ​ກັນ​ເປັນ​ເຈົ້າ­ພາບ​ຈັດ​ຂຶ້ນ​ໃນ​ຕົ້ນ​ປີ 2018 ແຕ່​ຄັ້ງ​ນີ້​ສະ­ຖານ​ເອກ​ອັກ​ຄະ​ລັດ​ຖະ​ທູດ ສສ ຫວຽດ­ນາມ ປະ­ຈຳ​ລາວ ແມ່ນ​ຕິດ​ພາ­ລະ­ກິດ​ຈຳ­ເປັນ ຈຶ່ງ​ບໍ່​ສາ­ມາດ​ເຂົ້າ​ຮ່ວມ​ໄດ້.

    ບັນ­ຍາ­ກາດ​ການ​ແຂ່ງ­ຂັນ​ກີ­ລາ​ຄັ້ງ​ນີ້ ດຳ­ເນີນ​ໄປ​ດ້ວຍ​ໄມ­ຕີ​ຈິດ​ມິດ­ຕະ­ພາບ ແລະ ຄວາມ​ສາ­ມັກ­ຄີ​ຮັກ­ແພງ​ເຊິ່ງ​ກັນ ແລະ ກັນ ໂດຍ​ພາຍ­ຫຼັງ​ສຳ­ເລັດ​ການ​ແຂ່ງ­ຂັນ​ແລ້ວ​ຜູ້​ເຂົ້າ​ຮ່ວມ ຍັງ​ໄດ້​ເຂົ້າ​ຮ່ວມ​ພາ­ເຂົ້າ​ສາ­ມັກ­ຄີ ແລະ ພົບ​ປະ​ສ້າງ­ສັນ​ກັນ​ຢ່າງ​ເບີກ­ບານ​ມ່ວນ­ຊື່ນ.

ຂ່າວທີ່ກ່ຽວຂ້ອງ