ນິດສັນ ນາວາຣາ ຮຸ່ນພຣີມ້ຽນ ພລັດ ເນັ້ນຄວາມທັນສະໄໝປອດໄພຫຼາຍຂຶ້ນ

120 10 ຕ.ລ. 2018 ຂ່າວໜ້າ​ໜຶ່ງ
ນິດສັນ ນາວາຣາ ຮຸ່ນພຣີມ້ຽນ ພລັດ ເນັ້ນຄວາມທັນສະໄໝປອດໄພຫຼາຍຂຶ້ນ

    ບໍ­ລິ­ສັດ ຕັນ​ຈົງ​ມໍ​ເຕີ້​ລາວ ຈຳ­ກັດ​ຜູ້​ດຽວ ຕົວ​ແທນ​ຈຳ­ໜ່າຍ​ລົດ​ນິດ​ສັນ​ສະ­ເພາະ ແລະ ພຽງ​ຜູ້​ດຽວ​ໃນ ສປປ ລາວ ແລະ ເປັນ​ສາ­ຂາ​ຂອງ​ບໍ­ລິ­ສັດ​ຕັນ​ຈົງ​ມໍ​ເຕີ້​ໂຮນ​ດິ້ງ​ເບີ​ຫາດ (ປະ­ເທດ​ມາ​ເລ​ເຊຍ) ນຳ​ສະ­ເໜີ​ລົດ​ນິດ​ສັນ ນາ­ວາ​ຣາ ຮຸ່ນ​ພຣີ​ມ້ຽນ ພລັດ ໃໝ່​ຫຼ້າ​ສຸດ​ສູ່​ສາຍ­ຕາ​ມວນ​ຊົນ ໃນ​ງານ​ວາງ­ສະ­ແດງ​ລົດ​ນາໆຊາດ​ວຽງ​ຈັນ ປະ­ຈຳ​ປີ 2018 ຢູ່​ສູນ​ການ​ຄ້າ​ລາວ-ໄອ​ເຕັກ ໃນ​ອາ­ທິດ​ຜ່ານ​ມາ.

    ນິດ​ສັນ ນາ­ວາ​ຣາ ພຣີ​ມ້ຽນ ພລັດ ແມ່ນ​ການ​ປະ­ສົມ​ປະ­ສານ​ຂອງ​ເຕັກ​ໂນ​ໂລ​ຊີ​ການ­ເຄື່ອນ­ໄຫວ​ອັດ​ສະ​ລິ​ຍະ​ຂອງ​ນິດ​ສັນ (NIM) ມາ​ພ້ອມ​ກັບ​ຄວາມ​ປອດ​ໄພ​ເພີ່ມ​ຂຶ້ນ ແລະ ດີ​ຂຶ້ນ ໂດຍ​ບໍ່​ເນັ້ນ​ຄວາມ​ປອດ​ໄພ​ຂອງ​ຜູ້­ໂດຍ­ສານ​ເທົ່າ​ນັ້ນ ແຕ່​ຍັງ​ໃຫ້​ຄວາມ​ສຳ­ຄັນ​ຕໍ່​ສະ­ພາບ​ແວດ​ລ້ອມ ດ້ວຍ​ເຕັກ​ໂນ​ໂລ​ຊີ​ໃໝ່​ຫຼ້າ​ສຸດ (i-AVM) ໜ້າ​ຈໍ​ຊ່ວຍ​ໃນ​ການ​ຂັບ​ຂີ່ ADAD ຈໍ​ສີ​ສະ­ແດງ​ຜົນ 5 ນິ້ວ 3D TFT ດ້ວຍ​ປະ­ສົບ​ການ​ຫຼາຍ​ກວ່າ 80 ປີ ຂອງ​ລົດ​ກະ­ບະ​ລະ­ດັບ​ໂລກ​ຂອງ​ນິດ​ສັນ ເຄື່ອງ​ຈັກ 2.5 ລິດ ກາ​ຊວນ 4 ສູບ​ແຖວ​ລຽງ DOHC 16-ວາວ ວີ​ຈີ​ເອັສ​ເທີ​ໂບ​ອິນ​ເຕີ​ຄູ​ເລີ ທີ່​ມີ​ຈຸດ​ເດັ່ນ​ໃນ​ການ​ໃຫ້​ກຳ­ລັງ​ສູງ 190 PS ແລະ ແຮງ​ມ້າ​ສູງ​ສຸດ 450 Nm ການ​ອອກ​ແບບ​ລັກ­ສະ­ນະ​ຂັ້ນ­ໄດ​ຄ້າຍ­ຄື​ກ໋ອງ​ທີ່​ມີ​ຄວາມ​ຍາວ​ຢ່າງ​ເໝາະ​ສົມ ເພື່ອ​ສາ­ມາດ​ທົນ​ທານ​ກັບ​ຄວາມ​ໜັກ​ຂອງ​ພື້ນ ໄຟ​ຕາ​ແອ​ລ​ອີ​ດີ​ສາ­ມາດ​ເບິ່ງ​ເຫັນ​ງ່າຍ ຮາວ​ຫຼັງ­ຄາ​ອະ­ເນກ​ປະ­ສົງ ກະ­ແຈ​ອັດ​ສະ​ລິ​ຍະ ແລະ ລະ­ບົບ​ປັບ​ອາ­ກາດ​ອັດ­ຕະ­ໂນ­ມັດ.

    ນິດ​ສັນ ນາ­ວາ​ຣາ ພຣີ​ມ້ຽນ ພລັດ ມີ​ຈຸດ​ເດັ່ນ​ຢູ່​ທີ່​ເບາະ​ໜັງ​ໄຟ­ຟ້າ 8 ທິດ ລະ­ບົບ​ຮອງ​ຮັບ​ແອວ 2 ທິດ​ສຳ­ລັບ​ຜູ້​ຂັບ​ຂີ່ ສ່ວນ​ຜູ້­ໂດຍ­ສານ​ມີ​ເບາະ​ໄຟ­ຟ້າ 4 ທິດ ແວ່ນ​ຫຼັງ​ທີ່​ປັບ​ແສງ​ໄດ້​ອັດ­ຕະ­ໂນ­ມັດ ມີ​ລະ­ບົບ​ຣ໋ອກ​ເຟືອງ​ທ້າຍ RDL ເຮັດ​ໃຫ້​ຂັບ​ຂີ່​ມີ​ຄວາມ​ໝັ້ນ​ໃຈ​ໃນ​ທາງ​ວິ­ບາກ ແລະ ຄວາມ​ປອດ​ໄພ​ຂອງ​ລໍ້ ມີ​ລະ­ບົບ​ເບຣກ​ກັນ​ລ໋ອກ​ລໍ້ ລະ­ບົບ​ກະ­ຈາຍ​ແຮງ ລະ­ບົບ​ຊ່ວຍ​ເບຣກ ລະ­ບົບ​ຄວບ​ຄຸມ​ຄວາມ​ແຮງ ນອກ​ນີ້​ຍັງ​ມີ​ລະ­ບົບ​ຄວບ​ຄຸມ​ການ​ຊົງ​ໂຕ ລະ­ບົບ​ປ້ອງ​ກັນ​ການ​ໄຫຼ​ຂະ­ນະ​ທາງ​ມື່ນ ແລະ ລະ­ບົບ​ຊ່ວຍ​ຂຶ້ນ​ທາງ​ຊັນ ຂາຍ​ໃນ​ລາ­ຄາ 48.500 ໂດ​ລາ​ສະ­ຫະ­ລັດ ຫຼື ປະ­ມານ 413,14 ລ້ານ​ກີບ.

ຂ່າວທີ່ກ່ຽວຂ້ອງ