ຂ່າວຫຼ້າສຸດ

ທູດການຄ້າອັງກິດ ປະຈຳລາວ ຫວຽດນາມ ແລະ ກຳປູເຈຍ ຢ້ຽມຊົມໂຮງຮຽນນານາຊາດ ຮີດຟີວ

202 10 ຕ.ລ. 2018 ຂ່າວໜ້າ​ໜຶ່ງ
ທູດການຄ້າອັງກິດ ປະຈຳລາວ ຫວຽດນາມ ແລະ ກຳປູເຈຍ ຢ້ຽມຊົມໂຮງຮຽນນານາຊາດ ຮີດຟີວ

    ໃນ​ວັນ​ທີ 3 ຕຸ­ລາ 2018 ທີ່​ຜ່ານ​ມາ ທີ່​ໂຮງ­ຮຽນ​ນາ­ນາ​ຊາດ​ຮີດ​ຟີວ​ວຽງ​ຈັນ ທ່ານ ເອັດ ວາຍ​ຊີ ທູດ​ການ​ຄ້າ ປະ­ຈຳ​ລາວ ຫວຽດ­ນາມ ແລະ ກຳ­ປູ­ເຈຍ ຕາງ­ໜ້າ​ນາ­ຍົກ­ລັດ­ຖະ­ມົນ­ຕີ​ຂອງ​ສະ­ຫະ​ຣາ​ຊະ​ອາ­ນາ­ຈັກ​ອັງ­ກິດ ທ່ານ ຮີວ ອີ​ວານ ເອກ​ອັກ­ຄະ­ລາ­ຊະ­ທູດ​ອັງ­ກິດ ປະ­ຈຳ​ລາວ ທ່ານ ເຈ​ຟ ແມັດ​ທິວ​ແມນ ອຸ­ປະ​ທູດ​ການ​ຄ້າ ແລະ ພາກ­ສ່ວນ​ກ່ຽວ­ຂ້ອງ​ຈາກ​ສະ­ຖານ­ທູດ​ອັງ­ກິດ ໄດ້​ຢ້ຽມ­ຢາມ​ໂຮງ­ຮຽນ​ນາ­ນາ​ຊາດ​ຮີດ​ຟີວ​ວຽງ​ຈັນ ໃຫ້​ກຽດ​ຕ້ອນ­ຮັບ​ໂດຍ ທ່ານ ສູນ​ທອນ ພົມ​ມະ​ຈັກ ແລະ ຄະ­ນະ​ບໍ­ລິ­ຫານ​ຂອງ​ໂຮງ­ຮຽນ​ນາ­ນາ​ຊາດ ຮີດ​ຟີວ ໃນ​ລະ­ຫວ່າງ​ການ​ຢ້ຽມ​ຊົມ​ໂຮງ­ຮຽນ ຄະ­ນະ​ຜູ້​ແທນ​ໄດ້​ພົບ​ປະ​ກັບ​ຄູ-ອາ­ຈານ ພະ­ນັກ­ງານ ແລະ ນ້ອງ​ນັກ­ຮຽນ ພ້ອມ​ທັງ​ໄດ້​ຮັບ​ຟັງ​ກ່ຽວ​ກັບ​ແຜນ­ການ​ຂະ­ຫຍາຍ­ຕົວ​ຂອງ​ໂຮງ­ຮຽນ ອາ­ຄານ ສະ­ຖານ­ທີ່ ແລະ ການ­ຈັດ­ຕັ້ງ​ການ​ຮຽນ-ການ​ສອນ​ຫຼັກ­ສູດ​ອັງ­ກິດ.

    Heathfield International School Vientiane ເປັນ​ໂຮງ­ຮຽນ​ຫຼັກ­ສູດ​ອັງ­ກິດ​ແຫ່ງ​ໃໝ່​ໃນ ສປປ ລາວ ທັງ​ເປັນ​ໂຮງ­ຮຽນ​ນາ­ນາ​ຊາດ​ທີ່​ນຳ​ໃຊ້​ຫຼັກ­ສູດ​ລະ­ບົບ​ອັງ­ກິດ ທີ່​ມີ​ໂຮງ­ຮຽນ​ແມ່​ຄື Heathfield School ເຊິ່ງ​ເປັນ​ໂຮງ­ຮຽນ​ທີ່​ມີ​ຊື່​ສຽງ ແລະ ໄດ້​ຮັບ​ຜົນ­ສຳ­ເລັດ ໃນ​ການ​ສິດ­ສອນ​ເດັກ­ນ້ອຍ​ໃນ​ປະ­ເທດ​ອັງ­ກິດ ມາ​ຍາວ​ນານ​ຫຼາຍ​ສະ­ຕະ­ວັດ ໄດ້​ມີ​ການ​ເປີດ​ສອນ​ຢູ່​ຕ່າງ­ປະ­ເທດ ແລະ ສປປ ລາວ ເຊິ່ງ​ຖື​ວ່າ​ເປັນ​ແຫ່ງ​ທີ​ສອງ​ໃນ​ອາ­ຊີ.

    ຈຸດ​ເດັ່ນ​ຂອງ​ໂຮງ­ຮຽນ​ນາ­ນາ​ຊາດ​ຮິດ​ຟິວ​ວຽງ​ຈັນ ແມ່ນ​ເປັນ​ໂຮງ­ຮຽນ​ທີ່​ມີ​ແມ່​ແບບ​ຢູ່​ປະ­ເທດ​ອັງ­ກິດ ພວກ​ເຮົາ​ຈະ​ໄດ້​ມີ​ການ​ກວດ​ສອບ​ຄຸ­ນະ­ພາບ​ຢ່າງ​ສະ​ໝ່ຳ​ສະ­ເໝີ ທາງ​ໂຮງ­ຮຽນ​ນຳ​ໃຊ້​ຫຼັກ­ສູດ​ການ​ສອນ British and Wales Curriculum ໂດຍ​ເນັ້ນ 3 ພາ­ສາ​ຫຼັກ ໄດ້­ແກ່​ພາ­ສາ​ອັງ­ກິດ ພາ­ສາ​ລາວ ຕາມ​ກະ­ຊວງ​ສຶກ​ສາ​ທິ​ການ ແລະ ກີ­ລາ​ໄດ້​ກຳ­ນົດ ແລະ ມີ​ພາ­ສາ​ຈີນ ພາຍ­ຫຼັງ​ນັກ­ຮຽນ​ຈົບ​ລະ­ດັບ​ມັດ­ທະ­ຍົມ​ຕອນ​ປາຍ​ແລ້ວ​ຈະ​ມີ​ຄວາມ​ສາ­ມາດ ແລະ ມີ​ໂອ­ກາດ​ສອບ­ເສັງ​ໄປ​ຮຽນ​ຕໍ່​ຕ່າງ­ປະ­ເທດ ຫຼື​ເຂົ້າ​ຮຽນ​ຕໍ່​ລະ­ດັບ​ປະ­ລິນ­ຍາ​ຕີ​ໃນ​ມະ­ຫາ­ວິ­ທະ­ຍາ­ໄລ​ທີ່​ມີ​ຊື່​ສຽງ​ນາ­ນາ​ປະ­ເທດ​ໄດ້.

ຂ່າວທີ່ກ່ຽວຂ້ອງ