ຂ່າວຫຼ້າສຸດ

ຍົກລະດັບຄວາມປອດໄພການບິນ ຮອງຮັບການກວດສອບທ້າຍປີ 2018

238 10 ຕ.ລ. 2018 ຂ່າວໜ້າ​ໜຶ່ງ
ຍົກລະດັບຄວາມປອດໄພການບິນ ຮອງຮັບການກວດສອບທ້າຍປີ 2018

    ປັດ­ຈຸ­ບັນ ການ​ຂົນ­ສົ່ງ​ທາງ​ອາ­ກາດ ໄດ້​ຮັບ​ຄວາມ​ນິ­ຍົມ​ສູງ​ໃນ​ການ​ເດີນ­ທາງ​ຢູ່​ທົ່ວ​ໂລກ ສຳ­ລັບ ສປປ ລາວ ໄດ້​ເຊັນ​ສັນ­ຍາ​ການ­ບິນ​ພົນ​ລະ​ເຮືອນ​ສາ­ກົນ ແລະ ເປັນ​ສະ­ມາ­ຊິກ​ຂອງ​ອົງ­ການ​ການ­ບິນ​ພົນ​ລະ​ເຮືອນ​ສາ­ກົນ​ແຕ່​ປີ 1955 ເປັນ­ຕົ້ນ​ມາ ພ້ອມ​ນີ້ ຍັງ​ເປັນ​ສະ­ມາ­ຊິກ​ສົນ­ທິ­ສັນ­ຍາ​ສາ­ກົນ​ດ້ານ​ການ​ປ້ອງ​ກັນ​ຄວາມ​ປອດ​ໄພ ອີກ 5 ສະ­ບັບ ເຮັດ​ໃຫ້​ການ­ຈັດ­ຕັ້ງ​ເຄື່ອນ​ໄຫວ​ວຽກ​ງານ​ຂອງ​ກົມ​ການ­ບິນ​ພົນ​ລະ​ເຮືອນ ສປປ ລາວ ມີ​ການ​ເຕີບ​ໃຫຍ່ ເຂັ້ມ­ແຂງ ແລະ ໄດ້​ຮັບ​ການ​ກວດ­ກາ ກວດ​ສອບ​ລະ­ດັບ​ມາດ­ຕະ­ຖານ​ສາ­ກົນ​ຢ່າງ​ເປັນ​ປົກ­ກະ­ຕິ ເຊິ່ງ​ທ້າຍ​ປີ 2018 ອົງ­ການ​ການ­ບິນ​ພົນ​ລະ​ເຮືອນ ຈະ​ກວດ​ສອບ​ດ້ານ​ການ​ປ້ອງ​ກັນ​ຄວາມ​ປອດ​ໄພ​ການ­ບິນ​ຂອງ ສປປ ລາວ ເພື່ອ​ເສີມ​ສ້າງ​ຄວາມ​ປອດ​ໄພ ແລະ ໄວ້​ເນື້ອ​ເຊື່ອ​ໃຈ​ຈາກ​ຜູ້​ມາ​ໃຊ້​ບໍ­ລິ­ການ​ໃຫ້​ຫຼາຍ​ຂຶ້ນ.

    ກະ­ຊວງ​ປ້ອງ​ກັນ​ປະ­ເທດ ໄດ້​ຮ່ວມ​ກັບ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ຈັດ​ກອງ​ປະ­ຊຸມ​ຄະ­ນະ​ກຳ­ມະ­ການ​ປ້ອງ​ກັນ​ຄວາມ​ປອດ​ໄພ​ການ­ບິນ​ແຫ່ງ​ຊາດ ຄັ້ງ​ທີ 2 ປະ­ຈຳ​ປີ 2018 ຂຶ້ນ​ວັນ​ທີ 9 ຕຸ­ລາ 2018 ຢູ່​ກະ­ຊວງ​ປ້ອງ​ກັນ​ປະ­ເທດ ໂດຍ​ມີ​ທ່ານ ພົທ ຈັນ​ສະ­ໝອນ ຈັນ​ຍາ​ລາດ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ມີ​ຜູ້­ຕາງ­ໜ້າ​ຈາກ​ບັນ­ດາ​ກະ­ຊວງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ວັນ­ເພັງ ຈັນ­ທະ​ພອນ ຫົວ­ໜ້າ​ກົມ​ການ­ບິນ​ພົນ​ລະ​ເຮືອນ ກ່າວ​ວ່າ: ກອງ​ປະ­ຊຸມ​ຄັ້ງ​ນີ້ ຈະ​ໄດ້​ປຶກ­ສາ​ຫາ­ລື​ແລກ­ປ່ຽນ​ບົດ­ຮຽນ​ກ່ຽວ​ກັບ​ສິ່ງ​ທ້າ​ທາຍ ແລະ ໄພ​ຂົ່ມ­ຂູ່​ຕໍ່​ຄວາມ​ປອດ​ໄພ​ຂອງ​ຂະ­ແໜງ­ການ​ບິນ​ພົນ​ລະ​ເຮືອນ ເພື່ອ​ຫາ​ວິ­ທີ​ແກ້​ໄຂ ແລະ ການ​ກຳ­ນົດ​ນະ­ໂຍ­ບາຍ ຍຸດ​ທະ​ສາດ ໃນ​ການ​ເພີ່ມ​ທະ­ວີ​ຍົກ​ລະ­ດັບ​ມາດ​ຕະ­ການ​ປ້ອງ​ກັນ​ຄວາມ​ປອດ​ໄພ​ການ­ບິນ​ທົ່ວ​ປະ­ເທດ ໃຫ້​ທຽບ​ເທົ່າ​ສາ­ກົນ ກໍ່​ຄື ການ​ບັນ­ລຸ​ໄດ້​ມາດ­ຕະ­ຖານ​ຕ່ຳ​ສຸດ​ທີ່​ອົງ­ການ​ການ­ບິນ​ພົນ​ລະ​ເຮືອນ​ສາ­ກົນ​ວາງ​ອອກ ໂດຍ​ທ້າຍ​ປີ 2018 ອົງ­ການ​ການ­ບິນ​ພົນ​ລະ​ເຮືອນ​ສາ­ກົນ ຈະ​ໄດ້​ເຄື່ອນ​ໄຫວ​ກວດ­ກາ​ບັນ­ດາ​ນິ­ຕິ​ກຳ ລະ­ບົບ​ການ​ປ້ອງ​ກັນ​ຄວາມ​ປອດ​ໄພ​ສະ­ໜາມ​ບິນ ການ​ຈະ­ລາ­ຈອນ​ທາງ​ອາ­ກາດ ສາຍ​ການ­ບິນ ແລະ ລະ­ບົບ​ການ​ຕອບ​ໂຕ້​ກໍ­ລະ­ນີ​ທີ່​ມີ​ເຫດ​ສຸກ​ເສີນ ໂດຍ​ຜູ້​ກໍ່​ການ​ຮ້າຍ.

ຂ່າວທີ່ກ່ຽວຂ້ອງ