ສ ອາ​ເມ​ຣິ​ກາ ສືບຕໍ່​ຂູ່​ປະຕິບັດ​ພາສີ​ຕໍ່​ສິນຄ້າ​ຈີນ

71 11 ຕ.ລ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ສືບຕໍ່​ຂູ່​ປະຕິບັດ​ພາສີ​ຕໍ່​ສິນຄ້າ​ຈີນ

     ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ສືບຕໍ່​ຂູ່​ອອກ​ມາ​ເມື່ອ​ວັນ​ທີ 9 ຕຸລາ​ນີ້ ທີ່​ຈະ​ປະຕິບັດ​ພາສີ​ຕໍ່​ປະລິມານ​ສິນຄ້າ​ນຳ​ເຂົ້າ​ຈາກ​ຈີນ ໃນ​ມູນ​ຄ່າ 267 ຕື້​ໂດ​ລາ​ສະຫະລັດ ຖ້າ​ຫາ​ກວ່າ​ຈີນ ມີ​ການ​ກະທຳ​ຕອບ​ໂຕ້​ຕໍ່​ມາດ​ຕະການ​ຂອງ ສ ອາ​ເມ​ຣິ​ກາ ທີ່​ມີ​ອອກ​ມາ​ເມື່ອ​ບໍ່​ດົນ​ມາ​ນີ້ ທ່າມກາງ​ທີ່ ສົງຄາມ​ການ​ຄ້າ​ລະຫວ່າງ​ສອງ​ຝ່າຍ​ເພີ່ມ​ຂຶ້ນ​ນັ້ນ.

    ປະທານາທິບໍດີ ທຣຳ ກ່າວ​ຕໍ່​ຜູ້​ສື່​ຂ່າວ​ຢູ່​ທີ່​ທຳ​ນຽບ​ຂາວ ວ່າ​ຈີນ​ຍັງ​ຄົງ​ບໍ່​ມີ​ຄວາມ​ພ້ອມ ໃຫ້​ແກ່ ຂໍ້​ຕົກລົງ​ທາງ​ດ້ານ​ການ​ຄ້າ ແລະ​ວ່າການ​ພົບ​ປະ​ຫຼາຍ​ລາຍການ ລະຫວ່າງ​ເຈົ້າ​ໜ້າທີ່​ຂອງ​ສອງ​ຝ່າຍ ໄດ້​ຖືກ​ຍົກເລີກ.

    ເມື່ອ​ເດືອນ​ທີ່​ຜ່ານ​ມາ ປະທານາທິບໍດີ ທຣຳ ໄດ້​ປະຕິບັດ​ພາສີ​ຕໍ່​ສິນຄ້າ​ນຳ​ເຂົ້າ​ຈາກ​ຈີນ ໃນ​ມູນ​ຄ່າ​ເກືອບ 200 ຕື້​ໂດ​ລາ​ສະຫະລັດ ແລະ ​ຂູ່​ວ່າ​ຈະ​ປະຕິບັດ​ພາສີ​ຕື່ມ​ອີກ ຖ້າ​ຫາ​ກວ່າ​ຈີນ​ຕອບ​ໂຕ້. ທາງ​ດ້ານ​ຈີນ​ກໍ​ໄດ້​ປະຕິບັດ​ພາສີ​ກັບ​ສິນຄ້າ​ນຳ​ເຂົ້າ​ຈາກ ສ ອາ​ເມ​ຣິ​ກາ ຢ່າງ​ທັນ​ຄວັນ ໃນ​ມູນ​ຄ່າ ປະມານ 60 ຕື້​ໂດ​ລາ​ສະຫະລັດ.

 

ຂ່າວທີ່ກ່ຽວຂ້ອງ