ການ​ນັດ​ຢຸດ​ງານ​ຢູ່​ໃນ​ຝຣັ່ງ ເຮັດ​ໃຫ້​ໂຮງງານ​ໄຟຟ້າ​ຕ້ອງ​ຫຼຸດ​ກຳລັງ​ການ​ຜະລິດ

62 11 ຕ.ລ. 2018 ຂ່າວຕ່າງປະເທດ
ການ​ນັດ​ຢຸດ​ງານ​ຢູ່​ໃນ​ຝຣັ່ງ ເຮັດ​ໃຫ້​ໂຮງງານ​ໄຟຟ້າ​ຕ້ອງ​ຫຼຸດ​ກຳລັງ​ການ​ຜະລິດ

    ການ​ນັດ​ຢຸດ​ງານ​ຢູ່​ໃນ​ຂົງເຂດ​ໄຟຟ້າ​ເມື່ອ​ວັນ​ທີ 9 ຕຸລາ​ນີ້ ໄດ້​ເຮັດ​ໃຫ້​ໂຮງງານ​ໄຟຟ້າ ນີວ​ເຄລຍ 3 ແຫ່ງ ແລະ ໂຮງງານ​ໄຟຟ້າ​ຖ່ານ​ຫີນ 2 ແຫ່ງ ຢູ່​ໃນ​ປະເທດ​ຝຣັ່ງ ຕ້ອງ​ໄດ້​ຫຼຸດ ປະລິມານ​ການ​ຜະລິດ ໄປ​ຢູ່​ທີ່​ລະດັບ 2,8 ກີ​ກາ​ວັດ (gigawatt).

    ການ​ນັດ​ຢຸດ​ງານ​ແກ່ຍາວ​ເປັນ​ເວລາ 24 ຊົ່ວໂມງ ຂອງ​ສາຂາ​ພະລັງງານ ທີ່​ຂຶ້ນ​ກັບ​ກຳມະບານ CGT ເປັນ​ສ່ວນ​ໜຶ່ງ​ຂອງ​ການ​ປະ​ທ້ວງ​ຂອງ​ບັນດາ​ສະຫະພັນ​ກຳມະບານ ເພື່ອ​ຄັດຄ້ານ​ຕໍ່​ການ​ປະຕິ​ຮູບ ຂອງ​ປະທານາທິບໍດີ​ຝຣັ່ງ ເອມ​ມາ​ນູ​ແອ​​ລ ມາກ​ຣົງ.

    ຕົວ​ເລກ​ຈາກ​ອົງການ​ໄຟຟ້າ​ຝຣັ່ງ (RTE) ຊີ້​ໃຫ້​ເຫັນ​ວ່າ ກຳລັງ​ການ​ຜະລິດ​ໄຟຟ້າ ຂອງ​ເຕົາ​ປະຕິ​ກອນ​ນີວ​ເຄລຍ 3 ໜ່ວຍ ຂອງ EDF ໄດ້ແກ່ Laurent 1 Cruas 2 ແລະ Chinon 4 ໄດ້​ຫຼຸດ​ລົງ ໃນ​ຂະນະ​ທີ່​ກຳລັງ​ການ​ຜະລິດ​ໄຟຟ້າ​ຂອງ​ໂຮງງານ​ໄຟຟ້າ​ຖ່ານ​ຫີນ 2 ແຫ່ງ​ຄື Cordemais 4 ແລະ 5 ຕ່າງ​ກໍ​ໄດ້​ຫຼຸດ​ລົງ​ສູ່​ລະດັບ 0 ຍ້ອນ​ເກີດ​ການ​ນັດ​ຢຸດ​ງານ ໂດຍ​ມີ​ກຳນົດ​ວ່າ ໂຮງງານ​ໄຟຟ້າ​ທັງ 5 ແຫ່ງ​ດັ່ງກ່າວ ຈະ​ກັບ​ສູ່​ການ​ເດີນ​ເຄື່ອງ ໃນ​ຕອນ​ຄ່ຳ​ຂອງ​ວັນ​ດຽວ​ກັນ.

 

ຂ່າວທີ່ກ່ຽວຂ້ອງ