IMF ຄາດ​ຄະເນ​ຄວາມ​ເຕີບ​ໂຕ​ເສດຖະກິດ​ໂລກ​ໃນ​ປີ​ນີ້ ແລະ ປີໜ້າ

67 11 ຕ.ລ. 2018 ຂ່າວຕ່າງປະເທດ
IMF ຄາດ​ຄະເນ​ຄວາມ​ເຕີບ​ໂຕ​ເສດຖະກິດ​ໂລກ​ໃນ​ປີ​ນີ້ ແລະ ປີໜ້າ

    ໃນ​ບົດ​ລາຍ​ງານ​ກ່ຽວ​ກັບ​ຄວາມ​ຫວັງ​ຂອງ​ເສດຖະກິດ​ໂລກ ຊຶ່ງ​ນຳ​ອອກ​ມາ​ເປີດເຜີຍ ເມື່ອ​ວັນ​ທີ 9 ຕຸລາ​ນີ້​ນັ້ນ ອົງການ​ກອງ​ທຶນ​ເງິນຕາ​ສາກົນ (IMF) ໄດ້​ປັບ​ຫຼຸດ​ຄວາມ​ຫວັງ​ຕໍ່​ຄວາມ​ເຕີບ​ໂຕ ຍອດ​ຜະລິດ​ຕະ​ພັນ​ພາຍ​ໃນ​ປະເທດ (GDP) ຂອງ​ທົ່ວ​ໂລກ​ລົງ​ສູ່​ລະດັບ 3,7% ໃນ​ປີ 2018 ແລະ 2019.

     ສຳລັບ​ໄລຍະ​ປີ 2022-2023 ຕົວ​ເລກ​ດັ່ງກ່າວ​ຈະ​ຫຼຸດ​ລົງ​ໄປ​ເຫຼືອ​ທີ່ 3,6%. ໃນ​ຂະນະ​ດຽວ​ກັນ ຄວາມ​ເຕີບ​ໂຕ​ທາງ​ດ້ານ​ການ​ຄ້າ​ທົ່ວ​ໂລກ  ໄດ້​ຮັບ​ການ​ຄາດ​ຄະເນ​ວ່າ​ຈະ​ຢູ່​ທີ່ 4,2% ໃນ​ປີ​ນີ້ ຊຶ່ງ​ນັບ​ວ່າ​ຕ່ຳ​ກວ່າ​ເກືອບ 1% ເມື່ອ​ທຽບໃສ່​ການ​ຄາດ​ຄະເນ​ໄວ້​ໃນ​ເດືອນ​ເມສາ​ທີ່​ຜ່ານ​ມາ. ໃນ​ຂະນະ​ດຽວ​ກັນ ການ​ຄ້າ​ທົ່ວ​ໂລກ ໄດ້​ຮັບ​ການ​ຄາດ​ຄະເນ​ວ່າ​ຈະ​ເຕີບ​ໂຕ​ທີ່​ລະດັບ 4% ໃນ​ປີ 2019 ເປັນ​ຕົວ​ເລກ ທີ່​ຕ່ຳ​ກ່ວ​​າ 0,5% ເມື່ອ​ທຽບໃສ່​ການ​ຄາດ​ຄະເນ​ໄວ້​ກ່ອນ​ໜ້າ​ນີ້.

    ບົດ​ລາຍ​ງານ​ຂອງ IMF ໃຫ້​ຮູ້​ວ່າ ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ​ເພີ່ມ​ຂຶ້ນ ນັບ​ວ່າ​ເປັນ ຄວາມ​ທ້າ​ທາຍ​ອັນ​ໃຫຍ່​ໂຕ ຕໍ່​ພື້ນຖານ​ເສດຖະກິດ​ໂລກ ໃນ​ເມື່ອ​ວ່າ “ບັນດາ​ຖະແຫຼງການ ທີ່​ໃຫ້ການ​ສະໜັບສະໜູນ​ຕໍ່​ລັດທິ​ປົກ​ປ້ອງ ພວມ​ຄ່ອຍໆ​ກາຍເປັນ​ການ​ກະທຳ.”  ໃນ​ຂະນະ​ດຽວ​ກັນ IMF ກໍ​ໃຫ້ການ​ແຈ້ງ​ເຕືອນ​ວ່າ ສະພາບ​ຄວາມ​ບໍ່​ສະຫງົບ ທີ່​ເກີດ​ຈາກ​ການ​ພິພາດ​ດ້ານ​ການ​ຄ້າ ອາດ​ຈະ​ເຮັດ​ໃຫ້​ບັນດາ​ວິ​ສາ​ຫະ​ກິດ ງົດ ຫຼື​ຢຸດຕິ​ການ​ປ້ອນ​ທຶນ​ເປັນ​ການ​ຊົ່ວຄາວ ເຮັດ​ໃຫ້ການ ເຄື່ອນ​ໄຫວ​ລົງທຶນ​ຫຼຸດ​ລົງ.

 

ຂ່າວທີ່ກ່ຽວຂ້ອງ