ຂ່າວຫຼ້າສຸດ

ຢູນີເທວ ສະເຫຼີມສະຫຼອງ 10 ປີ ໃຫ້ການບໍລິການທີ່ມີຄຸນະພາບ

358 18 ຕ.ລ. 2018 ຂ່າວໜ້າ​ໜຶ່ງ
ຢູນີເທວ ສະເຫຼີມສະຫຼອງ 10 ປີ ໃຫ້ການບໍລິການທີ່ມີຄຸນະພາບ

    ພິ­ທີ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ບໍ­ລິ­ສັດ ສະ​ຕາ​ໂທລະ​ຄົມ (ຢູ​ນີ​ເທວ) ຄົບ­ຮອບ 10 ປີ (2008-2018) ແລະ ຄົບ­ຮອບ 9 ປີ ວັນ​ປະ­ກາດ​ການ​ນຳ​ໃຊ້​ເຄື່ອງ­ໝາຍ​ການ​ຄ້າ​ຢູ​ນີ​ເທວ (16/10/2009-16/10/2018) ຈັດ​ຂຶ້ນ​ວັນ​ທີ 16 ຕຸ­ລາ 2018 ທີ່​ນະ­ຄອນ­ຫຼວງ​ວຽງ​ຈັນ ມີ​ທ່ານ ພົນ​ໂທ ຈັນ​ສະ­ໝອນ ຈັນ​ຍາ​ລາດ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ບັນ­ດາ​ລັດ­ຖະ­ມົນ­ຕີ ຮອງ​ລັດ­ຖະ­ມົນ­ຕີ ຕາງ­ໜ້າ​ສະ­ຖານ­ທູດ​ຫວຽດ­ນາມ​ປະ­ຈຳ​ລາວ ຫົວ­ໜ່ວຍ​ທຸ­ລະ​ກິດ ບໍ­ລິ­ສັດ ລູກ​ຄ້າ ຄະ­ນະ​ອຳ­ນວຍ​ການ ສູນ ພະ​ແນກ ແລະ ພະ­ນັກ­ງານ​ສາ­ຂາ​ໃນ​ທົ່ວ​ປະ­ເທດ​ເຂົ້າ​ຮ່ວມ.

    ຕະ­ຫຼອດ​ໄລ­ຍະ 10 ປີ​ແຫ່ງ​ການ​ສ້າງ­ຕັ້ງ ແລະ 9 ປີ​ແຫ່ງ​ການ​ເປີດ​ໂຕ​ເຄື່ອງ­ໝາຍ​ການ​ຄ້າ​ຢ່າງ​ເປັນ​ທາງ​ການ ຢູ​ນີ​ເທວ ໄດ້​ມີ​ການ​ຂະ­ຫຍາຍ​ລະ­ບົບ​ເຄືອ​ຄ່າຍ​ທີ່​ໃຫຍ່ ແລະ ໝັ້ນ­ຄົງ​ທີ່​ສຸດ ດ້ວຍ​ຈຳ­ນວນ​ສູນ​ສະ­ຖາ­ນີ 6.500 ສູນ 2 ຈີ 3 ຈີ 4 ຈີ ແລະ ສັນ­ຍານ​ປົກ​ຄຸມ​ເຖິງ 95% ໃນ​ທົ່ວ​ປະ­ເທດ ສະ­ໜອງ​ບໍ­ລິ­ການ​ມື​ຖື​ໃຫ້​ລູກ​ຄ້າ​ຫຼາຍ​ກວ່າ 3 ລ້ານ​ລູກ​ຄ້າ ດ້ວຍ​ຄວາມ​ພະ­ຍາ­ຍາມ ຄວາມ​ມຸ່ງ​ໝັ້ນ​ຂອງ​ຢູ​ນີ​ເທວ​ທີ່​ມີ​ຕໍ່​ລູກ​ຄ້າ ໄດ້​ຊ່ວຍ​ໃຫ້​ບໍ­ລິ­ສັດ​ກາຍ­ເປັນ​ເຄືອ​ຄ່າຍ​ຢູ່​ລະ­ດັບ​ແຖວ​ໜ້າ​ໃນ​ຕະ­ຫຼອດ​ເວ­ລາ 7 ປີ ເຊິ່ງ​ສະ­ແດງ​ໃຫ້​ເຫັນ​ຄວາມ​ເຊື່ອ​ໝັ້ນ ແລະ ໄດ້​ຮັບ​ຄວາມ​ໄວ້​ວາງ­ໃຈ​ຈາກ​ລູກ​ຄ້າ ພ້ອມ​ນັ້ນ ພາຍ​ໃຕ້​ເຄື່ອງ­ໝາຍ​ການ​ຄ້າ​ຢູ​ນີ​ເທວ ໄດ້​ປະ­ກອບ­ສ່ວນ​ເຮັດ​ໃຫ້​ຂະ­ແໜງ­ການ​ດ້ານ​ຂົງ­ເຂດ​ໂທລະ​ຄົມ­ມະ­ນາ­ຄົມ ມີ​ການ​ຫັນ­ປ່ຽນ​ໃນ​ທິດ​ທາງ​ທີ່​ດີ ຈຳ­ນວນ​ປະ­ຊາ­ຊົນ​ນຳ​ໃຊ້​ມື​ຖື​ເພີ່ມ​ຂຶ້ນ 5 ເທື່ອ ພຽງ​ໄລ­ຍະ​ເວ­ລາ​ບໍ່​ພໍ​ເທົ່າ­ໃດ​ປີ​ຈາກ 18% ເພີ່ມ​ເປັນ 85% ເຄືອ​ຄ່າຍ​ສັນ­ຍານ​ໂທລະ​ຄົມ ໄດ້​ປົກ​ຄຸມ​ທຸກ​ພື້ນ​ທີ່​ທົ່ວ​ປະ­ເທດ ເຄືອ​ຄ່າຍ​ມື​ຖື ແລະ ເຄືອ​ຄ່າຍ​ອິນ​ເຕີ​ເນັດ ເຂົ້າ​ເຖິງ​ທຸກ​ຂົງ­ເຂດ​ຂອງ​ການ​ດຳ­ເນີນ​ຊີ­ວິດ​ປະ­ຈຳ​ວັນ​ຂອງ​ປະ­ຊາ­ຊົນ ແລະ ບໍ­ລິ­ສັດ​ໄດ້​ບັນ­ລຸ​ຕາມ​ເປົ້າ​ໝາຍ ກໍ່​ຍ້ອນ​ການ​ຊີ້​ນຳ-ນຳ­ພາ​ຈາກ​ພັກ-ລັດ­ຖະ­ບານ​ລາວ ໄດ້​ຮັບ​ຄວາມ​ໄວ້​ວາງ­ໃຈ​ມອບ​ໝາຍ​ໃນ​ການ­ຈັດ­ຕັ້ງ​ຜັນ​ຂະ­ຫຍາຍ​ບາງ​ລະ­ບົບ​ເອ​ເລັກ​ໂຕຣ​ນິກ​ທີ່​ສຳ­ຄັນ ເປັນ­ຕົ້ນ ສົມ­ທົບ​ກັບ​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ໃນ​ການ​ຂະ­ຫຍາຍ​ຟອມ​ພາ­ສາ​ລາວ ສົມ­ທົບ​ກັບ​ກະ­ຊວງ​ພາຍ​ໃນ​ຜັນ​ຂະ­ຫຍາຍ​ລະ­ບົບ​ຄຸ້ມ​ຄອງ​ພົນ­ລະ­ເມືອງ ແລະ ທະ­ນາ­ຄານ​ແຫ່ງ ສປປ ລາວ ໃນ​ການ​ຂະ­ຫຍາຍ​ບໍ­ລິ­ການ Core Banking ເຊິ່ງ​ພາຍ­ຫຼັງ 9 ປີ​ແຫ່ງ​ການ​ດຳ­ເນີນ​ທຸ­ລະ​ກິດ ຢູ​ນີ​ເທວ​ບັນ­ລຸ​ໄດ້​ລາຍ​ຮັບ​ທັງ​ໝົດ 1,35 ຕື້​ໂດ​ລາ​ສະ­ຫະ­ລັດ ມອບ​ພັນ­ທະ​ອາ­ກອນ​ໃຫ້​ລັດ­ຖະ­ບານ​ລວມ​ຮອດ​ປີ 2017 ແມ່ນ 350 ລ້ານ​ໂດ​ລາ ປະ­ກອບ­ສ່ວນ​ເຂົ້າ​ໃນ​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ.

ຂ່າວທີ່ກ່ຽວຂ້ອງ