ສຳເລັດໂຄງການບູລະນະໜອງສະພັງເລນ

213 19 ຕ.ລ. 2018 ຂ່າວໜ້າ​ໜຶ່ງ
ສຳເລັດໂຄງການບູລະນະໜອງສະພັງເລນ

    ວັນ​ທີ 18 ຕຸ­ລາ 2018 ບໍ­ລິ­ສັດ ເພັດ​ບັນ­ດິດ​ກໍ່­ສ້າງ ຈຳ­ກັດ ໃນ​ນາມ​ຜູ້​ສຳ​ປະ­ທານ​ພັດ­ທະ­ນາ​ສວນ​ສາ­ທາ­ລະ­ນະ ໜອງ​ສະ­ພັງ​ເລນ ໄດ້​ຈັດ​ພິ­ທີ​ເປີດ​ນຳ​ໃຊ້​ລານ​ເຄື່ອງ​ຫຼີ້ນ​ເດັກ­ນ້ອຍ ແລະ ລານ​ເຄື່ອງ​ຫຼິ້ນ​ອອກ­ກຳ­ລັງ​ກາຍ ພາຍ­ຫຼັງ​ທີ່​ສຳ­ເລັດ​ການ​ກໍ່­ສ້າງ ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ບັນ­ດາ​ການ​ນຳ​ນະ­ຄອນ­ຫຼວງ ຫົວ­ໜ້າ​ພະ​ແນກ ເຈົ້າ­ເມືອງ ຫົວ­ໜ້າ​ຫ້ອງ­ການ ອຳ­ນາດ​ການ​ປົກ­ຄອງ​ບ້ານ​ອ້ອມ​ຂ້າງ ນັກ­ທຸ­ລະ­ກິດ ແລະ ແຂກ​ຖືກ​ເຊີນ.

    ໃນ​ພິ­ທີ​ທ່ານ​ນາງ ບົວ​ວຽງ ເພັດ​ທະ​ລານ​ຄຳ ປະ­ທານ​ບໍ­ລິ­ສັດ ເພັດ​ບັນ­ດິດ​ກໍ່­ສ້າງ ຈຳ­ກັດ ໄດ້​ຂຶ້ນ​ລາຍ​ງານ​ຜົນ­ສຳ­ເລັດ​ການ​ພັດ­ທະ­ນາ​ສວນ​ສະ­ພັງ​ເລນ ໃຫ້​ຮູ້​ວ່າ: ໂຄງ­ການ​ພັດ­ທະ­ນາ​ສວນ​ສະ­ພັງ​ເລນ ມີ​ສະ­ຖານ­ທີ່​ຕັ້ງ​ຢູ່​ບ້ານ​ໜອງ​ບອນ ໃກ້​ກັບ​ເດີ່ນ​ສະ­ໜາມ​ຫຼວງ​ທາດ­ຫຼວງ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ເຊິ່ງ​ໜອງ​ສະ­ພັງ​ເລນ​ຖືກ​ສ້າງ­ຕັ້ງ​ຂຶ້ນ​ຄຽງ​ຄູ່​ກັບ​ຊື່​ນະ­ຄອນ­ຫຼວງ​ວຽງ​ຈັນ ມາ​ແຕ່​ບູ­ຮານ​ນະ​ການ ແລະ ສະ­ຖານ­ທີ່​ແຫ່ງ​ນີ້​ເປັນ​ສະ­ຖານ­ທີ່​ທີ່​ມີ​ມູນ­ເຊື້ອ​ປະ­ຫວັດ­ສາດ​ຂອງ​ຊາດ ເປັນ​ວັງ​ເຍົາ­ວະ​ຊົນ​ໃນ​ເມື່ອ​ກ່ອນ ໂດຍ​ໄດ້​ຮັບ​ອະ­ນຸ­ຍາດ​ຈາກ​ລັດ​ໃຫ້​ສຳ​ປະ­ທານ​ເປັນ​ໄລ­ຍະ​ເວ­ລາ 30 ປີ ໃນ​ເນື້ອ­ທີ່ 3 ເຮັກ­ຕາ ບໍ­ລິ­ສັດ ເພັດ​ບັນ­ດິດ​ກໍ່­ສ້າງ ກໍ່​ໄດ້​ລົງ­ມື​ຈັດ​ຕັ້ງ​ປະ­ຕິ­ບັດ​ໂຄງ­ການ​ພັດ­ທະ­ນາ​ສວນ​ສະ­ພັງ​ເລນ ໃນ​ປີ 2009 ແລະ ສຳ­ເລັດ​ໄລ­ຍະ​ທຳ​ອິດ​ເປີດ​ນຳ​ໃຊ້​ປີ 2010 ຈາກ​ນັ້ນ ກໍ່​ໄດ້​ພັດ­ທະ­ນາ​ມາ​ເລື້ອຍໆ ຮອດ​ປີ 2018 ໄດ້​ສຳ­ເລັດ​ຫຼາຍ​ກິດ­ຈະ­ການ ລວມ​ມູນ​ຄ່າ​ທັງ​ໝົດ 6,85 ຕື້​ກີບ ແລະ ຈຸດ­ປະ­ສົງ​ການ​ບູ­ລະ­ນະ​ສວນ​ແຫ່ງ​ນີ້ ເພື່ອ​ປັບ­ປຸງ​ໃຫ້​ເປັນ​ສວນ​ສາ­ທາ­ລະ­ນະ ເປັນ​ບ່ອນ​ພັກ­ຜ່ອນ​ຢ່ອນ​ອາ­ລົມ​ສຳ­ລັບ​ຊາວ​ນະ­ຄອນ­ຫຼວງ​ວຽງ​ຈັນ ແລະ ເປັນ​ບ່ອນ​ຕ້ອນ­ຮັບ​ແຂກ​ບ້ານ​ແຂກ­ເມືອງ ໃນ​ໂອ­ກາດ​ເປີດ​ປີ​ທ່ອງ​ທ່ຽວ​ລາວ 2018 ຢູ່​ນະ­ຄອນ­ຫຼວງ​ວຽງ​ຈັນ ສະ­ຖານ­ທີ່​ແຫ່ງ​ນີ້ ກໍ່​ໄດ້​ຈັດ​ຫຼາຍ​ກິດ­ຈະ­ກຳ​ໃນ​ຜ່ານ​ມາ ໂດຍ​ລວມ​ແລ້ວ ນັບ​ແຕ່​ການ​ພັດ­ທະ­ນາ​ສວນ​ສະ­ພັງ​ເລນ​ມາ​ຕິດ​ພັນ​ກັນ​ນັ້ນ ກໍ່​ມີ​ຫຼາຍ​ກິດ­ຈະ­ການ​ປິ່ນ​ອ້ອມ ມາ​ຮອດ​ປັດ­ຈຸ­ບັນ ເປັນ­ຕົ້ນ ມີ​ຮ້ານ​ເຊດ​ຖາ​ຜ້າ­ໄໝ ຮ້ານ​ຂາຍ­ເຄື່ອງ​ທີ່​ລະ­ນຶກ 450 ປີ ຮ້ານ​ຂາຍ​ຜັກ​ອໍ​ກາ​ນິກ ຮ້ານ​ເຝີ ລານ​ຈອດ​ລົດ ໜອງ​ນ້ຳ​ພະ­ຍາ​ນາກ ຮ້ານ​ຂາຍ​ເບ້ຍ​ໄມ້ ສວນ​ດອກ​ໄມ ສວນ​ຫຍ້າ ຫ້ອງ​ນ້ຳ​ສາ­ທາ­ລະ­ນະ ຮ້ານ​ອາ­ຫານ ສາ­ລາ​ຊົມ​ວິວ ແລະ ອື່ນໆ ເພື່ອ​ບໍ­ລິ­ການ​ຮອງ​ຮັບ​ນັກ​ທ່ອງ​ທ່ຽວ​ທັງ​ພາຍ​ໃນ ແລະ ຕ່າງ­ປະ­ເທດ ກໍ່​ຄື​ຊາວ​ນະ­ຄອນ­ຫຼວງ​ວຽງ​ຈັນ ທີ່​ມາ​ທ່ຽວ​ຊົມ​ອອກ­ກຳ­ລັງ​ກາຍ ແລະ ພັກ­ຜ່ອນ​ຢູ່​ສະ­ຖານ­ທີ່​ແຫ່ງ​ນີ້.

    ສຳ­ລັບ​ກິດ­ຈະ­ການ​ຫຼ້າ​ສຸດ​ແມ່ນ​ໂຄງ­ການ​ກໍ່­ສ້າງ​ລານ​ເຄື່ອງ​ຫຼິ້ນ​ເດັກ­ນ້ອຍ ແລະ ລານ​ເຄື່ອງ​ຫຼິ້ນ​ອອກ­ກຳ­ລັງ​ກາຍ​ກາງ­ແຈ້ງ ເລີ່ມ​ກໍ່­ສ້າງ​ມາ​ແຕ່​ຕົ້ນ​ປີ ແລະ ສຳ­ເລັດ​ທ້າຍ​ເດືອນ​ກັນ­ຍາ 2018 ມູນ​ຄ່າ 1,78 ຕື້​ກີບ ເຊິ່ງ​ປະ­ກອບ​ມີ​ເຄື່ອງ​ຫຼີ້ນ​ເດັກ­ນ້ອຍ​ໃນ​ຮົ່ມ​ປະ­ກອບ​ມີ​ເຄື່ອງ​ຫຼີ້ນ 5 ຢ່າງ​ເພື່ອ​ໃຫ້​ເດັກ­ນ້ອຍ​ອາ­ຍຸ​ແຕ່ 1-13 ປີ​ໄດ້​ຫຼິ້ນ ຄ່າ​ບໍ­ລິ­ການ 25.000 ກີບ​ຕໍ່​ຄົນ​ຕໍ່​ຄັ້ງ ເຊິ່ງ​ພາຍ​ໃນ​ມີ​ສິ່ງ​ອຳ­ນວຍ​ຄວາມ​ສະ­ດວກ​ຕ່າງໆ ມີ​ແອ​ເຢັນ ກ້ອງ​ວົງ​ຈອນ​ປິດ ແລະ ອື່ນໆ ສ່ວນ​ເຄື່ອງ​ຫຼີ້ນ​ເດັກ­ນ້ອຍ​ຢູ່​ດ້ານ​ນອກ​ກໍ່​ມີ​ຫຼາຍ​ຢ່າງ​ໃຫ້​ຫຼິ້ນ ຄ່າ​ບໍ­ລິ­ການ 6.000 ກີບ​ຕໍ່​ຄົນ​ຕໍ່​ຄັ້ງ ນອກ​ນີ້ ຢູ່​ດ້ານ​ນອກ​ຍັງ​ມີ​ເຄື່ອງ​ຫຼີ້ນ​ສຳ­ລັບ​ເດັກ ແລະ ເຄື່ອງ​ຫຼີ້ນ​ອອກ­ກຳ­ລັງ​ກາຍ​ສຳ­ລັບ​ຜູ້​ໃຫຍ່​ທີ່​ບໍ່​ໄດ້​ເສຍ​ເງິນ​ຕື່ມ​ອີກ ເພື່ອ​ເປັນ​ການ​ສົ່ງ­ເສີມ​ສຸ­ຂະ­ພາບ​ຂອງ​ຄົນ​ເຮົາ​ໃຫ້​ແຂງ­ແຮງ ພ້ອມ​ນີ້ ຍັງ​ມີ​ຮ້ານ​ອາ­ຫານ​ບໍ­ລິ­ການ​ເພື່ອ​ຮອງ​ຮັບ​ຜູ້​ປົກ­ຄອງ​ທີ່​ມາ​ລໍ­ຖ້າ​ລູກ​ຫຼານ​ຂອງ​ຕົນ ເຊິ່ງ​ໄດ້​ເປີດ​ບໍ­ລິ­ການ​ທຸກ​ວັນ​ນັບ​ແຕ່​ເວ­ລາ 10-21:00 ໂມງ.

ຂ່າວທີ່ກ່ຽວຂ້ອງ