ກອງທັບ 1 ຄອງຂັນຊະນະເລີດ ລາວກ໊ອຟຄັບ ແຊັມປ້ຽນຊິບ 2018

93 23 ຕ.ລ. 2018 ວົງຈອນກີລາ
ກອງທັບ 1 ຄອງຂັນຊະນະເລີດ ລາວກ໊ອຟຄັບ ແຊັມປ້ຽນຊິບ 2018

    ພິ­ທີ​ປິດ​ການ​ແຂ່ງ­ຂັນ ແລະ ມອບ-ຮັບ​ລາ­ງວັນ​ການ​ແຂ່ງ­ຂັນ​ກີ​ລາກ໊ອຟ ລາຍ­ການ​ລາວ​ກ໊ອຟ ຄັບ ແຊັມ​ປ້ຽນ​ຊິບ ປະ­ຈຳ​ປີ 2018 ຈັດ​ຂຶ້ນ​ວັນ​ທີ 21 ຕຸ­ລາ 2018 ຢູ່​ສະ​ໜາມ​ກ໊ອ​ຟລາວ​ຄັນ​ທຣີ​ຄລັບ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ເລັດ ໄຊ​ຍະ​ພອນ ເຈົ້າ­ແຂວງ​ອັດ​ຕະ​ປື ແລະ ທ່ານ ແສງ​ພອນ ພົນ​ອາ­ມາດ ຫົວ­ໜ້າ​ກົມ​ກີ­ລາ​ລະ­ດັບ​ສູງ ກະ­ຊວງ​ສຶກ​ສາ​ທິ​ການ ແລະ ກີ­ລາ ແລະ ພາກ­ສ່ວນ​ທີ່​ກ່ຽວ­ຂ້ອງ.

    ການ​ແຂ່ງ­ຂັນ​ຄັ້ງ​ນີ້ ຈັດ​ຂຶ້ນ​ວັນ​ທີ 20-21 ຕຸ­ລາ 2018 ເປັນ​ການ​ແຂ່ງ­ຂັນ 2 ຮອບ ໃນ 36 ຂຸມ ມີ​ນັກ­ກີ­ລາ​ເຂົ້າ​ຮ່ວມ 21 ທີມ 138 ຄົນ ຈາກ​ແຂວງ ແລະ ສະ​ໂມ​ສອນ​ກ໊ອຟ​ຕ່າງໆ ເຊິ່ງ​ຜ່ານ​ການ​ແຂ່ງ­ຂັນ​ປະ­ເພດ​ທີມ​ຊາຍ ອັນ​ດັບ 1 ກະ­ຊວງ​ປ້ອງ​ກັນ​ປະ­ເທດ 1 ອັນ​ດັບ 2 ສະ​ໂມ​ສອນ​ກ໊ອຟ​ສິງ​ລາວ 1 ອັນ​ດັບ 3 ສະ­ຫະ­ພັນ​ກີ­ລາ​ກັອບ​ແຂວງ​ອຸ­ດົມ​ໄຊ ປະ­ເພດ​ບຸກ­ຄົນ​ຊາຍ ອັນ​ດັບ 1 ທ່ານ ສີ​ປະ­ເສີດ ແພງ​ພັນ​ດີ ອັນ​ດັບ 2 ທ່ານ ສາຍ​ຊົນ ວິ​ສີ​ສົມ­ບັດ ອັນ​ດັບ 3 ທ່ານ ໄຊ​ຍິ່ງ ຕົງ​ເຢີ​ທໍ່.

    ສຳ­ລັບ​ປະ­ເພດ​ເຍົາ­ວະ​ຊົນ​ຊາຍ ອັນ​ດັບ 1 ທ້າວ ແດງ ຄຳ​ມະ​ວົງ ອັນ​ດັບ 2 ທ້າວ ວຽງ​ສະ­ຫວັນ ສົມ​ຫວັງ ຈາກ​ສະ​ໂມ​ສອນ​ກ໊ອຟ​ເລັກ​ວິວ ແລະ ອັນ​ດັບ 3 ທ້າວ ແສງ​ເພັດ ເມືອງ​ວົງ ລາ­ງວັນ​ຕີ​ໃກ້​ທຸງ​ທີ່​ສຸດ​ຂຸມ 13 ພາ 3 ແມ່ນ​ທ່ານ ທຳ​ມະ​ລັກ ບົວ​ຫອມ ລາ­ງວັນ​ຕີ​ໃກ້​ທຸງ​ທີ່​ສຸດ​ຂຸມ 3 ພາ 3 ທ່ານ ສິນ​ທະ​ໜອງ​ສັກ ຈັນ­ທະ​ສົມ­ບັດ ລາ­ງວັນ​ນັກ­ກີ­ລາ​ສູ້​ຊົນ​ດີ­ເດັ່ນ 1 ທ່ານ ພັນ­ທະ ອຸ­ທິດ ຈາກ​ສະ​ໂມ​ສອນ​ກ໊ອຟ​ມິດ­ຕະ­ພາບ ລາ­ງວັນ​ນັກ­ກີ­ລາ​ສູ້​ຊົນ​ດີ­ເດັ່ນ 2 ທ້າວ ແສງ​ເພັດ ເມືອງ​ວົງ.

ຂ່າວທີ່ກ່ຽວຂ້ອງ