ສ ອາເມຣິກາ ໃຫ້ທຶນ 700 ລ້ານກວ່າກີບ ບູລະນະວັດວິຊຸນນະຣາດ

374 23 ຕ.ລ. 2018 ຂ່າວໜ້າ​ໜຶ່ງ
ສ ອາເມຣິກາ ໃຫ້ທຶນ 700 ລ້ານກວ່າກີບ ບູລະນະວັດວິຊຸນນະຣາດ

    ພະ­ທາດ​ໝາກ­ໂມ ໃນ​ບໍ­ລິ­ເວນ​ວັດ​ວິ​ຊຸນ​ນະ​ຣາດ ນະ­ຄອນ­ຫຼວງ​ພະ​ບາງ ໄດ້​ສ້າງ­ຕັ້ງ​ຂຶ້ນ​ປີ 1914-1915 ໂດຍ​ເຊື້ອ​ກະ­ສັດ​ທີ່​ປົກ­ຄອງ​ອາ­ນາ­ຈັກ​ລາວ​ລ້ານ​ຊ້າງ ປັດ­ຈຸ­ບັນ​ມີ​ຄວາມ​ຊຸດ­ໂຊມ ແຕ່​ອົງ­ການ​ປົກ­ຄອງ​ແຕ່​ລະ​ຂັ້ນ​ໄດ້​ສຸມ​ໃສ່​ບູ­ລະ­ນະ​ຕາມ​ຄວາມ​ສາ­ມາດ ໃນ​ນີ້ ສາ­ມາດ​ສ້ອມ­ແປງ​ພຽງ​ບາງ​ສ່ວນ​ເທົ່າ​ນັ້ນ ເພື່ອ​ແນ­ໃສ່​ເສີມ​ຂະ­ຫຍາຍ​ສະ­ຖານ­ທີ່​ບູ­ຮານ​ເກົ່າ​ແກ່​ໃຫ້​ຍືນ​ຍົງ ແລະ ເປັນ​ສະ­ຖານ­ທີ່​ທ່ອງ​ທ່ຽວ​ດ້ານ​ວັດ­ທະ­ນະ­ທຳ ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ແຂວງ​ຫຼວງ​ພະ​ບາງ ໄດ້​ຮັບ​ທຶນ​ຈາກ​ສະ­ຖານ­ທູດ ສ ອາ​ເມ​ຣິ​ກາ ປະ­ຈຳ ສປປ ລາວ ພາຍ​ໃຕ້​ກອງ​ທຶນ​ຂອງ​ທ່ານ​ເອກ​ອັກ​ຄະ​ລັດ​ຖະ​ທູດ ເພື່ອ​ການ​ອະ­ນຸ​ຮັກ​ວັດ­ທະ­ນະ­ທຳ ໄລ­ຍະ III ເຂົ້າ​ໃນ​ການ​ບູ­ລະ­ນະ​ພະ­ທາດ​ດັ່ງ­ກ່າວ ມູນ​ຄ່າ 90.150 ໂດ​ລາ​ສະ­ຫະ­ລັດ ຫຼື ປະ­ມານ 769,16 ລ້ານ​ກີບ ໂດຍ​ມອບ​ໃຫ້​ບໍ­ລິ­ສັດ​ສຸ­ວັນ­ນະ​ລິດ ກໍ່­ສ້າງ​ເຄ­ຫາ​ສະ­ຖານ ເປັນ​ຜູ້​ຮັບ​ເໝົາ​ບູ­ລະ­ນະ.

    ພິ­ທີ​ລົງ​ນາມ​ສັນ­ຍາ​ໃຫ້​ທຶນ​ບູ­ລະ­ນະ​ພະ­ທາດ​ໝາກ­ໂມ ໄລ­ຍະ III ຈັດ​ຂຶ້ນ​ວັນ​ທີ 20 ຕຸ­ລາ 2018 ຢູ່​ວັດ​ວິ​ຊຸນ​ນະ​ຣາດ ລະ­ຫວ່າງ​ທ່ານ ສຸ​ກັນ ບຸນ​ຍົງ ເຈົ້າ​ນະ­ຄອນ­ຫຼວງ​ພະ​ບາງ ແລະ ທ່ານ​ນາງ ຣີ​ນາ ບິດ​ເຕີ ເອກ​ອັກ​ຄະ​ລັດ​ຖະ​ທູດ ສ ອາ​ເມ​ຣິ​ກາ ປະ­ຈຳ ສປປ ລາວ ມີ​ພະ​ເຖ­ລາ­ນຸ­ເຖລະ ແລະ ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ