ຂ່າວຫຼ້າສຸດ

ປກສ ຊະນະ ອີໂວ ຄອງແຊັມບານເຕະ ສາຍ ກ ປະຈຳປີ 2018

282 24 ຕ.ລ. 2018 ວົງຈອນກີລາ
ປກສ ຊະນະ ອີໂວ ຄອງແຊັມບານເຕະ ສາຍ ກ ປະຈຳປີ 2018

    ການ​ແຂ່ງ­ຂັນ​ບານ­ເຕະ ສາຍ ກ 2018 ນັດ​ຊີງ​ຊະ­ນະ​ເລີດ ຈັດ​ຂຶ້ນ​ວັນ​ທີ 20 ຕຸ­ລາ 2018 ຢູ່​ສະ­ໜາມ​ກີ­ລາ​ຫຍ້າ​ທຽມ ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ ເຊິ່ງ​ເປັນ​ການ​ພົບ​ກັນ​ລະ­ຫວ່າງ ປກສ ເອັຟ​ຊີ ພົບ ອີ​ໂວ ຢູ​ໄນ​ເຕັດ (ທີມ​ນ້ອງ​ໃໝ່) ເຄິ່ງ​ເວ­ລາ​ທິດ​ເປັນ​ອີ​ໂວ ຢູ​ໄນ​ເຕັດ ໄດ້​ປະ­ຕູ​ຂຶ້ນ​ນຳ​ກ່ອນ​ຈາກ ແກ້ວ ພິມ​ມະ​ສອນ ຫຼັງ​ຈາກ​ເສຍ​ປະ­ຕູ ປກສ ກໍ່​ເປີດ​ເກມ​ບຸກ​ໃສ່​ເພື່ອ​ຫວັງ​ຕີ​ສະ­ເໝີ ແຕ່​ບໍ່​ສາ­ມາດ​ຍິງ​ໄດ້ ຈົບ​ເຄິ່ງ​ເວ­ລາ​ທຳ​ອິດ ອີ​ໂວ ຢູ​ໄນ​ເຕັດ ນຳ ປກສ 1-0.

    ເຂົ້າ​ສູ່​ເຄິ່ງ​ເວ­ລາ​ທີ 2 ໂອ​ເລ້ ບູ​ສະ­ອາດ ຄູ​ເຝິກ ປກສ ມີ​ການ​ປັບ​ປ່ຽນ​ການ​ຫຼິ້ນ ແລະ ມາ​ໄດ້​ປະ­ຕູ​ຕີ​ສະ­ເໝີ​ຈາກ​ລູກ​ຍິງ​ໄກ​ຂອງ ບົວ­ລະ­ພາ ຈະ­ເລີນ​ສຸກ ສ່ວນ​ເວ­ລາ​ທີ່​ເຫຼືອ​ບໍ່​ມີ​ທີມ​ໃດ​ສາ­ມາດ​ຍິງ​ປະ­ຕູ​ເພີ່ມ​ໄດ້​ຈົບ 90 ສະ­ເໝີ 1-1 ຕ້ອງ​ໄດ້​ຕັດ­ສິນ​ດ້ວຍ​ການ​ຍິງ​ຈຸດ​ໂທດ ເຊິ່ງ​ເປັນ ປກສ ຍິງ​ຈຸດ​ໂທດ​ໄດ້​ແມ້ນ​ກວ່າ​ເອົາ​ຊະ­ນະ ອີ​ໂວ ຢູ​ໄນ​ເຕັດ 5-4 ປະ­ຕູ ຄວ້າ​ແຊັມ​ການ​ແຂ່ງ­ຂັນ​ບານ­ເຕະ ສາຍ ກ ປະ­ຈຳ​ປີ 2018 ໄປ​ຄອງ.

    ສະ­ຫຼຸບ​ອັນ​ດັບ​ການ​ແຂ່ງ­ຂັນ​ບານ­ເຕະ ສາຍ ກ ປະ­ຈຳ​ປີ 2018 ອັນ​ດັບ 1 ປກສ ເອັຟ​ຊີ ໄດ້​ຮັບ​ຂັນ​ຊະ­ນະ​ເລີດ+ຫຼຽນ+ເງິນ 30 ລ້ານ​ກີບ ອັນ​ດັບ 2 ອີ​ໂວ ຢູ​ໄນ​ເຕັດ ໄດ້​ຮັບ​ຫຼຽນ+ເງິນ 20 ລ້ານ​ກີບ ອັນ​ດັບ 3 ວຽງ​ຈັນ ຢູ​ໄນ​ເຕັດ ໄດ້​ຮັບ​ຫຼຽນ+ເງິນ 7 ລ້ານ​ກີບ ສຳ­ລັບ​ດາວ​ຍິງ​ສູງ​ສຸດ​ແມ່ນ ຕີ ສີ​ຫາ​ລາດ ຈາກ​ສະ­ໂມ­ສອນ​ກອງ­ທັບ ຍິງ​ໄດ້ 10 ປະ­ຕູ ສ່ວນ​ທີມ​ມາ­ລະ­ຍາດ​ດີ­ເດັ່ນ ແມ່ນ​ສະ­ໂມ­ສອນ​ວຽງ​ຈັນ ຢູ​ໄນ​ເຕັດ.

ຂ່າວທີ່ກ່ຽວຂ້ອງ