ຍົກນ້ຳໜັກຄົນພິການລາວ ສືບຕໍ່ເຝິກຊ້ອມກຽມພາຣາແລມປິກເກມ 2020

236 26 ຕ.ລ. 2018 ວົງຈອນກີລາ
ຍົກນ້ຳໜັກຄົນພິການລາວ ສືບຕໍ່ເຝິກຊ້ອມກຽມພາຣາແລມປິກເກມ 2020

    ທ່ານ ສຸກ​ທະ­ວີ​ສອນ ຄູນ​ສີ​ປະ­ເສີດ ຫົວ­ໜ້າ​ຄູ​ເຝິກ​ສອນ​ກີ­ລາ​ຍົກ​ນ້ຳ­ໜັກ​ຄົນ​ພິ­ການ​ທີມ​ຊາດ​ລາວ ໃຫ້​ສຳ­ພາດ​ວັນ​ທີ 24 ຕຸ­ລາ 2018 ວ່າ: ພາຍ­ຫຼັງ​ປະ­ສົບ​ຜົນ­ສຳ­ເລັດ ໃນ​ການ​ຄວ້າ​ຫຼຽນ​ຄຳ​ໃນ​ງານ​ມະ​ຫະ​ກຳ​ກີ­ລາ​ເອ​ຊຽນ​ພາ​ຣາ​ເກມ 2018 ຢູ່​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ຂອງ​ທ້າວ ເປ້ຍ ເຫຼົາ​ພັກ­ດີ ນັກ­ກີ­ລາ​ຍົກ​ໜ້ຳ​ໜັກ​ຄົນ​ພິ­ການ​ທີມ​ຊາດ​ລາວ ຮຸ່ນ​ນ້ຳ­ໜັກ 49 ກິ​ໂລ ກໍ່​ເຮັດ​ໃຫ້​ນັກ­ກີ­ລາ​ຄົນ​ພິ­ການ​ລາວ​ມີ​ຄວາມ​ຕັ້ງ­ໃຈ ແລະ ຫ້າວ­ຫັນ​ຂຶ້ນ​ທີ່​ຈະ​ສ້າງ​ຜົນ­ງານ​ຕໍ່​ໄປ ປັດ­ຈຸ­ບັນ​ພວກ​ເຮົາ​ມີ​ນັກ­ກີ­ລາ​ຍົກ​ນ້ຳ­ໜັກ​ຄົນ​ພິ­ການ 5 ຄົນ ຍິງ 3 ຄົນ ມາ​ຮ່ວມ​ເຝິກ­ຊ້ອມ​ເປັນ​ປະ­ຈຳ​ທຸກ​ວັນ​ຈັນ ພຸດ ແລະ ສຸກ ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ອົງ­ການ​ເອ​ດີ​ດີ​ພີ ປະ­ເທດ​ຍີ່­ປຸ່ນ.

    ສຳ­ລັບ​ການ​ເຝິກ­ຊ້ອມ​ໄດ້​ເລີ່ມ​ແຕ່ 2 ອາ­ທິດ​ຜ່ານ​ມາ ເປົ້າ​ໝາຍ​ຂອງ​ກີ­ລາ​ຍົກ​ນ້ຳ­ໜັກ​ລາວ ແມ່ນ​ພັດ­ທະ­ນາ​ຕໍ່​ໄປ ເພື່ອ​ສ້າງ​ຊື່​ສຽງ​ໃຫ້​ກັບ​ປະ­ເທດ​ຊາດ ທຸກ​ຄົນ​ມີ​ຄວາມ​ຫວັງ​ສູງ​ທີ່​ຈະ​ສືບ­ຕໍ່​ສ້າງ​ຜົນ­ງານ​ໃຫ້​ໂດດ​ເດັ່ນ​ກ້າວ​ໄປ​ອີກ​ຂັ້ນ ໂດຍ​ສະ­ເພາະ ປີ 2019 ພວກ​ເຮົາ​ຕ້ອງ​ພະ­ຍາ­ຍາມ​ສ້າງ​ສະ­ຖິ­ຕິ ແລະ ເກັບ​ຄະ­ແນນ​ໃຫ້​ໄດ້​ໃນ​ງານ​ແຂ່ງ­ຂັນ​ຍົກ​ນ້ຳ­ໜັກ​ຄົນ​ພິ­ການ​ຊີງ​ແຊັມ​ໂລກ ໃນ​ເດືອນ​ກຸມ­ພາ 2019 ຢູ່​ດູ​ໄບ ປະ­ເທດ​ສະ­ຫະ­ລັດ​ອາ​ຣັບ​ເອ​ມິ​ເຣດ ແລະ ງານ​ແຂ່ງ­ຂັນ​ຍົກ​ນ້ຳ­ໜັກ​ຄົນ​ພິ­ການ​ຊີງ​ແຊັມ​ໂລກ 2019 ໃນ​ເດືອນ​ກໍ­ລະ­ກົດ 2019 ຢູ່​ປະ­ເທດ​ກາ​ຊັດ​ສະ­ຖານ ເພື່ອ​ເປັນ​ການ​ສະ​ສົມ​ຄະ­ແນນ​ໃຫ້​ໄດ້​ໄປ​ເຂົ້າ​ຮ່ວມ​ແຂ່ງ­ຂັນ ໃນ​ງານ​ມະ​ຫະ​ກຳ​ກີ­ລາ​ພາ​ຣາ​ແລມ​ປິກ​ເກມ 2020 ຢູ່​ໂຕ​ກຽວ ປະ­ເທດ​ຍີ່­ປຸ່ນ.

ຂ່າວທີ່ກ່ຽວຂ້ອງ