ສຳເລັດແຂ່ງຂັນຍິງປືນໄອພີເອັດຊີ ລະດັບສາກົນຊີງຂັນນາຍົກ

287 30 ຕ.ລ. 2018 ວົງຈອນກີລາ
ສຳເລັດແຂ່ງຂັນຍິງປືນໄອພີເອັດຊີ ລະດັບສາກົນຊີງຂັນນາຍົກ

    ພິ­ທີ​ປິດ​ການ​ແຂ່ງ­ຂັນ​ກີ­ລາ​ຍິງ​ປືນ​ໄອ​ພີ​ເອັດ​ຊີ ລະ­ດັບ​ສາ­ກົນ​ເລ​ໂວ 3 ຊີງ​ຂັນ​ທ່ານ​ນາ­ຍົກ­ລັດ­ຖະ­ມົນ­ຕີ ຄັ້ງ​ທີ I ປະ­ຈຳ​ປີ 2018 ໄດ້​ຈັດ​ຂຶ້ນ​ວັນ​ທີ 28 ຕຸ­ລາ 2018 ທີ່​ສະ­ໜາມ​ກີ­ລາ​ຍິງ​ປືນ 5 ເມ­ສາ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ໃຫ້​ກຽດ​ເຂົ້າ​ຮ່ວມ ແລະ ມອບ​ລາ­ງວັນ​ໂດຍ​ທ່ານ ສອນ​ໄຊ ສີ​ພັນ​ດອນ ຮອງ​ນາ­ຍົກ­ລັດ­ຖະ­ມົນ­ຕີ ທ່ານ ພົນ​ຕີ ສົມ​ແກ້ວ ສີ​ລາ​ວົງ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ແລະ ທ່ານ​ນາງ ແສງ​ເດືອນ ຫຼ້າ​ຈັນ­ທະ​ບູນ ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ທັງ​ເປັນ​ປະ­ທານ​ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ ມີ​ຮອງ​ລັດ­ຖະ­ມົນ­ຕີ ຜູ້​ຊ່ວຍ​ລັດ­ຖະ­ມົນ­ຕີ ບັນ­ດາ​ຫົວ­ໜ້າ​ຫ້ອງ­ການ ຫົວ­ໜ້າ ຮອງ​ຫົວ­ໜ້າ​ກົມ ພ້ອມ​ດ້ວຍ​ຄະ­ນະ​ນຳ ຄູ​ເຝິກ ແລະ ນັກ­ກີ­ລາ 100 ກວ່າ​ຄົນ​ທີ່​ມາ​ຈາກ 6 ປະ­ເທດ.

    ໂອ­ກາດ​ນີ້ ທ່ານ ພົນ​ຕີ ສິນ​ທະ​ວົງ ໄຊ​ຍະ​ກອນ ຮອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ທັງ​ເປັນ​ປະ­ທານ​ສະ­ຫະ­ພັນ​ກີ­ລາ​ຍິງ​ປືນ​ແຫ່ງ​ຊາດ ກ່າວ​ວ່າ: ການ​ແຂ່ງ­ຂັນ​ຍິງ​ປືນ​ຄັ້ງ​ນີ້ ຈັດ​ຂຶ້ນ​ວັນ​ທີ 26-28 ຕຸ­ລາ 2018 ມີ​ທັງ​ໝົດ 6 ລາຍ­ການ​ຄື: ປືນ​ສະ​ແຕນ​ດາດ ປືນ​ໂປ​ດັກ​ຊັນ ປືນ​ໂປ​ດັກ​ຊັນ​ອັອບ​ຕິກ ປືນ​ໂອ​ເພັນ ປືນ​ຣີ​ໂວ​ເວີ ແລະ ປືນ​ຄລາ​ສ​ສິກ ແຂ່ງ­ຂັນ 15 ສະ­ໜາມ ໂດຍ​ມີ​ນັກ­ກີ­ລາ 128 ຄົນ​ທີ່​ມາ​ຈາກ 6 ປະ­ເທດ​ຄື: ລາວ​ເຈົ້າ­ພາບ ກຳ­ປູ­ເຈຍ ໄທ ຈີນ ເຂດ​ປົກ­ຄອງ​ພິ­ເສດ​ຮົງ​ກົງ ແລະ ໂປ​ໂລຍ ໃນ​ນີ້​ສະ­ເພາະ​ລາວ​ເຮົາ​ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ​ທັງ​ໝົດ 37 ຄົນ ຍິງ 1 ຄົນ ລົງ​ແຂ່ງ­ຂັນ​ໃນ 4 ລາຍ­ການ ຄື: ປະ­ເພດ​ປືນ​ສະ​ແຕນ​ດາດ ປືນ​ໂອ​ເພັນ ປືນ​ໂປຣ​ດັກ​ຊັນ ແລະ ປະ­ເພດ​ປືນ​ໂປຣ​ດັກ​ຊັນ​ອັອບ​ຕິກ ນອກ​ນັ້ນ​ຍັງ​ມີ​ການ​ຈັດ​ແຂ່ງ­ຂັນ​ຍິງ​ປືນ​ສະ­ເພາະ​ນັກ­ກີ­ລາ​ພາຍ​ໃນ​ເຮົາ​ຕື່ມ​ອີກ ເພື່ອ​ເປັນ​ການ​ພັດ­ທະ­ນາ​ວົງ​ການ​ກີ­ລາ​ຍິງ​ປືນ​ລາວ ໃຫ້​ກ້າວ​ສູ່​ລະ­ດັບ​ສາ­ກົນ.

    ຜ່ານ​ການ​ແຂ່ງ­ຂັນ​ຍິງ​ປືນ​ໄອ​ພີ​ເອັດ​ຊີ ລະ­ດັບ​ສາ­ກົນ​ເລ​ໂວ 3 ປະ­ເພດ​ປືນ​ໂອ​ເພັນ ທີ 1 ນັນ­ທະ​ວັດ ນິ­ໄສ​ຊື່ ຈາກ​ໄທ ທີ 2 ວໍ​ລິ​ພົນ ກຸນ​ໄຊ​ຣັດ​ຕະ​ນະ ຈາກ​ໄທ ແລະ ທີ 3 ໄທ​ທິ​ນັນ ສຸ​ຣີ​ຍະ​ມະ­ນີ ຈາກ​ໄທ ປືນ​ໂອ​ເພັນ ຊີ​ເນຍ ອາ­ຍຸ 50 ປີ ທີ 1 ວໍ​ລິ​ພົນ ກຸນ​ໄຊ​ຣັດ​ຕະ​ນະ ຈາກ​ໄທ ທີ 2 ເຕ​ໄລ​ແມນ ຈາກ​ຮົງ​ກົງ ແລະ ທີ 3 ຈະ­ຕຸ​ພົນ ປຣະ​ໄຊ​ຍະ​ພອນ ປືນ​ໂອ​ເພັນ ຊີ​ເນຍ ອາ­ຍຸ 60 ປີ ທີ 1 ອັງ​ກຸນ​ວັດ ນິ​ຈິນ­ຕາ ຈາກ​ໄທ ທີ 2 ນິ­ກອນ ຈັນ­ທະ​ລົດ​ຕະ​ນະ​ໂຊກ ຈາກ​ໄທ ແລະ ທີ 3 ວໍ​ຣະ​ວິດ ຊະ­ວະ​ນະ​ນົນ ຈາກ​ໄທ ປະ­ເພດ​ປືນ​ສະ​ແຕນ​ດາດ ທີ 1 ທະ​ນາ​ກອນ ບໍ­ລິ­ສຸດ ຈາກ​ໄທ ທີ 2 ຕຳ​ວົງ​ສັກ ວົງ​ຣັກ​ສັກ ຈາກ​ໄທ ແລະ ທີ 3 ນະ​ຣົງ​ສັກ ແກ້ວ​ເມືອງ​ເພັດ ຈາກ​ໄທ ປືນ​ສະ​ແຕນ​ດາດ ຮຸ່ນ​ເຍົາ­ວະ​ຊົນ ທີ 1 ທ້າວ ຕົ້ນ​ຄຳ ເມືອງ​ມະ­ນີ ຈາກ​ລາວ ປະ­ເພດ​ປືນ​ໂປຣ​ດັກ​ຊັນ​ຊາຍ ທີ 1 ຫັດ​ຊະ­ນະ ວິ­ຈິດ​ປະ­ຕິ­ມາ ຈາກ​ໄທ ທີ 2 ເອກ ວັງ​ມີ ຈາກ​ໄທ ແລະ ທີ 3 ຫົງ​ພະ­ຈັນ ດາ​ຣາ​ວົງ ຈາກ​ລາວ​ປືນ​ໂປຣ​ດັກ​ຊັນ​ຍິງ ທີ 1 ກູ ຊີ ຢາງ ຈາກ​ຈີນ ທີ 2 ພິມ​ພິ​ກາ ອົບ​ສຸ­ວັນ ຈາກ​ໄທ ແລະ ທີ 3 ມະ­ນີ​ບົດ ວົງ​ໄຊ ຈາກ​ລາວ ປືນ​ໂປຣ​ດັກ​ຊັນ ຮຸ່ນ​ເຍົາ­ວະ​ຊົນ ທີ 1 ທ້າວ ສິ​ຣິ​ໂຊກ ທິ​ຣັດ​ຕະ​ນະ​ພັນ ຈາກ​ໄທ.

    ສ່ວນ​ປະ­ເພດ​ປືນ​ຣີ​ໂວນ​ໂວ ທີ 1 ນໍ​ຣະ​ຊາດ ຊາດ​ຣັດ​ຕະ​ນະ​ພົງ ຈາກ​ໄທ ທີ 2 ນັດ​ຕະ​ພົນ ໂກ­ມົນ​ພິດ ຈາກ​ໄທ ແລະ ທີ 3 ນະ​ຊາ​ນົກ ບັນ​ພະ​ວິ​ຣະ​ຊົນ ຈາກ​ໄທ ປະ­ເພດ​ປືນ​ຄລາ​ສ​ສິກ ທີ 1 ສິ​ຣິ ພູ​ທອງ ຈາກ​ໄທ ປະ­ເພດ​ປືນ​ໂປຣ​ດັກ​ຊັນ ອັອບ​ຕິກ ຊີ​ເນຍ ທີ 1 ສຸ​ນັນ ວັດ­ທະ­ນະ​ບູນ ຈາກ​ລາວ ທີ 2 ສົມ​ສັກ ອັງ­ສະ​ກຸນ​ໄຊ ຈາກ​ໄທ ແລະ ທີ 3 ວິ­ວັດ ພົງ​ສິນ​ນັນ ປະ­ເພດ​ປືນ ໂປຣ​ດັກ​ຊັນ ອັອບ​ຕິກ ທີ 1 ສຸ​ນັນ ວັດ­ທະ­ນະ​ບູນ ຈາກ​ລາວ ອາ​ໂນ​ໄທ ເມືອງ​ມະ­ນີ ຈາກ​ລາວ ແລະ ວັງ​ຢີ​ທຽນ ຈາກ​ຈີນ ຂະ­ນະ​ທີ່​ປະ­ເພດ​ຊຸດ​ອັອບ ລາຍ­ການ​ໂອ​ເພັນ ທີ 1 ນັດ​ທະ​ວຸດ ນິ­ໄສ​ຊື່ ຈາກ​ໄທ ປືນ​ສະ​ແຕນ​ດາດ ທີ 1 ນາ​ຣົງ​ສັກ ແກ້ວ​ເມືອງ​ເພັດ ຈາກ​ໄທ ປືນ​ໂປຣ​ດັກ​ຊັນ ທີ 1 ຫັດ​ຊະ­ນະ ວິ­ຈິດ​ປະ­ຕິ­ມາ ຈາກ​ໄທ ປືນ​ໂປຣ​ດັກ​ຊັນ ອັອບ​ຕິກ ຊະ­ນະ​ເລີດ ສຸ​ນັນ ວັດ­ທະ­ນາ​ບູນ ຈາກ​ລາວ ປືນ​ຄລາ​ສ​ສິກ​ທີ 1 ສິ​ຣິ ພູ​ທອງ ຈາກ​ໄທ ປືນ​ຣີ​ໂວນ​ເວີ ທີ 1 ນະ​ຊາ​ນົກ ບັນ​ພະ​ວິ​ຣະ​ຊົນ ຈາກ​ໄທ.

    ສຳ­ລັບ​ຜົນ​ການ​ແຂ່ງ­ຂັນ​ຍິງ​ປືນ​ໄອ​ພີ​ເອັດ​ຊີ ພາຍ​ໃນ ປະ­ເພດ​ປືນ​ໂອ​ເພັນ ທີ 1 ພູ­ທອນ ກໍ​ລະ​ສັກ ທີ 2 ແສງ​ປະ­ເສີດ ພັນ​ນາ​ສີ ແລະ ທີ 3 ພັນ­ທະ​ຈິດ ອິນ​ທິ​ລາດ ປືນ​ສະ​ແຕນ​ດາດ ທີ 1 ຕົ້ນ​ຄຳ ເມືອງ​ມະ­ນີ ທີ 2 ພະ​ນະ­ລິນ ສຸ­ວັນ­ນະ​ວົງ ແລະ ທີ 3 ອະ­ລຸນ​ຊະ­ນະ ພິມ​ພິ­ສານ ປືນ​ໂປຣ​ດັກ​ຊັນ ທີ 1 ຫົງ​ພະ­ຈັນ ດາ­ລາ​ວົງ ທີ 2 ສົມ​ຈັນ ໄຊ​ສົມ​ມີ ແລະ ທີ 3 ເພັດ​ນະ­ຄອນ ພະ​ມີ​ສິດ ປືນ​ໂປຣ​ດັກ​ຊັນ ອັອບ​ຕິກ ທີ 1 ສຸ​ນັນ ວັດ­ທະ­ນະ​ບູນ ທີ 2 ອາ​ໂນ​ໄທ ເມືອງ​ມະ­ນີ ແລະ ທີ 3 ສິງ​ຄຳ ສີ​ປະ­ເສີດ.

ຂ່າວທີ່ກ່ຽວຂ້ອງ