ອິນ​ໂດ​ເນ​ເຊຍ​ຕ້ອງການ​ເງິນ​ປະມານ 657 ລ້ານ​ໂດ​ລາ ໃຫ້​ແກ່​ໂຄງການ​ບູລະນະ​ສ້າງສາ

782 30 ຕ.ລ. 2018 ຂ່າວຕ່າງປະເທດ
ອິນ​ໂດ​ເນ​ເຊຍ​ຕ້ອງການ​ເງິນ​ປະມານ 657 ລ້ານ​ໂດ​ລາ ໃຫ້​ແກ່​ໂຄງການ​ບູລະນະ​ສ້າງສາ

    ທ່ານ ຊູ​ໂຕ​ໂປ ພູ​ໂວ ນູ​ໂກຣ​ໂຮ ໂຄສົກ​ຂອງ​ອົງການ​ຄຸ້ມ​ຄອງ​ໄພ​ທຳ​ມະ​ຊາດ ແຫ່ງ​ຊາດ ອິນ​ໂດ​ເນ​ເຊຍ ກ່າວ​ເມື່ອ​ວັນ​ທີ 28 ຕຸລາ​ນີ້ ໂດຍ​ໄດ້​ແຈ້ງ​ໃຫ້​ຮູ້​ວ່າ ແຜນການ​ບູລະນະ​ສ້າງສາ​ຄືນໃໝ່ ແລະ​ການ​ກັບ​ມາ​ຕັ້ງ​ຖິ່ນ​ຖານ ຫຼັງ​ເກີດ​ໄພພິບັດ​ແຜ່ນດິນ​ໄຫວ ແລະ​ ສຶ​ນາ​ມິ ຢູ່​ໃນ​ແຂວງ​ສຸລາ​ເວ​ສີ​ກາງ ນັ້ນ​ຈະ​ໄດ້​ເລີ່ມ​ຂຶ້ນ​ໃນ​ເດືອນ​ພະຈິກ​ໜ້າ​ນີ້. ຄາດ​ວ່າ ໂຄງການ​ດັ່ງກ່າວ​ຈະ​ແກ່ຍາວ​ເປັນ​ເວລາ 4 ປີ ແລະ ຕ້ອງການ​ເງິນ​ໃຊ້​ຈ່າຍ​ກວ່າ 10.000 ຕື້​ຣູ​ເປຍ (ເທົ່າ​ກັບ​ປະມານ 657 ລ້ານ​ໂດ​ລາ​ສະຫະລັດ).

    ໃນ​ວັນ​ດຽວ​ກັນ ທາງ​ການ​ອິນ​ໂດ​ເນ​ເຊຍ ໄດ້​ໄດ້​ອັບ​ເດດ​ຂໍ້​ມູນ​ກ່ຽວ​ກັບ​ຜູ້​ບາດເຈັບ ແລະ ​ເສຍ​ຊີວິດ ຕະຫຼອດ​ຮອດ​ຄວາມ​ເສຍ​ຫາຍ ທີ່​ເກີດ​ຈາກ​ເຫດການ​ແຜ່ນດິນ​ໄຫວ ແລະ ​ສຶ​ນາ​ມິ ທີ່​ເກີດ​ຂຶ້ນ​ຢູ່​ໃນ​ແຂວງ​ສຸລາ​ເວ​ສີ​ກາງ ຊຶ່ງ​ເກີດ​ຂຶ້ນ​ເມື່ອ​ວັນ​ທີ 28 ກັນຍາ​ທີ່​ຜ່ານ​ມາ. ຕາ​ນັ້ນ ແລ້ວ​ກໍ​ແມ່ນ​ມີ​ຜູ້​ເສຍ​ຊີວິດ 2.086 ຄົນ ບາດເຈັບ 4.438 ຄົນ ແລະ ຄວາມ​ເສຍ​ຫາຍ​ເປັນ​ມູນ​ຄ່າ  18.480 ຕື້​ຣູ​ເປຍ (ເທົ່າ​ກັບ​ປະມານ 1.220 ຕື້​ໂດ​ລາ​ສະຫະລັດ).

 

ຂ່າວທີ່ກ່ຽວຂ້ອງ