ຂ່າວຫຼ້າສຸດ

ຣັກບີ້ຍິງທີມຊາດລາວ ຢູ-18 ເຂົ້າຮ່ວມຊີງແຊັມອາຊີ ທີ່ອິນເດຍ

368 31 ຕ.ລ. 2018 ວົງຈອນກີລາ
ຣັກບີ້ຍິງທີມຊາດລາວ ຢູ-18 ເຂົ້າຮ່ວມຊີງແຊັມອາຊີ ທີ່ອິນເດຍ

    ທັບ​ນັກ­ກີ­ລາ​ຣັກ​ບີ້​ຍິງ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 18 ປີ ຍາດ​ໄດ້​ອັນ​ດັບ 9 ໃນ​ການ​ແຂ່ງ­ຂັນ ຣັກ​ບີ້​ຍິງ 7 ຄົນ ຢູ-18 ຊີງ​ແຊັມ​ອາ­ຊີ 2018 ທີ່​ປະ­ເທດ​ອິນ​ເດຍ ໃນ​ລະ­ຫວ່າງ​ວັນ​ທີ 26-28 ຕຸ­ລາ ນີ້ ເຊິ່ງ​ການ​ແຂ່ງ­ຂັນ​ຄັ້ງ​ນີ້ ມີ 12 ທີມ​ເຂົ້າ​ຮ່ວມ​ແບ່ງ​ເປັນ 3 ກຸ່ມ ກຸ່ມ​ລະ 4 ທີມ ກຸ່ມ A ມີ: ສປ ຈີນ ສປປ ລາວ ຟີ​ລິບ​ປິນ ແລະ ກາ​ຕ້າ ກຸ່ມ B: ອິນ​ເດຍ ເຈົ້າ­ພາບ ສີ​ລັງ­ກາ ສະ­ຫະ­ລັດ​ອາ​ຣັບ​ເອ​ມີ​ເຣ​ສ ແລະ ບັງ​ກະ­ລາ​ເດດ ກຸ່ມ C: ໄທ ຮົງ​ກົງ ເນ​ປານ ແລະ ໄຕ້​ຫວັນ.

    ສຳ­ລັບ​ຮູບ​ແບບ​ແຂ່ງ­ຂັນ​ພົບ​ກັນ​ໝົດ​ໃນ​ກຸ່ມ ແລ້ວ​ຄັດ​ເອົາ​ທີ 1 ແລະ ທີ 2 ຂອງ​ກຸ່ມ ບວກ​ກັບ​ທີ 3 ດີ​ທີ່​ສຸດ 2 ຈາກ 3 ທີມ​ເຂົ້າ​ຮອບ 8 ທີມ​ສຸດ​ທ້າຍ ໂດຍ​ນັກ­ກີ­ລາ​ຣັກ​ບີ້​ຍິງ​ທີມ​ຊາດ​ລາວ​ເຮົາ ລົງ​ແຂ່ງ 3 ນັດ ໃນ​ຮອບ​ແບ່ງ​ກຸ່ມ​ຕ້ານ​ຄວາມ​ແຂງ​ແກ່ນ​ຂອງ​ທັງ 3 ທິມ​ບໍ່​ໄຫວ ເສຍ​ໃຫ້ ກາ​ຕ້າ 0-24 ເສຍ​ໃຫ້ ຟີ​ລີບ​ປິນ 0-7 ແລະ ເສຍ​ໃຫ້ ຈີນ 0-63 ຕ້ອງ​ມາ​ຊີງ​ອັນ​ດັບ 9 ກັບ ໄຕ້​ຫວັນ ແລະ ບັງ​ກະ­ລາ​ເດດ.

    ຜ່ານ​ການ​ແຂ່ງ­ຂັນ ທີມ​ຊາດ​ລາວ ຊະ­ນະ ບັງ​ກະ­ລາ​ເດັສ 51-0 ແລະ ມາ​ຊະ­ນະ ໄຕ້​ຫວັນ 32-0 ຍາດ​ໄດ້​ອັນ​ດັບ 9 ຈາກ 12 ທີມ​ເຂົ້າ​ຮ່ວມ ຂະ­ນະ​ທີ່​ແຊັມ​ເປັນ​ຂອງ ສປ ຈີນ ຮອບ​ຊີງ​ຊະ­ນະ ຮົງ​ກົງ 28-5 ທີ 3 ເປັນ​ຂອງ ໄທ ຊະ­ນະ ອິນ​ເດຍ ເຈົ້າ­ພາບ 25-5.

ຂ່າວທີ່ກ່ຽວຂ້ອງ