ປະກາດການຈັດຕັ້ງ ສະພາທະນາຍຄວາມນະຄອນຫຼວງ ແລະ ເມືອງ

540 05 ພ.ຈ. 2018 ຂ່າວໜ້າ​ໜຶ່ງ
ປະກາດການຈັດຕັ້ງ ສະພາທະນາຍຄວາມນະຄອນຫຼວງ ແລະ ເມືອງ

    ເພື່ອ​ເຮັດ​ໃຫ້​ສິດ​ໜ້າ­ທີ່ ແລະ ໂຄງ​ປະ­ກອບ​ການ­ຈັດ­ຕັ້ງ​ຫ້ອງ­ການ​ສະ­ພາ​ທະ­ນາຍ­ຄວາມ ປະ­ຈຳ​ນະ­ຄອນ­ຫຼວງ​ວຽງ​ຈັນ (ນວ) ໄດ້​ຈັດ​ຕັ້ງ​ປະ­ຕິ­ບັດ ແລະ ເຄື່ອນ​ໄຫວ​ວຽກ​ງານ​ຕາມ​ພາ­ລະ​ບົດ­ບາດ​ຂອງ​ຕົນ​ເອງ ທີ່​ໄດ້​ກຳ­ນົດ​ໄວ້​ໃນ​ກົດ​ລະ­ບຽບ​ພາຍ​ໃນ​ຂອງ​ສະ­ພາ​ທະ­ນາຍ­ຄວາມ​ຢ່າງ​ຖືກ­ຕ້ອງ.

    ພິ­ທີ​ປະ­ກາດ​ການ­ຈັດ­ຕັ້ງ​ຫ້ອງ­ການ​ສະ­ພາ​ທະ­ນາຍ­ຄວາມ (ສທຄ) ປະ­ຈຳ ນວ ແລະ ຫ້ອງ­ການ​ໜ່ວຍ​ສະ­ພາ​ທະ­ນາຍ­ຄວາມ ປະ­ຈຳ 9 ເມືອງ ຈັດ​ຂຶ້ນ​ວັນ​ທີ 1 ພະ­ຈິກ 2018 ທີ່​ຫໍ​ວັດ­ທະ­ນະ­ທຳ​ແຫ່ງ​ຊາດ ເປັນ​ປະ­ທານ​ຂອງ​ທ່ານ ຄຳ​ໃສ ສຸ­ລິນ­ທອນ ປະ­ທານ​ສະ­ພາ​ທະ­ນາຍ­ຄວາມ​ລາວ ມີ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ ນວ ທ່ານ ສີ​ສຸ­ພັນ ທອງ​ສາຍ​ທາ­ລາ ຮອງ​ຫົວ­ໜ້າ​ກົມ​ສົ່ງ­ເສີມ​ລະ­ບົບ​ຍຸ­ຕິ​ທຳ ກະ­ຊວງ​ຍຸ­ຕິ​ທຳ ພ້ອມ​ດ້ວຍ​ຄະ­ນະ​ປະ­ຈຳ ສທຄ ຫົວ­ໜ້າ​ຫ້ອງ­ການ ຫົວ­ໜ້າ​ໜ່ວຍ​ປະ­ຈຳ­ເມືອງ ແລະ ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

    ໃນ​ພິ­ທີ​ທ່ານ ວໍ​ລັດ­ສະ­ໝີ ສຸ​ລິ​ປະ­ພັນ ຮອງ​ປະ­ທານ​ສະ­ພາ​ທະ­ນາຍ­ຄວາມ​ລາວ ໄດ້​ຂຶ້ນ​ຜ່ານ​ຂໍ້​ຕົກ­ລົງ​ຂອງ​ປະ­ທານ​ສະ­ພາ​ທະ­ນາຍ­ຄວາມ ວ່າ​ດ້ວຍ​ການ​ແຕ່ງ­ຕັ້ງ​ຫົວ­ໜ້າ ຮອງ​ຫົວ­ໜ້າ​ຫ້ອງ­ການ​ສະ­ພາ​ທະ­ນາຍ­ຄວາມ ປະ­ຈຳ ນວ ປະ­ກອບ​ມີ: ທ່ານ ບຸນ​ຍູ້ ສີ​ສານ ເປັນ​ຫົວ­ໜ້າ ທ່ານ ສາຍ­ສະ­ໝອນ ສີ​ອຸ­ດົມ​ພັນ ແລະ ທ່ານ​ນາງ ວິ­ໄລ​ວັນ ວົງ​ໄຊ​ຍາ ເປັນ​ຮອງ ພ້ອມ​ທັງ​ຜ່ານ​ຂໍ້​ຕົກ­ລົງ​ປະ­ທານ​ຄະ­ນະ​ບໍ­ລິ­ຫານ​ງານ​ສະ­ພາ​ທະ­ນາຍ­ຄວາມ​ລາວ ວ່າ​ດ້ວຍ​ການ​ສ້າງ­ຕັ້ງ ແລະ ບັນ­ຈຸ​ສັບ​ຊ້ອນ​ສະ­ມາ­ຊິກ​ເຂົ້າ​ໜ່ວຍ​ສະ­ພາ​ທະ­ນາຍ­ຄວາມ ນວ ຄື: ໜ່ວຍ​ສະ­ພາ​ທະ­ນາຍ­ຄວາມ​ປະ­ຈຳ­ເມືອງ​ສັງ​ທອງ ມີ 10 ທ່ານ ນາ​ຊາຍ​ທອງ 8 ທ່ານ ສີ​ໂຄດ​ຕະ­ບອງ 21 ທ່ານ ຈັນ­ທະ​ບູ​ລີ 26 ທ່ານ ໄຊ​ທາ­ນີ 20 ທ່ານ ປາກ​ງື່ມ 8 ທ່ານ ສີ​ສັດ­ຕະ​ນາກ 23 ທ່ານ ໄຊ​ເຊດ​ຖາ 34 ທ່ານ ແລະ ເມືອງ​ຫາດ​ຊາຍ​ຟອງ 8 ທ່ານ.

ຂ່າວທີ່ກ່ຽວຂ້ອງ