ພົງສະຫວັນ ສົ່ງເສີມການທ່ອງທ່ຽວມອບຜົນປະໂຫຍດໃຫ້ລູກຄ້າ

181 07 ພ.ຈ. 2018 ຂ່າວໜ້າ​ໜຶ່ງ
ພົງສະຫວັນ ສົ່ງເສີມການທ່ອງທ່ຽວມອບຜົນປະໂຫຍດໃຫ້ລູກຄ້າ

    ພິ­ທີ​ລົງ​ນາມ​ບັນ­ທຶກ​ຂໍ້​ຕົກ­ລົງ​ວ່າ​ດ້ວຍ​ການ​ໃຫ້­ການ​ບໍ­ລິ­ການ ແລະ ສິດ­ທິ​ພິ­ເສດ ລະ­ຫວ່າງ​ອົງ­ການ​ສວນ­ສັດ​ໃນ​ພະ​ບໍ​ຣົມ​ຣາ​ຊາ​ຊູ​ປະ​ຖຳ ແຫ່ງ​ຣາ​ຊະ​ອາ­ນາ­ຈັກ​ໄທ ກັບ​ກຸ່ມ​ບໍ­ລິ­ສັດ ພົງ​ສະ­ຫວັນ ຈຳ­ກັດ ຈັດ​ຂຶ້ນ​ວັນ​ທີ 5 ພະ­ຈິກ 2018 ຢູ່​ໂຮງ­ແຮມ​ລາວ​ພລາ​ຊາ ໂດຍ​ການ​ລົງ​ນາມ​ຂອງ​ທ່ານ ເບັນ​ຈະ​ພົນ ນາກ​ປະ­ເສີດ ຜູ້­ອຳ­ນວຍ­ການ​ໃຫຍ່​ອົງ­ການ​ສວນ­ສັດ​ໃນ​ພະ​ບໍ​ຣົມ​ຣາ​ຊາ​ຊູ​ປະ​ຖຳ ແຫ່ງ​ຣາ​ຊະ​ອາ­ນາ­ຈັກ​ໄທ ແລະ ທ່ານ ສົມ­ບູນ ພົງ​ສະ­ຫວັນ ປະ­ທານ​ກຸ່ມ​ບໍ­ລິ­ສັດ ພົງ​ສະ­ຫວັນ ຈຳ­ກັດ ມີ​ທ່ານ ກຽດ​ຕິ​ຄຸນ ຊາດ​ປະ­ເສີດ ເອກ​ອັກ​ຄະ​ຣາ​ຊະ​ທູດ​ໄທ ປະ­ຈຳ​ລາວ ທ່ານ ອັອດ ພົງ​ສະ­ຫວັນ ກຳ­ມະ­ການ​ສູນ​ກາງ​ແນວ​ລາວ​ສ້າງ​ຊາດ ປະ­ທານ​ທີ່​ປຶກ­ສາ​ກິດ​ຕິ​ມະ​ສັກ​ກຸ່ມ​ບໍ­ລິ­ສັດ ພົງ​ສະ­ຫວັນ ຈຳ­ກັດ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ສວນ­ສັດ​ໃນ​ພະ​ບໍ​ຣົມ​ຣາ​ຊາ​ຊູ​ປະ​ຖຳ ແຫ່ງ​ຣາ​ຊະ​ອາ­ນາ­ຈັກ​ໄທ ແລະ ກຸ່ມ​ບໍ­ລິ­ສັດ ພົງ​ສະ­ຫວັນ ຈຳ­ກັດ ໄດ້​ຮ່ວມ​ເປັນ​ຮຸ້ນ​ສ່ວນ​ສຳ­ຄັນ ໃນ​ການ​ຮ່ວມ​ກັນ​ດຳ­ເນີນ​ງານ ວ່າ​ດ້ວຍ​ການ​ຄ້າ ການ​ລົງ­ທຶນ ແລະ ສົ່ງ­ເສີມ​ການ­ທ່ອງ­ທ່ຽວ ເພື່ອ​ມອບ​ສິດ­ຜົນ­ປະ­ໂຫຍດ​ສຳ­ລັບ​ສະ­ມາ­ຊິກ​ລູກ​ຄ້າ ແລະ ສະ­ມາ­ຊິກ​ຜູ້­ນຳ​ໃຊ້​ບັດ​ເອ​ທີ​ເອັມ ບັດ​ເດ​ບິດ ບັດ​ເຄຣ​ດິດ ຂອງ​ທະ­ນາ­ຄານ​ພົງ​ສະ­ຫວັນ ຈຳ­ກັດ ກັບ​ສວນ­ສັດ​ຂອນ​ແກ່ນ ແລະ ສວນ­ສັດ​ອຸ­ບົນ​ລາດ​ຊະ​ທາ­ນີ ເຊິ່ງ​ໄລ­ຍະ​ການ​ຮ່ວມ​ມື​ດັ່ງ­ກ່າວ ແມ່ນ​ເລີ່ມ​ແຕ່​ມື້​ລົງ​ລາຍ​ເຊັນ​ເປັນ­ຕົ້ນ​ໄປ ຈົນ​ເຖິງ​ວັນ​ທີ 4 ພະ­ຈິກ 2021.

    ກຸ່ມ​ບໍ­ລິ­ສັດ ພົງ​ສະ­ຫວັນ ມີ​ຈຸດ­ປະ­ສົງ​ໃຫ້​ປະ­ຊາ­ຊົນ​ລາວ​ໃນ​ກຸ່ມ​ບໍ­ລິ­ສັດ ພົງ​ສະ­ຫວັນ ຈຳ­ກັດ ທຸກ​ປະ­ເພດ​ສະ­ມາ­ຊິກ​ຜູ້​ທີ່​ນຳ​ໃຊ້​ບັດ​ເອ​ທີ​ເອັມ ບັດ​ເດ​ບິດ ບັດ​ເຄຣ​ດິດ ຂອງ​ທະ­ນາ­ຄານ​ພົງ​ສະ­ຫວັນ ໄດ້​ຮັບ​ສ່ວນ​ຫຼຸດ​ໃນ​ການ​ເຂົ້າ​ຊົມ​ສວນ­ສັດ​ຂອນ​ແກ່ນ ແລະ ສວນ­ສັດ​ອຸ­ບົນ ລາດ​ຊະ​ທາ­ນີ 30% ຕໍ່ 1 ທ່ານ ຕໍ່ 1 ບັດ ສ່ວນ​ຫຼຸດ​ຈາກ​ກິດ­ຈະ­ກຳ​ປະ­ເພດ​ໂຮງ­ແຮມ ຣີ​ສອດ ການ​ເຊົ່າ​ລົດ​ກ໊ອບ ບໍ­ລິ­ການ​ທ່ຽວ​ຊົມ​ສວນ­ສັດ​ຂອນ​ແກ່ນ ແລະ ສວນ­ສັດ​ອຸ­ບົນ​ລາດ​ຊະ​ທາ­ນີ ໃນ​ນີ້​ລູກ​ຄ້າ​ຂອງ​ກຸ່ມ​ບໍ­ລິ­ສັດ​ພົງ​ສະ­ຫວັນ ແລະ ທະ­ນາ­ຄານ​ພົງ​ສະ­ຫວັນ ຈະ​ຕ້ອງ​ສະ­ແດງ​ບັດ​ສະ­ມາ­ຊິກ​ໃນ​ກຸ່ມ​ທຸ­ລະ​ກິດ​ທຸກ​ປະ­ເພດ ພ້ອມ​ໜັງ­ສື­ຜ່ານ­ແດນ ບັດ­ປະ­ຈຳ­ຕົວ ທີ່​ບໍ­ລິ­ເວນ​ຈຸດ​ຈຳ­ໜ່າຍ​ບັດ​ຜ່ານ​ປະ­ຕູ ຈຸດ​ບໍ­ລິ­ການ​ອື່ນໆ​ພາຍ​ໃນ​ສວນ­ສັດ​ດັ່ງ­ກ່າວ.

ຂ່າວທີ່ກ່ຽວຂ້ອງ