ບາ

135 08 ພ.ຈ. 2018 ຫົວຂໍ້ຂ່າວອື່ນໆ

    ຄຳ​ນາມ ແປ​ວ່າ ຊື່​ເອີ້ນ​ນຳ​ໜ້າ​ຜູ້​ບ່າວ​ສະ­ໄໝ​ກ່ອນ ເຊັ່ນ: ບາ​ຈັນ ບາ​ຄຸ້ມ... ໃຊ້​ຢູ່​ໜ້າ​ຊື່​ເພດ​ຊາຍ​ໜຸ່ມ​ນ້ອຍ ດັ່ງ​ດຽວ​ກັບ​ທ້າວ. ນອກ­ຈາກ​ນີ້​ຍັງ​ພົບ​ເຫັນ​ໃຊ້​ໃນ​ວັນ­ນະ­ຄະ­ດີ​ເກົ່າ

- ເປັນ​ດັ່ງ​ທຸກ​ຄະ​ຕະ​ບ່າວ ທ້າວ ປາງ​ນັ້ນ​ສະ­ແມ່ງ​ຕາຍ (ສານ​ລຶ​ພະ​ສູນ)

- ບາ​ກໍ່​ນຳ​ທາງ​ເທົ້າ ເຖິງ​ເຮືອນ​ສວນ​ຍ່າ (ທ້າວ​ຈັນ­ທະ­ຄາດ)

- ພຣະ​ກໍ​ມວນ​ມອບ​ໃຫ້ ບາ​ທ້າວ​ໜໍ່​ອິນ (ຂຸນ​ບູ​ຣົມ)

ໃນ​ພາ­ສາ​ທ້ອງ­ຖິ່ນ​ຂອງ​ລາວ​ກໍ່​ພົບ​ໃຊ້ ເຊັ່ນ:

- ງົວ­ບາ ໝາຍ​ເຖິງ​ງົວ​ໜຸ່ມ

- ບາ​ຫຼ້າ​ເຮັດ​ຫຍັງ?

- ບາ​ເຮືອງ​ໄປ​ໃສ?

    ສ່ວນ​ທີ່​ພົບ​ເຫັນ​ໃຊ້​ໃນ​ສາ­ສະ­ໜາ​ເຊັ່ນ ຄູ­ບາ ແປ​ວ່າ ຜູ້​ສັ່ງ­ສອນ.

ບາ ເປັນ​ຄຳ​ມໍ­ລະ­ດົກ​ທີ່​ຖື​ເປັນ​ຄຳ​ສູນ­ຫາຍ (loss vocabulary) ທີ່​ພໍ​ສັນ­ນິ­ຖານ​ຫາ​ຄວາມ​ໝາຍ​ໄດ້.

ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ