ຄືກັບຢູ່ເຮືອນຕົນເອງ

334 19 ພ.ຈ. 2018 ຫົວຂໍ້ຂ່າວອື່ນໆ

    ນັກ­ທຸ­ລະ­ກິດ​ຄົນ​ໜຶ່ງ​ຊື່ ປຽກ ຕັ້ງ­ໜ້າ​ຕັ້ງ​ຕາ​ໄປ​ພັກ­ຜ່ອນ​ຢູ່​ວັງ​ວຽງ ແດນ​ສະ­ຫວັນ​ຊັ້ນ​ຟ້າ​ຂອງ​ນັກ​ທ່ອງ​ທ່ຽວ ທັງ​ລາວ ແລະ ຕ່າງ­ປະ­ເທດ.

    ພໍ​ໄປ​ຮອດ​ໂຮງ­ແຮມ​ຫຼູ​ແຫ່ງ​ໜຶ່ງ ສາວ​ງາມ​ຍ້ອຍ​ຜູ້​ເຮັດ​ໜ້າ­ທີ່​ຕ້ອນ­ຮັບ ກໍ່​ເວົ້າ​ສຽງ​ຫວານ​ໃສ່​ທ່ານ ປຽກ ວ່າ:

    “ຍິນ​ດີ​ຕ້ອນ­ຮັບ... ຢູ່​ໂຮງ­ແຮມ​ແຫ່ງ​ນີ້ ທ່ານ​ຈະ​ຮູ້­ສຶກ​ສະ­ບາຍ​ອົກ​ສະ­ບາຍ​ໃຈ ບໍ່​ຕ່າງ​ຫຍັງ​ກັບ​ຢູ່​ເຮືອນ​ຂອງ​ທ່ານ​ເອງ !”.

    ໄດ້​ຍິນ​ແນວ​ນັ້ນ ຝ່າຍ​ທ່ານ ປຽກ ເຮັດ​ໜ້າ​ຫຍຸ້ງ ແລະ ຕອບ​ວ່າ:

    “ຖ້າ​ຄື​ຢູ່​ເຮືອນ​ຂອງ​ເຮົາ​ແລ້ວ​ມັນ​ຫຍຸ້ງ​ຄື​ຊິ​ຕາຍ​ນີ້ ຖ້າ​ຕ້ອງ­ການ​ຄື​ຢູ່​ເຮືອນ​ຕົນ​ເອງ​ແລ້ວ ຂ້ອຍ​ບໍ່​ບ້າ​ມາ​ຮອດ​ວັງ​ວຽງ​ພີ້​ດອກ !”.

    ສາວ​ຕ້ອນ­ຮັບ (ຄິດ​ໃນ​ໃຈ) ຕາຍ​ກູ​ບັດ​ນີ້ ...

ໂດຍ: ບ່າວກະບື

ຂ່າວທີ່ກ່ຽວຂ້ອງ