ລາວ-ຣັດເຊຍ ເສີມຂະຫຍາຍສາຍພົວພັນຮ່ວມມືຫຼາຍດ້ານ

615 29 ພ.ຈ. 2018 ຂ່າວໜ້າ​ໜຶ່ງ
ລາວ-ຣັດເຊຍ ເສີມຂະຫຍາຍສາຍພົວພັນຮ່ວມມືຫຼາຍດ້ານ

    ກອງ​ປະ­ຊຸມ​ປຶກ­ສາ​ຫາ­ລື​ລະ­ຫວ່າງ ຄະ­ນະ​ກຳ­ມາ​ທິ​ການ​ຮ່ວມ​ມື​ດ້ານ​ເສດ­ຖະ­ກິດ-ການ​ຄ້າ ແລະ ວິ­ທະ­ຍາ­ສາດ-ເຕັກ­ນິກ​ລາວ-ຣັດ​ເຊຍ ຄັ້ງ​ທີ 14 ຈັດ​ຂຶ້ນ​ວັນ​ທີ 26-27 ພະ­ຈິກ 2018 ຢູ່​ກະ­ຊວງ​ແຜນ­ການ ແລະ ການ​ລົງ­ທຶນ (ຜທ) ໂດຍ​ເປັນ​ປະ­ທານ​ຂອງ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ ຜທ ປະ­ທານ​ກຳ­ມາ​ທິ​ການ​ຮ່ວມ​ມື ລາວ-ຣັດ​ເຊຍ ແລະ ທ່ານ Konstantin NOSKOV ລັດ­ຖະ­ມົນ­ຕີ​ກະ­ຊວງ​ພັດ­ທະ­ນາ​ລະ­ບົບ​ດິ​ຈິ​ຕອລ ໂທລະ​ຄົມ­ມະ­ນາ­ຄົມ ແລະ ສື່­ສານ​ມວນ​ຊົນ ສ ຣັດ​ເຊຍ ປະ­ທານ​ຮ່ວມ​ຄະ­ນະ​ກຳ­ມາ​ທິ​ການ​ຮ່ວມ​ມື​ຣັດ​ເຊຍ-ລາວ ພ້ອມ​ດ້ວຍ​ຄະ­ນະ​ກຳ­ມາ​ທິ​ການ​ຮ່ວມ​ມື​ສອງ​ປະ­ເທດ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ໄດ້​ປຶກ­ສາ​ຫາ­ລື ແລະ ຜັນ​ຂະ­ຫຍາຍ​ການ​ຮ່ວມ​ມື​ລະ­ຫວ່າງ ລາວ-ຣັດ​ເຊຍ ເຊິ່ງ​ໄດ້​ຕີ​ລາ­ຄາ​ສູງ​ການ​ພົວ­ພັນ​ດ້ານ​ການ­ເມືອງ​ນັບ​ມື້​ແໜ້ນ​ແຟ້ນ ມີ​ບັນ­ຍາ­ກາດ​ອັນ​ໃໝ່ ສະ­ແດງ​ເຖິງ​ຄວາມ​ປາ­ຖະ­ໜາ​ອັນ​ແຮງ​ກ້າ​ຂອງ​ສອງ​ລັດ­ຖະ­ບານ​ລາວ-ຣັດ​ເຊຍ ເຊິ່ງ​ຍາມ​ໃດ​ກໍ່​ໃຫ້​ຄວາມ​ສຳ­ຄັນ ແລະ ມີ​ຄວາມ​ພະ­ຍາ­ຍາມ ເພື່ອ​ເສີມ​ຂະ­ຫຍາຍ​ມູນ­ເຊື້ອ​ສາຍ​ພົວ­ພັນ​ອັນ​ດີ­ງາມ​ໃນ​ເມື່ອ​ກ່ອນ ໃຫ້​ນັບ​ມື້​ນັບ​ຂະ­ຫຍາຍ­ຕົວ​ຢ່າງ​ບໍ່​ຢຸດ​ຢັ້ງ ສອງ​ຝ່າຍ​ເຫັນ​ດີ​ເປັນ​ເອ­ກະ​ພາບ​ໃນ​ການ​ເສີມ​ຂະ­ຫຍາຍ​ການ​ຮ່ວມ​ມື​ດ້ານ​ເສດ­ຖະ­ກິດ ແລະ ການ​ລົງ­ທຶນ​ໃຫ້​ນັບ​ມື້​ຫຼາຍ​ຂຶ້ນ ໂດຍ​ຊຸກ­ຍູ້​ຂະ­ຫຍາຍ​ການ​ຮ່ວມ​ມື​ພາກ​ລັດ ແລະ ພາກ​ທຸ­ລະ​ກິດ​ໃນ​ຫຼາຍ​ຂົງ­ເຂດ ເຊັ່ນ: ການ​ພົວ­ພັນ​ດ້ານ​ການ­ເມືອງ ການ​ຄ້າ-ການ​ລົງ­ທຶນ ການ​ສຶກ​ສາ ສາ­ທາ­ລະ­ນະ​ສຸກ ວັດ­ທະ­ນະ­ທຳ ການ​ເງິນ-ການ​ທະ­ນາ­ຄານ ໂທລະ​ຄົມ­ມະ­ນາ­ຄົມ-ສື່­ສານ ແລະ ດ້ານ​ວິ­ທະ­ຍາ­ສາດ-ເຕັກ​ໂນ​ໂລ​ຊີ.

    ນອກ​ນີ້ ສອງ​ຝ່າຍ​ຍັງ​ເນັ້ນ​ໜັກ​ໃສ່​ການ​ຮ່ວມ​ມື​ດ້ານ​ການ​ສຶກ​ສາ ວັດ­ທະ­ນະ­ທຳ-ສັງ­ຄົມ ແລະ ການ­ທ່ອງ­ທ່ຽວ ເຊິ່ງ​ເປັນ​ປັດ​ໄຈ​ສຳ­ຄັນ​ໜຶ່ງ ໃນ​ການ​ເສີມ​ຂະ­ຫຍາຍ​ການ​ຮ່ວມ​ມື ລາວ-ຣັດ​ເຊຍ ໃຫ້​ໄດ້​ຮັບ​ໝາກ­ຜົນ ສອງ​ຝ່າຍ​ຍັງ​ໄດ້​ເອົາ­ໃຈ­ໃສ່​ຊຸກ­ຍູ້​ໃຫ້​ມີ​ການ​ແລກ­ປ່ຽນ-ຖ່າຍ​ທອດ​ບົດ­ຮຽນ ຄວາມ​ຮູ້​ດ້ານ​ວິ­ທະ­ຍາ­ສາດ-ເຕັກ​ໂນ​ໂລ​ຊີ ຊັບ­ພະ­ຍາ­ກອນ ທຳ​ມະ​ຊາດ ກະ­ສິ­ກຳ ແລະ ວິ­ທະ­ຍາ­ສາດ​ການ​ແພດ​ນຳ​ກັນ ຕື່ມ​ອີກ.

ຂ່າວທີ່ກ່ຽວຂ້ອງ