ຂ່າວຫຼ້າສຸດ

ຫຼາຍບັນຫາທີ່ລັດຖະບານ ຈະຕ້ອງໄດ້ນໍາໄປພິຈາລະນາແກ້ໄຂ

605 29 ພ.ຈ. 2018 ຂ່າວໜ້າ​ໜຶ່ງ
ຫຼາຍບັນຫາທີ່ລັດຖະບານ ຈະຕ້ອງໄດ້ນໍາໄປພິຈາລະນາແກ້ໄຂ

    ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ວັນ​ທີ 28 ພະ­ຈິກ 2017 ໂດຍ​ເປັນ​ປະ­ທານ​ຂອງ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ມີ​ຮອງ​ປະ­ທານ​ສະ­ພາ ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ບັນ­ດາ​ລັດ­ຖະ­ມົນ­ຕີ ແລະ ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ເຂົ້າ​ຮ່ວມ.

    ທ່ານ​ນາ­ຍົກ­ລັດ­ຖະ­ມົນ­ຕີ ໄດ້​ຂຶ້ນ​ຊີ້​ແຈງ​ສັງ​ລວມ​ຕໍ່​ວຽກ​ງານ​ຂອງ​ລັດ­ຖະ­ບານ ເຊິ່ງ​ທ່ານ​ໄດ້​ຍົກ​ຫຼາຍ​ບັນ­ຫາ​ທີ່​ສຳ­ຄັນ​ຕໍ່​ຄຳ​ຊັກ​ຖາມ​ຂອງ ສສຊ ເລີ່ມ​ຈາກ​ບັນ­ຫາ​ການ​ຊຸກ­ຍູ້​ການ​ຂະ­ຫຍາຍ­ຕົວ​ຂອງ​ເສດ­ຖະ­ກິດ ນະ­ໂຍ­ບາຍ 3 ເປີດ (ເປີດ​ປະ­ຕູ ເປີດ​ສິ່ງ​ກີດ­ຂວາງ ແລະ ເປີດ​ໃຈ) ການ­ຈັດ­ຕັ້ງ​ປະ­ຕິ­ບັດ 8 ມາດ​ຕະ­ການ​ຊຸກ­ຍູ້​ເສດ­ຖະ­ກິດ ແລະ ການ​ບັນ­ລຸ​ຕົວ​ເລກ​ການ​ເຕີບ​ໂຕ​ຂອງ​ເສດ­ຖະ­ກິດ ອັດ­ຕາ 6,7% ໃນ​ປີ 2019 ສິ່ງ​ສຳ­ຄັນ​ແມ່ນ​ການ​ແກ້​ໄຂ​ໄພ­ພິ­ບັດ ແລະ ຟື້ນ​ຟູ​ຫຼັງ​ໄພ­ພິ­ບັດ ໂດຍ​ສະ­ເພາະ​ໄພ­ພິ­ບັດ​ປີ 2018 ການ​ແກ້​ໄຂ​ຜົນ​ການ​ກວດ­ກາ ຕາມ​ຜົນ​ກວດ​ສອບ​ຂອງ​ບົດ​ສະ­ຫຼຸບ​ຂາດ​ຕົວ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ ປະ­ຈຳ​ປີ 2017 ແລະ ການ​ຈັດ​ສັນ​ໂກ​ຕາ​ລັດ­ຖະ­ກອນ​ໃໝ່ ປະ­ຈຳ​ປີ 2019 ແລະ ອີກ​ຫຼາຍ​ບັນ­ຫາ​ທີ່​ທ່ານ​ນາ­ຍົກ​ໄດ້​ຍົກ​ຂຶ້ນ ເພື່ອ​ຊີ້​ແຈງ​ຕໍ່​ທີ່​ປະ­ຊຸມ.

    ພ້ອມ​ດຽວ​ກັນ ກໍ່​ຍັງ​ໄດ້​ເປີດ​ໂອ­ກາດ​ໃຫ້ ສສຊ ໄດ້​ຜັດ­ປ່ຽນ​ກັນ​ຂຶ້ນ​ຊັກ​ຖາມ​ປະ­ກອບ​ຄຳ​ຄິດ​ຄຳ​ເຫັນ ແລະ ຂໍ້​ສະ­ເໜີ​ຕ່າງໆ​ຢ່າງ​ກົງ​ໄປ​ກົງ​ມາ ໂດຍ​ສະ­ເພາະ​ບັນ­ຫາ​ການ​ສົ່ງ­ເສີມ​ການ​ລົງ­ທຶນ ການ​ສົ່ງ­ເສີມ​ວຽກ​ງານ​ການ­ທ່ອງ­ທ່ຽວ ການ​ພັດ­ທະ­ນາ​ພື້ນ­ຖານ​ໂຄງ​ລ່າງ ການ​ແກ້​ໄຂ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ໃນ​ທົ່ວ​ປະ­ເທດ ເພື່ອ​ໃຫ້​ປະ­ເທດ​ສາ­ມາດ​ຫຼຸດ​ພົ້ນ​ຈາກ​ຄວາມ­ທຸກ​ຍາກ ແລະ ດ້ອຍ​ພັດ­ທະ­ນາ​ໃຫ້​ທັນ​ພາກ​ພື້ນ ແລະ ສາ­ກົນ ເພື່ອ​ໃຫ້​ລັດ­ຖະ­ບານ​ໄດ້​ນຳ­ໄປ​ປັບ­ປຸງ​ແກ້​ໄຂ ເຮັດ​ໃຫ້​ບັນ­ຍາ­ກາດ​ຂອງ​ການ​ປະ­ຊຸມ​ມີ​ຄວາມ​ຄຶກ­ຄື້ນ.

ຂ່າວທີ່ກ່ຽວຂ້ອງ