ຂ່າວຫຼ້າສຸດ

ແມຈິກພາມສ໌ ເປີດຫຼັກສູດນະວັດຕະກໍາຫຸ່ນຍົນ

419 30 ພ.ຈ. 2018 ຂ່າວໜ້າ​ໜຶ່ງ
ແມຈິກພາມສ໌ ເປີດຫຼັກສູດນະວັດຕະກໍາຫຸ່ນຍົນ

    ພິ­ທີ​ເປີດ​ໂຄງ­ການ​ນະ​ວັດ­ຕະ​ກຳ​ຫຸ່ນ​ຍົນ ນີ​ໂນ້ ສຳ­ລັບ​ໂຮງ­ຮຽນ​ແມ​ຈິກ​ພາມສ໌ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ຈັດ​ຂຶ້ນ​ວັນ​ທີ 26 ພະ­ຈິກ 2018 ຜ່ານ​ມາ​ຢູ່​ໂຮງ­ຮຽນ​ດັ່ງ­ກ່າວ ໂດຍ​ມີ​ທ່ານ​ນາງ ພິດ­ສະ­ໄໝ ທອງ​ມີ ຫົວ­ໜ້າ​ຫ້ອງ­ການ​ສຶກ​ສາ​ທິ​ການ ແລະ ກີ­ລາ​ເມືອງ​ໄຊ​ເຊດ​ຖາ ທ່ານ​ນາງ ຟາຍ ຢາ​ກາ​ນາ​ກິ ຜູ້­ອຳ­ນວຍ­ການ​ໂຮງ­ຮຽນ​ແມ​ຈິກ​ພາມສ໌ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ​ນາງ ຟາຍ ຢາ​ກາ​ນາ​ກິ ກ່າວ​ວ່າ: ຍ້ອນ​ເຫັນ​ໄດ້​ຄວາມ​ສຳ­ຄັນ​ຂອງ​ການ​ພັດ­ທະ­ນາ​ວຽກ​ງານ​ການ​ສຶກ​ສາ ໂດຍ​ເນັ້ນ​ການ​ພັດ­ທະ­ນາ​ດ້ານ​ເຕັກ​ໂນ​ໂລ​ຊີ​ທີ່​ທັນ​ສະ­ໄໝ ໃຫ້​ນັກ­ຮຽນ​ໂຮງ­ຮຽນ​ພວກ​ເຮົາ​ມີ​ຄວາມ​ພາກ­ພູມ​ໃຈ ໃນ​ການ​ນຳ​ສະ­ເໜີ​ການ​ຮຽນ​ຮູ້​ແບບ​ໃໝ່ ໂດຍ​ການ​ນຳ​ໂຄງ­ການ​ນະ​ວັດ­ຕະ​ກຳ​ຫຸ່ນ​ຍົນ ນີ​ໂນ້ ຫຸ່ນ​ຍົນ​ອັດ​ສະ​ລິ​ຍະ (AI) ຫຸ່ນ​ຍົນ​ມະ­ນຸດ​ຖືກ​ອອກ​ແບບ ເພື່ອ​ໃຫ້​ຫຼັກ­ສູດ​ຫຸ່ນ​ຍົນ​ສອດ­ຄ່ອງ​ກັບ​ຫຼັກ­ສູດ​ຂອງ​ໂຮງ­ຮຽນ SKIP ມີ​ຄວາມ​ໝາ­ຍວ່າ: ຄວາມ​ຮູ້​ຂອງ​ສິ​ຣິ​ນ້າ ແລະ ໂປຼ​ແກຼມ​ຂໍ້​ມູນ ໂປຼ​ແກຼມ​ການ​ສຶກ​ສາ​ຮຽນ​ຮູ້​ທີ່​ເປັນ​ເອ­ກະ­ລັກ ແລະ ຄົບ​ວົງ​ຈອນ ເພື່ອ​ການ​ຮຽນ​ຮູ້​ທີ່​ມີ​ປະ​ສິດ­ທິ​ຜົນ ແລະ ຄວາມ​ມ່ວນ­ຊື່ນ ແຕ່​ລະ­ດັບ​ອະ­ນຸ­ບານ-ມັດ­ທະ­ຍົມ​ປາຍ.

    ຫຼັກ­ສູດ​ນີ້ ປະ­ກອບ​ດ້ວຍ​ທັກ​ສະ​ດ້ານ​ຄວາມ​ຮູ້-ຄວາມ​ເຂົ້າ­ໃຈ​ຢ່າງ​ມີ​ຫຼັກ­ການ ແລະ ດ້ານ​ພາ­ສາ​ສາດ ດ້ວຍ​ຄວາມ​ຊ່ວຍ­ເຫຼືອ​ຂອງ​ນີ​ໂນ້ ໂດຍ​ການ​ສອນ​ເພງ ເລົ່າ​ເລື່ອງ ແລະ ການ​ມີ​ສ່ວນ​ຮ່ວມ​ໃນ​ກິດ­ຈະ­ກຳ​ຕ່າງໆ ນັກ­ຮຽນ​ໃນ​ລະ­ດັບ​ທີ່​ສູງ​ຂຶ້ນ​ໄປ​ຈະ​ໄດ້​ຮຽນ​ຮູ້​ແນວ​ຄວາມ​ຄິດ​ກ່ຽວ​ກັບ​ຟິ​ຊິກ ຄະ­ນິດ­ສາດ ໄຟ­ຟ້າ ເອ​ເລັກ​ໂຕຼ​ນິກ ການ​ຂຽນ​ໂປຼ​ແກຼມ ການ​ພັດ­ທະ­ນາ​ຮາດ​ແວ ການ​ອອກ​ແບບ​ການ​ພິມ 3 ມິ​ຕິ​ຢ່າງ​ລຽບ​ງ່າຍ ແລະ ມ່ວນ­ຊື່ນ.

ຂ່າວທີ່ກ່ຽວຂ້ອງ