ຂ່າວຫຼ້າສຸດ

ສະໜັບສະໜູນທຶນເພື່ອປັບປຸງການປົກຄອງ

139 05 ທ.ວ. 2018 ຂ່າວໜ້າ​ໜຶ່ງ
ສະໜັບສະໜູນທຶນເພື່ອປັບປຸງການປົກຄອງ

    ວັນ​ທີ 30 ພະ­ຈິກ 2018 ຢູ່​ກະ­ຊວງ​ພາຍ​ໃນ ໄດ້​ມີ​ພິ­ທີ​ລົງ​ນາມ​ມອບ-ຮັບ​ທຶນ​ສະ­ໜັບ­ສະ­ໜູນ​ເພື່ອ​ປັບ­ປຸງ​ການ​ປົກ­ຄອງ ຫຼື ທຶນ ປປຄ (GPAR PSIF) ຈຳ­ນວນ 850 ລ້ານ​ກີບ ໃຫ້​ກັບ​ບັນ­ດາ​ໂຄງ­ການ​ເພື່ອ​ປັບ­ປຸງ​ກົນ​ໄກ​ລະ­ບົບ​ການ​ບໍ­ລິ­ຫານ​ລັດ ແລະ ການ​ປັບ­ປຸງ​ຄຸ­ນະ­ພາບ​ການ​ບໍ­ລິ­ການ​ຢູ່​ລາວ​ຂຶ້ນ ຮ່ວມ​ລົງ​ນາມ​ລະ­ຫວ່າງ​ທ່ານ ນິ­ສິດ ແກ້ວ​ປັນ­ຍາ ຫົວ­ໜ້າ​ກົມ​ແຜນ­ການ ແລະ ການ​ຮ່ວມ​ມື ກະ­ຊວງ​ພາຍ​ໃນ ທັງ​ເປັນ​ຫົວ­ໜ້າ​ກອງ​ເລ­ຂາ​ແຜນ​ງານ​ປັບ­ປຸງ​ບູ­ລະ­ນະ​ການ​ປົກ­ຄອງ​ແຫ່ງ​ຊາດ ແລະ ຕົວ​ແທນ​ຈາກ 16 ໂຄງ­ການ​ທີ່​ໄດ້​ຮັບ​ສະ­ໜັບ­ສະ­ໜູນ​ທຶນ ປປຄ ມີ​ທ່ານ ຄຳ​ມູນ ວິ​ພົງ​ໄຊ ຮອງ​ລັດ­ຖະ­ມົນ­ຕີ​ກະ­ຊວງ​ພາຍ​ໃນ ທັງ​ເປັນ​ປະ­ທານ​ຄະ­ນະ​ບໍ­ລິ­ຫານ​ງານ​ແຜນ​ງານ​ປັບ­ປຸງ​ບູ­ລະ­ນະ​ການ​ປົກ­ຄອງ​ແຫ່ງ​ຊາດ ພ້ອມ​ຕົວ​ແທນ​ຂອງ​ອົງ­ການ​ຜູ້​ໃຫ້​ທຶນ ໂດຍ​ສະ­ເພາະ​ແມ່ນ​ອົງ­ການ ສປຊ ອົງ­ການ​ສະ­ຫະ​ປະ­ຊາ​ຊາດ ກອງ​ທຶນ​ເພື່ອ​ການ​ພັດ­ທະ­ນາ ແລະ ອົງ­ການ​ຮ່ວມ​ມື​ເພື່ອ​ການ​ພັດ­ທະ­ນາ​ຂອງ​ປະ­ເທດ​ສະ​ວິດ ພ້ອມ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

    ສຳ­ລັບ​ທຶນ​ສະ­ໜັບ­ສະ­ໜູນ​ເພື່ອ​ປັບ­ປຸງ​ການ​ປົກ­ຄອງ ແມ່ນ​ໂຄງ­ການ​ຍ່ອຍ​ທີ່​ສຳ­ຄັນ​ຂອງ​ແຜນ​ງານ​ປັບ­ປຸງ​ບູ­ລະ­ນະ​ການ​ປົກ­ຄອງ​ແຫ່ງ​ຊາດ ແລະ ແມ່ນ​ອົງ​ປະ­ກອບ​ໜຶ່ງ​ຂອງ​ໂຄງ­ການ​ສະ­ໜັບ­ສະ­ໜູນ​ການ​ປົກ­ຄອງ​ແບບ​ມີ​ສ່ວນ​ຮ່ວມ (GPAR GIDP) ທີ່​ມີ​ໄລ­ຍະ​ແຕ່​ປີ 2017-2021 ເຊິ່ງ​ຈຸດ­ປະ­ສົງ​ຂອງ​ທຶນ​ເພື່ອ​ປັບ­ປຸງ​ກົນ​ໄກ​ລະ­ບົບ​ການ​ບໍ­ລິ­ຫານ​ລັດ ແລະ ການ​ປັບ­ປຸງ​ຄຸ­ນະ­ພາບ​ການ​ບໍ­ລິ­ການ​ຂອງ​ພາກ​ລັດ​ຢູ່​ລາວ ໂດຍ​ສອດ­ຄ່ອງ​ກັບ​ນະ­ໂຍ­ບາຍ​ຂອງ​ພັກ-ລັດ ເປັນ­ຕົ້ນ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ ນະ­ໂຍ­ບາຍ 3 ສ້າງ ແຜນ​ງານ​ເຊື່ອມ​ສານ​ເປົ້າ​ໝາຍ​ພັດ­ທະ­ນາ​ແບບ​ຍືນ​ຍົງ (SDG) ການ​ສົ່ງ­ເສີມ​ບົດ­ບາດ​ຍິງ-ຊາຍ ການ​ປົກ​ປັກ​ຮັກ­ສາ​ສິ່ງ­ແວ­ດລ້ອມ ແລະ ອື່ນໆ.

ຂ່າວທີ່ກ່ຽວຂ້ອງ