ຂ່າວຫຼ້າສຸດ

ເຝິກອົບຮົມ-ກິດຈະກຳບານເຕະເຍົາວະຊົນ ເຊື່ອມໂຍງການສຶກສາ-ກີລາ

72 05 ທ.ວ. 2018 ວົງຈອນກີລາ
ເຝິກອົບຮົມ-ກິດຈະກຳບານເຕະເຍົາວະຊົນ ເຊື່ອມໂຍງການສຶກສາ-ກີລາ

    ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ຮ່ວມ​ກັບ​ສະ­ມາ­ຄົມ FIM ຈັດ​ເຝິກ­ອົບ­ຮົມ​ຄູ​ເຝິກ​ຂັ້ນ​ພື້ນ­ຖານ ແລະ ກິດ­ຈະ­ກຳ​ບານ­ເຕະ​ເຍົາ­ວະ​ຊົນ ພາຍ​ໃຕ້​ໂຄງ­ການ​ກິດ­ຈະ­ກຳ​ການ​ເຊື່ອມ​ໂຍງ​ການ​ສຶກ​ສາ-ກີ­ລາ ໂດຍ​ຜ່ານ​ກີ­ລາ​ບານ­ເຕະ ຂຶ້ນ​ວັນ​ທີ 22-28 ພະ­ຈິກ 2018 ຜ່ານ​ມາ​ຢູ່ ສຕລ ໂດຍ​ມີ​ທ່ານ ALOIS KESSLER ປະ­ທານ​ສະ­ມາ­ຄົມ FIM ມີ​ຕົວ​ແທນ​ຄູ​ເຝິກ​ມາ​ຈາກ​ສະ­ໂມ­ສອນ Chelsea FC ປະ­ເທດ​ອັງ­ກິດ ສະ­ໂມ­ສອນ SV Werder Bremen ປະ­ເທດ​ເຢຍ​ລະ​ມັນ ເປັນ​ຜູ້​ຖ່າຍ​ທອດ​ຄວາມ​ຮູ້ ຮ່ວມ​ກັບ​ຄູ​ເຝິກ​ທີມ​ຊາດ​ລາວ ແລະ ຄູ​ເຝິກ​ຈາກ ສຕລ.

    ຈຸດ­ປະ­ສົງ​ເພື່ອ​ພັດ­ທະ­ນາ​ກີ­ລາ​ບານ­ເຕະ​ໃຫ້​ມີ​ຄວາມ​ກ້າວ­ໜ້າ ແລະ ແຜ່​ຂະ­ຫຍາຍ​ໄປ​ທົ່ວ​ປະ­ເທດ ທັງ​ເຮັດ​ໃຫ້­ການ​ເຝິກ​ສອນ​ນັບ​ມື້​ນັບ​ມີ​ມາດ­ຕະ­ຖານ ຮັບ­ປະ­ກັນ​ດ້ານ​ປະ­ລິ­ມານ ແລະ ຄຸ­ນະ­ພາບ ພັດ­ທະ­ນາ​ນັກ­ກີ­ລາ​ຮຸ່ນ​ສືບ​ທອດ ໃຫ້​ຖືກ­ຕ້ອງ​ຕາມ​ຂັ້ນ​ຕອນ ແລະ ມີ​ຄວາມ​ຄ່ອງ​ແຄ້ວ ເຮັດ​ໃຫ້​ສຸ­ຂະ­ພາບ​ເຂັ້ມ­ແຂງ ຫຼິ້ນ​ກີ­ລາ​ບານ­ເຕະ​ດ້ວຍ​ນ້ຳ­ໃຈ​ນັກ­ກີ­ລາ ມ່ວນ­ຊື່ນ ແລະ ຫ່າງ​ໄກ​ຈາກ​ສິ່ງ​ອະ­ບາຍ​ຍະ​ມຸກ​ຕ່າງໆ ສົ່ງ­ເສີມ​ໃຫ້​ເດັກ­ນ້ອຍ​ມີ​ຄວາມ​ມຸ່ງ​ຫວັງ ແລະ ບຸກ​ບືນ​ເພື່ອ​ໃຫ້​ກາຍ­ເປັນ​ນັກ­ກີ­ລາ​ທີ່​ດີ­ເດັ່ນ​ໃນ​ເວ­ທີ​ຕ່າງໆ ກ້າວ​ໄປ​ສູ່​ນັກ­ກີ­ລາ​ອາ­ຊີບ​ທີ່​ມີ​ປະ​ສິດ­ທິ​ຜົນ​ໃນ​ອະ­ນາ­ຄົດ.

ຂ່າວທີ່ກ່ຽວຂ້ອງ