ຂ່າວຫຼ້າສຸດ

ທະຫານ​ຂອງ ສ ອາ​ເມ​ຣິ​ກາ ເສຍ​ຊີວິດ​ຢູ່​ໃນ​ອາ​ຟະ​ກາ​ນິດ​ສະຖານ ເກີນ 2.400 ຄົນ​ແລ້ວ

56 06 ທ.ວ. 2018 ຂ່າວຕ່າງປະເທດ
ທະຫານ​ຂອງ ສ ອາ​ເມ​ຣິ​ກາ ເສຍ​ຊີວິດ​ຢູ່​ໃນ​ອາ​ຟະ​ກາ​ນິດ​ສະຖານ ເກີນ 2.400 ຄົນ​ແລ້ວ

    ກະຊວງ​ປ້ອງ​ກັນ​ປະເທດ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 3 ທັນວາ​ນີ້​ວ່າ ພົນທະຫານ​ຄົນທີ​ສີ່​ຂອງ ສ ອາ​ເມ​ຣິ​ກາ ໄດ້​ເສຍ​ຊີວິດ​ຍ້ອນ​ຖືກ​ລະເບີດ​ຢູ່​ແຄມ​ທາງ ເມື່ອ​ອາທິດ ທີ່​ຜ່ານ​ມາ ຊຶ່ງ​ເກີດ​ຂຶ້ນ​ຢູ່​ໃນ​ນະຄອນ ກາ​​ສ​ນີ (ພາກ​ກາງ​ອາ​ຟະ​ກາ​ນິດ​ສະຖານ). ໃນ​ຂະນະ​ດຽວ​ກັນ ເມື່ອ​ວັນ​ທີ 27 ພະຈິກ​ທີ່​ຜ່ານ​ມາ ກໍ​ມີ​ທະຫານ​ຂອງ ສ ອາ​ເມ​ຣິ​ກາ ເສຍ​ຊີວິດ 3 ຄົນ ເມື່ອ​ລົດ​ທີ່​ພວກ​ເຂົາ​ໂດຍສານ​ໄປ​ນັ້ນ ຢຽບ​ເອົາ​ອຸປະກອນ​ລະເບີດ​ທີ່​ຫ້າງ​ໄວ້​ຕາມ​ຖະໜົນ.

    ຈາກ​ຕົວ​ເລກ​ການ​ເສຍ​ຊີວິດ​ຫຼ້າ​ສຸດ​ດັ່ງກ່າວໄດ້​ເຮັດ​ໃຫ້​ຕົວ​ເລກ​ພົນ​ທະ​ທະຫານ​ຂອງ ສ ອາ​ເມ​ຣິ​ກາ ທີ່​ເສຍ​ຊີວິດ​ໃນ​ຂະນະ​ທີ່​ປະຕິບັດ​ໜ້າທີ່​ຮັບ​ໃຊ້​ກອງທັບ ສ ອາ​ເມ​ຣິ​ກາ ຢູ່​ໃນ​ອາ​ຟະ​ກາ​ນິດ​ສະຖານ ມີ​ເກີນ 2.400 ຄົນ​ແລ້ວ ນັບ​ແຕ່ ສ ອາ​ເມ​ຣິ​ກາ ເປີດ​ສາກ​ໂຈມ​ຕີ​ເພື່ອ​ໂຄ່ນ​ລົ້ມ​ອຳນາດ​ການ​ປົກຄອງ​ຕາ​ລີ​ບັນ ຢູ່​ໃນ​ອາ​ຟະ​ກາ​ນິດ​ສະຖານ ເມື່ອ​ປີ 2001 ເປັນຕົ້ນ​ມາ.

    ໃນ​ຂະນະ​ດຽວ​ກັນ ນັບ​ແຕ່​ຕົ້ນ​ປີ​ນີ້​ເປັນຕົ້ນ​ມາ ຍອດ​ຈຳນວນ​ທະຫານ ສ ອາ​ເມ​ຣິ​ກາ ທີ່​ເສຍ​ຊີວິດ​ຢູ່​ໃນ​ອາ​ຟະ​ກາ​ນິດ​ສະຖານ ໄດ້​ເພີ່ມ​ຂຶ້ນ​ເປັນ 13 ຄົນ.

 

ຂ່າວທີ່ກ່ຽວຂ້ອງ