ຂ່າວຫຼ້າສຸດ

ອິດ​ສະ​ຣາ​ແອນ ສົ່ງ​ທະຫານ​ໄປ​ຍັງ​ຊາຍ​ແດນ​ທາງ​ທິດເໜືອ​ເພື່ອ​ຮັບ​ມື​ກັບ​ກຸ່ມ ເຮ​​ສ​ໂບ​ລາ

61 06 ທ.ວ. 2018 ຂ່າວຕ່າງປະເທດ
ອິດ​ສະ​ຣາ​ແອນ ສົ່ງ​ທະຫານ​ໄປ​ຍັງ​ຊາຍ​ແດນ​ທາງ​ທິດເໜືອ​ເພື່ອ​ຮັບ​ມື​ກັບ​ກຸ່ມ ເຮ​​ສ​ໂບ​ລາ

    ກອງ​ກຳລັງ​ປ້ອງ​ກັນ​ຂອງ​ອິດ​ສະ​ຣາ​ແອນ (IDF) ແຈ້ງ​ໃຫ້​ຮູ້​ໃນ​ຄ່ຳ​ຄືນ​ຂອງ​ວັນ​ທີ 4 ທັນວາ​ນີ້​ວ່າ ໄດ້​ລະດົມ​ກຳລັງ​ທະຫານ​ສຳຮອງ ໃນ​ປະລິມານ​ບໍ່​ຫຼາຍ ເພື່ອ​ຮັບ​ມື​ກັບ​ຄວາມ​ເປັນ​ໄປ​ໄດ້ ທີ່​ກອງ​ກຳລັງ​ປະກອບ​ອາວຸດ ເຮ​​ສ​ໂບ​ລາ ຢູ່​ໃນ​ລີ​ບັງ ຈະ​ດຳເນີນ​ການ​ຕອບ​ໂຕ້ ຫຼັງ​ຈາກ​ທີ່​ໃນ​ຕອນ​ເຊົ້າ ຂອງ​ວັນ​ດຽວ​ກັນ ອິດ​ສະ​ຣາ​ແອນ ໄດ້​ເປີດ​ບັ້ນ​ຮົບ “ໂລ່​ກຳ​ບັງ​ທາງ​ພາກ​ເໜືອ” ເພື່ອ​ທຳລາຍ ທາງ​ອຸ​ໂມງ​ທີ່ ເຮ​​ສ​ໂບ​ລາ ຂຸດ​ຈາກ​ຊາຍ​ແດນ​ລີ​ບັງ ເຂົ້າ​ໄປ​ໃນ​ດິນແດນ​ອິດ​ສະ​ຣາ​ແອນ.

   IDF ບໍ່​ໄດ້​ເປີດເຜີຍ​ຕົວ​ເລກ​ທະຫານ​ສຳຮອງ​ດັ່ງກ່າວ ແຕ່​ໃຫ້​ຮູ້​ວ່າ ຕົ້ນຕໍ​ກໍ​ແມ່ນ​ເພື່ອ​ເພີ່ມ​ເຕີມ ເຂົ້າ​ໄປ​ໃນ​ບັນດາ​ກົມ​ກອງ​ປ້ອງ​ກັນ​ອາກາດ ແລະ​ ໜ່ວຍ​ສືບ​ລາຊະການ​ລັບ​ຂອງ​ກອງທັບ. ໃນ​ຂະນະ​ດຽວ​ກັນ IDF ກໍ​ພວມ​ລະດົມ​ລົດ​ຖັງ ປືນ​ໃຫຍ່ ແລະ ​ພາຫະນະ​ຫຸ້ມ​ເກາະ​ເປັນ​ຈຳນວນ​ຫຼາຍ ໃນ​ການ​ຈັດ​ສົ່ງ​ທະຫານ​ໄປ​ຍັງ​ຊາຍ​ແດນ ທາງ​ທິດເໜືອ ທີ່​ຕິດ​ກັບ​ລີ​ບັງ.

   IDF ໃຫ້ການ​ຄາດ​ຄະເນ​ວ່າ ປັດຈຸບັນ​ນີ້ ເຮ​​ສ​ໂບ​ລາ ຄອບ​ຄອງ​ສາງ​ອາວຸດ ທີ່​ມີ​ຈະ​ຫຼວດ ແລະ ລູກ​ສອນ​ໄຟ​ກວ່າ 100.000 ໜ່ວຍ.

 

ຂ່າວທີ່ກ່ຽວຂ້ອງ